மாமியார் உயிரிழந்த துக்கம் தாங்காமல் மருமகள் சாவு

**சிவா** · **சிவா** Wed 10 Nov 2010 - 22:19

ப.வேலூர்: ப.வேலூர் அருகே மாமியார் இறந்த துக்கம் தாளாமல் மருமகள் உயிரிழந்த சம்பவம் அப்பகுதியில் பெரும் சோகத்தை ஏற்படுத்தியுள்ளது. பரமத்தி வேலூர் போலீஸ் ஸ்டேஷன் எதிரே உள்ள மீனவர் காலனியை சேர்ந்தவர் பெரியக்காள். அவர் உடல் நிலை சரியில்லாமல் நேற்று உயிரிழந்தார். அதையடுத்து உறவினர்கள் பெரியக்காள் வீட்டுக்கு துக்கம் விசாரிக்க வந்துள்ளனர். பெரியக்காள் இறந்த துக்கத்தில் இருந்த அவரது மருமகள் மருதி (28) நேற்று முதல், மாமியாரின் உடல் அருகே அமர்ந்தபடி அழுது கொண்டே இருந்துள்ளார்.

இன்று பெரியக்காள் உடல் மீது சாய்ந்த மருமகள் மருதி அப்படியே உயிரிழந்துள்ளார். மாமியார், மருமகள் என்றால் கீரியும், பாம்பு போல் என்ற உதாரணத்தை பொய்யாக்கும் விதத்தில் மாமியார் உயிர் நீத்த சில மணி நேரங்களில் துக்கம் தாளாமல் மருமகளும் உயிரிழந்த சம்பவம் ப.வேலூரில் மக்கள் மத்தியில் பரிதாபத்தை ஏற்படுத்தியுள்ளது.

தினமலர்!