இந்தியாவின் பொருளாதார வளர்ச்சி 9% தாண்டும்: அரையாண்டு மதிப்பீடு

**krishnaamma** · **krishnaamma** Wed Dec 08, 2010 2:13 pm

2010-11ஆம் நிதியாண்டில் இந்தியாவின் பொருளாதார (ஒட்டுமொத்த உள்நாட்டு உற்பத்தி) வளர்ச்சி 9 விழுக்காட்டைத் தாண்டும் என்று மத்திய அரசு இன்று வெளியிட்ட அரையாண்டு பொருளாதார ஆய்வறிக்கை தெரிவிக்கிறது.

நாடாளுமன்றத்தில் இந்த நிதியாண்டின் முதல் ஆறு மாதங்களில் ஏற்பட்டுள்ள பொருளாதார வளர்ச்சி குறித்த ஆய்வறிக்கையை நிதியமைச்சர் பிரணாப் முகர்ஜி தாக்கல் செய்தார். இந்த நிதியாண்டின் முதல் இரண்டு காலாண்டுகளில் பொருளாதார வளர்ச்சி 8.9 விழுக்காடாக இருந்துள்ளதென்றும், இதே நிலை நீடித்தால், ஆண்டின் இறுதியில் இது 9 விழுக்காட்டைத் தாண்டும் என்று எதிர்பார்ப்பதாகத் தெரிவித்தார்.

“பொருளாதார வளர்ச்சியை இந்த அளவிற்கு தொடர்ந்து தக்கவைக்க வேண்டுமெனில் பொருளாதார சீர்திருத்த நடவடிக்கைகளை மேலும் அதிகரிக்க வேண்டும்” என்று கூறிய பிரணாப் முகர்ஜி, தற்போது 8.9 விழுக்காடாக இருக்கும் ரூபாயின் பணவீக்கம், இந்த நிதியாண்டின் இறுதியில் (மார்ச்சில்) 6 விழுக்காடாக குறையும் என்று எதிர்பார்ப்பதாகக் கூறியுள்ளார்.

2005-06, 2006-07, 2007-08 ஆகிய மூன்று நிதியாண்டுகளில் தொடர்ந்து 9 விழுக்காடிற்கும் அதிகமாக இருந்த நாட்டின் பொருளாதார வளர்ச்சி, 2008ஆம் ஆண்டின் நடுப்பகுதியில் தொடங்கிய உலகளாவிய பொருளாதார பின்னடைவால் தடைபட்டது. 2008-09ஆம் நிதியாண்டில் 6.7 விழுக்காடாக இருந்த பொருளாதார வளர்ச்சி, அடுத்த நிதியாண்டில் (2009-10) 7.4 ஆக உயர்ந்தது.

இந்த ஆண்டில் இது 9 விழுக்காட்டை தாண்டும் என்று ஆய்வறிக்கையில் கூறப்பட்டாலும், அது 0.35 விழுக்காடு கூடுதலாகவோ குறைவாகவோ ஆகலாம் என்று கூறப்பட்டுள்ளது.

பூஜிதா · பூஜிதா Wed Dec 08, 2010 3:06 pm

இந்தியாவின் பொருளாதார வளர்ச்சி 9% தாண்டும்: அரையாண்டு மதிப்பீடு

இந்தியாவின் பொருளாதார வளர்ச்சி 9% தாண்டும்: அரையாண்டு மதிப்பீடு

Re: இந்தியாவின் பொருளாதார வளர்ச்சி 9% தாண்டும்: அரையாண்டு மதிப்பீடு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக