சமக யாருடன் கூட்டணி? 28ல் சரத்குமார் அறிவிக்கிறார்?

Guest · Guest Mon Nov 22, 2010 7:00 pm

சமத்துவ மக்கள் கட்சியின் மாநில பொது செயலாளர் கரு.நாகராஜன் திருப்பூரில் செய்தியாளர்களை சந்தித்தார்.

அப்போது அவர், ‘’வரும் 28ம் தேதி கோவை, சிவானந்தா காலனியில் கட்சியின் கொங்கு மண்டல பொதுக்கூட்டம் நடக்கிறது. அதில் கலந்துகொண்டு தலைவர் சரத்குமார் பேசுகிறார்.

இந்த கூட்டத்தில் 2 லட்சம் பேர் பங்கேற்பார்கள்.

சட்டமன்ற தேர்தலில் சமக, கூட்டணி அமைத்து போட்டியிடும். தமிழகத்தில் எந்த கட்சி, யாருடன் கூட்டணி அமைக்கும் என உறுதியாக கூற முடியாத சூழல் உள்ளதால், யாருடன் கூட்டணி என்பது முடிவாகவில்லை.

கூட்டணி தொடர்பாக முக்கியமான பேச்சுவார்த்தை நடந்து வருகிறது. கோவை பொதுக் கூட்டத்தில், இதுதொடர்பாக முக்கிய அறிவிப்பை சரத்குமார் அறிவிக்க வாய்ப்புகள் உள்ளன’’என்று தெரிவித்துள்ளார்.