மதுரையில் வீடு இடிந்து 3 பேர் பலி

Guest · Guest Sun Nov 14, 2010 11:55 pm

மதுரையில் வீடு ஒன்று இடிந்து விழுந்ததில் ஒரு குழந்தை உள்பட மதுரையில் வீடு இடிந்து குழந்தை உள்பட 3 பேர் பலியானார்கள்; 8 பேர் காயம் அடைந்தனர்.

மதுரை எஸ்.எஸ்.காலனி பொன்னி நகரில் மிகப் பெரிய குடியிருப்பு வளாகத்தின் அருகில் உள்ள வீட்டில் குடியிருப்பவர் கண்ணன்.

கூலித் தொழிலாளியான இவரும், மனைவி, மாமியார், குழந்தைகள் இருவர், நண்பர் மீனாட்சி சுந்தரம் மற்றும் குழந்தைகள் என அனைவருடன் தனது வீட்டில் தூங்கிக் கொண்டிருந்தார்.

இந்நிலையில் இன்று அதிகாலை 4.30 மணி அளவில் இந்த வீட்டின் சுவரும் மேற்கூரையும் இடிந்து விழுந்தது. கடந்த சில நாள்களாக மழை பெய்து வருவதால், சுவரில் ஈரம் பொதிந்து இடிந்து விழுந்ததாகக் கூறப்படுகிறது.

இதில் கண்ணன் மனைவி புஷ்பலதா(24), அவருடைய குழந்தை விஷ்ணு(3), மாமியார் உஷா (55) ஆகியோர் சம்பவ இடத்திலேயே பலியானார்கள்.

பிரியதர்ஷினி, மீனாட்சி சுந்தரத்தின் மகள் காவ்யா மணிகண்டன்(1) உள்பட 8 பேர் காயம் அடைந்தனர்.காயமடைந்தவர்கள் மருத்துவமனையில் அனுமதிக்கப்பட்டனர்.