நக்சலைட்டுகள் ஆராய்ச்சி

நிசாந்தன் · நிசாந்தன் Thu Dec 09, 2010 12:24 pm

அதிகமான உயிர் சேதத்தை ஏற்படுத்தக்கூடிய நவீன வெடிகுண்டுகள், பாதுகாப்பு படையினரின் உளவு சாதனங்களில் இருந்து தப்பிக்கக் கூடிய தகவல் தொடர்பு சாதனங்களை கண்டுபிடிக்க, நக்சலைட்டுகள் ஆராய்ச்சி செய்து வருவதாக அதிரடிப் படையினர் தெரிவித்தனர்.

இதுகுறித்து கொல்கத்தா அதிரடிப்படை உயர் அதிகாரி இராசீவ் குமார் கூறியதாவது :

மேற்குவங்க மாநிலம் ஊக்ளி, வடக்கு பர்கானா மாவட்டங்களில் அதிரடிப்படையினர் சமீபத்தில் நடத்திய சோதனையில் நக்சலைட்டுகள் வைத்திருந்த சில குறிப்புகள், தகவல் தொடர்பு சாதனங்கள், ஏராளமான வெடிபொருட்கள் கைப்பற்றப்பட்டன. தகவல் பரிமாற்றத்திற்கு உதவக்கூடிய நவீன ஆண்டனாக்களும் அதில் இருந்தன.

நக்சலைட்டுகளிடமிருந்து கைப்பற்றப்பட்ட குறிப்புகளில் இருந்து அவர்கள், அதிகமான உயிர் சேதத்தை ஏற்படுத்தக்கூடிய நவீன வெடிகுண்டுகள் குறித்தும் பாதுகாப்பு படையினரின் கண்காணிப்பில் சிக்காதவாறு தகவல் பறிமாற்றம் செய்வது குறித்தும் ஆராய்ச்சியில் ஈடுபட்டிருப்பது தெரிகிறது.

நக்சலைட்டுகள் பெரும்பாலும் கண்ணிவெடி தாக்குதல்தான் நடத்துவார்கள். தாக்க வேண்டிய இடத்தில் கண்ணிவெடியை புதைத்து வைத்துவிட்டு, அதனுடன் இணைக்கப்பட்ட நீண்ட கம்பி மூலம் கண்ணி வெடிகளை வெடிக்கச் செய்வதுதான் நக்சலைட்டுகள் வழக்கம்.

இந்த கம்பியை வைத்து நக்சலைட்டுகல் எங்கு மறைந்திருக்கிறார்கள் என்பதை எளிதாக கண்டுபிடித்துவிட முடியும்.

இதனால், கண்ணிவெடி, பழைய காலத்து துப்பாக்கிகளை வைத்துக்கொண்டு பாதுகாப்பு படையினருடன் மோத முடியாது என்பதை புரிந்துகொண்டவர்கள், கால மாற்றத்துக்கு ஏற்ப அவர்களை நவீனபடுத்திக்கொள்ள துவங்கியுள்ளனர்.

இதற்காக அதிகமான உயிர்சேதத்தை ஏற்படுத்தக்கூடிய, தொலைவில் இருந்து தொலை இயக்கி மூலம் இயக்கக்கூடிய விதமான வெடிகுண்டு தயாரிப்பு முறைகள் குறித்து ஆராய்ந்து வருகின்றனர்.

பாதுகாப்பு படையினரின் உளவு வளையத்துக்குள் சிக்காதபடி நவீன முறையில் தகவல் பரிமாறும் விதம் குறித்தும் நக்சலைட்டுள் ஆராய்ந்து வருவதும் தெரியவந்துள்ளது.

எனினும் மேற்கு வங்கத்தில், இதுவரை, இந்த நவீன முறைகளை பயன்படுத்தி தாக்குதல் நடத்தவில்லை. சட்டீசுகள், ஒரிசா, பீகார் போன்ற நக்சலைட்டுகள் ஆதிக்கம் மிகுந்த மாநிலங்களிலும் இதுபோன்ற நவீன தாக்குதல்கள் நடந்ததாக இதுவரை நான் கேள்விப்படவில்லை.

இவ்வாறு இராசீவ் குமார் கூறினார்.

**சிவா** · **சிவா** Thu Dec 09, 2010 1:01 pm

எப்படியோ நவீனமாக நாட்டைச் சீரழிக்க முடிவு செய்துவிட்டார்கள்! நக்சலைட்டுகள் ஆராய்ச்சி 56667

நிசாந்தன் · நிசாந்தன் Thu Dec 09, 2010 2:59 pm

இந்திய அரசாங்கம் மக்களை சீரழிப்பதை விட அவர்கள் செய்தது சிறிய பாதிப்புத்தான்

**சிவா** · **சிவா** Thu Dec 09, 2010 3:09 pm

நிசாந்தன் wrote:இந்திய அரசாங்கம் மக்களை சீரழிப்பதை விட அவர்கள் செய்தது சிறிய பாதிப்புத்தான்

இந்தியாவில் இப்பொழுது தமிழக அரசியல்வாதிகளே, தமிழர்களுக்கு எதிராக இனத்துவேஷத்தை டெல்லியில் ஆரம்பித்து வைத்துள்ளனர்! இது விஸ்வரூபம் எடுக்கும் நாள் வெகுதொலைவில் இல்லை!

நிசாந்தன் · நிசாந்தன் Thu Dec 09, 2010 3:23 pm

அப்படி எடுக்கும் போது, தமிழகத்திலும் நக்சலைட்டுகள் உறுவாகுவார்கள். இன்று காலை கூட தஞ்சை புதிய பேருந்து நிலைய சுவர் ஒன்றில் நக்சலைட்டுகள் ஒட்டியுள்ள சுவரொட்டியை பார்த்தேன்.

**சிவா** · **சிவா** Thu Dec 09, 2010 3:31 pm

Naxalite - இதற்குத் தமிழில் என்ன?

நிசாந்தன் · நிசாந்தன் Thu Dec 09, 2010 4:12 pm

மேற்கு வங்க மாநிலத்திலுள்ள நக்சல்பாரி என்ற கிராமத்தில் உருவானதால், நக்சல்பாரி இயக்கம் என்று பெயரிடப்பட்டது. பின், அதனை நக்சல் என சுறுக்கினர். அதில் உள்ள உறுப்ப்பினர்களை நக்சலைட்கள் என அழைக்கப்படுகின்றனர்.

**சிவா** · **சிவா** Thu Dec 09, 2010 4:15 pm

நிசாந்தன் wrote:மேற்கு வங்க மாநிலத்திலுள்ள நக்சல்பாரி என்ற கிராமத்தில் உருவானதால், நக்சல்பாரி இயக்கம் என்று பெயரிடப்பட்டது. பின், அதனை நக்சல் என சுறுக்கினர். அதில் உள்ள உறுப்ப்பினர்களை நக்சலைட்கள் என அழைக்கப்படுகின்றனர்.

இதுதான் நக்சலைட்டுகளின் வரலாறா? அறியத் தந்தமைக்கு நன்றி டாக்டர்! நக்சலைட்டுகள் ஆராய்ச்சி 678642