பிரான்ஸ் இராணுவத்தினால் தேடப்படும் பெண்

ரபீக் · ரபீக் Tue Jan 25, 2011 11:53 am

கடந்த செவ்வாய் இரவு தான் வேலை செய்யும் உணவுவிடுதியிலிருந்து தனது வேலைகளை முடித்த 18 வயதான Laëtitia Perrais அன்றிரவு வீடு திரும்பவில்லை.
இவரைத் தேடுவதற்கான முயற்சி புதன் கிழமையிலிருந்து ஆயுதம் தாங்கிய காவற்துறையினராலும் (gendarmerie nationale) இராணுவத்தினராலும் மேற்கொள்ளப்பட்டுள்ளது. காணாமற்போன இவரிடமிருந்து தன்னைக் கடத்திப் பாலியல் வன்முறைக்குட்படுத்துவதாகவும் கொலைசெய்யப்படும் அச்சம் உள்ளதாகவும் குறுந்தகவல் செவ்வாய் நடுநிசியளவில் நெருங்கிய தோழிக்கு அனுப்பியுமுள்ளார்.

இவர் புரோனிக் (Pornic (Loire-Atlantique) ) எனுமிடத்தில் வசிப்பவர்.

தேடுதல் விசாரணையில் Tony Meilhon என்பவரைக் காவற்துறையினர் கைது செய்துள்ளனர். 31 வயதான இவர் ஏற்கனவே பாலியல் வன்முறை, போதைப்பொருள் விற்பனை, திருட்டு போன்ற 15 வழக்குகளில் கைது செய்யப்பட்டு கடந்த வருடம் பெப்ரவரியிலேயே விடுதலை செய்ப்பட்டுள்ளார். அவரைக் கைது செய்து விசாரணை செய்தபோது இவரது வாகனத்தில் இரத்தக்கரை காணப்பட்டுள்ளது. அதைப் பரிசோதனைக்குட்படுத்தப்பட்ட போது அது காணாமற்போன Laëtitia Perrais ன் இரத்தம் என்பதை உறுதி செய்துள்ளனர்.

இவரை மேலும் விசாரித்த போது இவர் Laëtitia Perrais ன் ஸ்கூட்டர் தனதுவாகனத்துடன் விபத்துக்குள்ளாகியுள்ளதெனக் கூறியுள்ளார். மேலும் காணாமற் போவதற்குச் சில நாட்களுக்கு முன்பிருந்து Laëtitia Perrais வுடன் Tony Meilhon காணப்பட்டதாகவும் இவர் மேலும் தனது நடவடிக்கைகளை முன்னேற்றிய போது Laëtitia Perrais இவரைத் தவிர்த்துக் கொண்டதாகவும் சாட்சியங்கள் கூறியுள்ளன. இருப்பினும் மேலதிக விபர்ங்களை வழங்க மறுக்கின்றார். இதனால் தற்காலிகச் சிறையில் வைத்து விசாரிக்குமாறு நீதிபதி ஆணையிட்டுள்ளார்.

மேலதிகத் தகவல்கள் இல்லாத நிலையில் தேடுதல் வேட்டை மும்மரமாக்கப்பட்டுள்ளது.

விடுப்பு குலுமம்