காத்திருக்கிறேன் நண்பர்களுக்காக

பதில் சொல் 'நண்பனே...'
இறுகிய மனதுடன்
இயல்பாக உன்னால் மட்டும்
எப்படி வாழ முடிகிறது...?



* உன்னிடம் நான் நேசித்தது
'தோழியே' என நீ சொல்லும்
ஒரு வார்த்தையை...
தினமும் ஆயிரம் முறை கேட்க
என் காதுகள் துடித்தாலும்
ஏனோ
நீ சொல்வது
சில நேரங்களில் மட்டுமே...



* பாசத்தை பகிர்ந்து கொள்ள
'நண்பன்' நீ இருந்தும்,
புரிந்து கொள்ளாத
மனநிலையில் இருந்தென்ன
லாபம்...



* கை காட்டி
வழி காட்டிய நீ
இன்று
கை கட்டி நிற்பதேன்?
நம் பிரிவின் வலியை
நீ உணராததாலோ!



* பாசம் மட்டுமே தெரிந்த
என் இதயத்திற்கு
உன் வேஷம்
தெரியவில்லையடா...



* சோர்ந்து போன நேரங்களில்
சோர்வை நீக்கிய
உன் வார்த்தைகள்
இன்று...
சோகத்தை தந்தது ஏனோ!



* எதிர்பார்த்த
எதிர்பாராத
தருணங்களில் வந்த
உன் தொலைபேசி
அழைப்புகள் இன்று
தொலைந்து போனது ஏனோ?



* நினைவுகளை அசைபோட்ட
இதயத்தின் வலியை குறைக்க
கண்ணீர் துளிகள் ஆறுதல்
அளிக்கிறது அவ்வப்பொழுது!



* காற்றின் எடையை விட
லேசாய் இருந்த
என் இதயம் கனமானது
இன்று
என், 'நண்பன்' பிரிவால்!



* அமைதியாய் இருந்த
என் உள்ளத்தில்
உன் நட்பு எனும்
புயல் வீசியதால்
இழப்புகள் ஏராளம்...
ஈடுசெய்ய முடியவில்லை
எஞ்சியது
நீ வந்து சென்ற
கால் தடம் மட்டுமே!



* உன் நினைவுகள் தந்த
வலியால் துடிக்கும்
என் இதயத்திற்கு
கற்றுக்கொடு
உன்னை மறக்க —
என்னை மாற்றிக் கொள்ள —



* முடியாத செயலுக்கு
முற்றுப்புள்ளி மட்டுமே
முடிவு!



* கல்லாய் போன
உன் இதயம்
கரையுமோ -
கரையாதோ...
காலம் மட்டுமே
பதில் சொல்லும்
காத்திருக்கிறேன்
என், 'நண்பனு'க்காக...
— எஸ்.நாகதேவி, மதுரை

* காற்றின் எடையை விட
லேசாய் இருந்த
என் இதயம் கனமானது
இன்று
என், 'நண்பன்' பிரிவால்!
பதில் சொல் 'நண்பனே...'

இறுகிய மனதுடன்
இயல்பாக உன்னால் மட்டும்
எப்படி வாழ முடிகிறது...?

அமைதியாய் இருந்த
என் உள்ளத்தில்
உன் நட்பு எனும்
புயல் வீசியதால்
இழப்புகள் ஏராளம்...
ஈடுசெய்ய முடியவில்லை
எஞ்சியது
நீ வந்து சென்ற
கால் தடம் மட்டுமே!

தோழமை இழந்த மனத்தின் வேதனை வரிகள் கண்களில் நீர்த்திரையை வரவழைத்தது...அருமை அருமை தோழியே..

கலை wrote:தோழமை இழந்த மனத்தின் வேதனை வரிகள் கண்களில் நீர்த்திரையை வரவழைத்தது...அருமை அருமை தோழியே..

உங்களின் கண்களை நீர் வழிந்தால் என் நெஞ்சில் உதிரம் கொட்டும் சார்