ஆஸ்ப்ரின் மூலம் கேன்சர் அபாயத்தை குறைக்கலாம்

புதுடில்லி :

தினந்தோறும் ஆஸ்பிரின் மாத்திரையை உட்கொள்வதன் மூலம் ஆண்களுக்கு ப்ராஸ்டேட் சுரப்பிகளில் வரும் புற்றுநோயை வருவதை குறைக்கலாம் என ஆய்வில் தெரியவந்துள்ளது. அமெரிக்காவின் சியாட்டில் நகரில் உள்ள புற்றுநோய் ஆராய்ச்சி மையத்தில் நடத்தப்பட்ட ஆய்வில் ஆஸ்பிரின் மாத்திரையை தினந்தோறும் உட்கொள்பவர்களுக்கு ப்ராஸ்டேட் சுரப்பிகளில் வரும் புற்றுநோய் வரும் அபாயம் 30 % குறைவாக மட்டும் உள்ளதும், இந்த வலி நிவாரண மாத்திரை, சுரப்பிகளில் ஏற்படும் புற்றுநோய்க்கான மூலகாரணியை தடுத்து, ப்ராஸ்டேட் புற்றுநோய் வருவதை குறைக்கிறது என ஆய்வில் தெரிய வந்துள்ளதாக அங்கிருந்து வரும் தகவல்கள் தெரிவிக்கின்றன. இது குறித்த ஆய்வை விஞ்ஞானிகள், சமவயதுடைய ப்ராஸ்டேட் புற்றுநோய் பாதித்த 1001 ஆண்களிடமும், புற்றுநோய் தாக்காத 942 ஆண்களிடமும் நடத்தினர். இந்த ஆய்வில் ஆஸ்பிரின் மாத்திரை எவ்வாறு புற்றுநோயை கட்டுப்படுத்துகிறது என்பது குறித்து ஆய்வு நடத்தினர். இந்த ஆய்வில் கடந்த 12 மாதங்கள் மட்டும் ஆஸ்பிரின் மாத்திரை உட்கொண்டவர்களுக்கு 21 % புற்றுநோய் தாக்குவது குறைவதாகவும், கடந்த 5 வருடங்களாக மாத்திரையை உட்கொள்பவர்களுக்கு 24 % புற்றுநோய் தாக்கும் அபாயம் குறைவாக இருப்பதும் தெரியவந்துள்ளது. தொடர்ந்து ஆஸ்பிரின் மாத்திரை உட் கொள்பவர்களுக்கு ப்ராஸ்டேட் புற்றுநோய் தாக்கும் அபாயம் குறைவாக உள்ளதும் தெரியவந்துள்ளது. மற்ற வலி நிவாரண மாத்திரைகளுக்கு புற்றுநோயை கட்டுப்படுத்தும் திறன் இல்லை என்றும் விஞ்ஞானிகள் கண்டறிந்துள்ளனர்.

- தினமலர்.