ரூ 1க்கு 1கிலோ அரிசி

valluvanraja · valluvanraja Fri 25 Feb 2011 - 12:48

குஜிலியம்பாறை: ரேஷனில் வழங்கப்படும் ரூ. 1 ரேஷன் அரிசி, தவிட்டை விட, விலை குறைவாகவும்,போதிய தரம் இல்லாமலும் கிடைப்பதால், கிராமப்புறங்களில் கால்நடைக்கு உணவாக பயன்படுத்தப்படுகிறது.

2006 சட்டசபை தேர்தல் வாக்குறுதிப்படி, ரூ.1க்கு ஒரு கிலோ அரிசி வழங்கும் திட்டத்தை, தமிழக அரசு செயல்படுத்தி வருகிறது. சாதாரண மக்களுக்கு பயனுள்ளதாக இருக்குமென எதிர்பார்க்கப்பட்டது. ஆனால், இந்த அரிசி போதிய தரம் இல்லாததால், விரும்பி வாங்குவோர் குறைந்த நிலையில், கடத்தல் தொழில் கொடி கட்டி பறக்கிறது. அவ்வப்போது, ரேஷன் அரிசி கடத்தல் வாகனங்கள் பிடிபட்டதாக தகவல் வந்தாலும், குற்றவாளிகள் யாரும் தண்டிக்கப்பட்டதாக தெரியவில்லை.

இது ஒருபுறமிருக்க, தற்போதைய விலைவாசி உயர்வால், தவிடு ஒரு கிலோ ரூ. 8க்கும்,மாட்டு தீவனம் கிலோ ரூ. 14க்கும் விற்கும் போது, ரேஷனில் கிலோ அரிசி ரூ. 1க்கு கிடைப்பது, பலரை சிந்திக்க வைத்தது. விளைவு, ரேஷன் அரிசியை கொண்டு, மாட்டுக்கு உணவு தயாரிக்க மக்கள் தயாராகி விட்டனர். அரிசி வாங்காதவர்களது ரேஷன் கார்டுகளை பெற்று, அரிசியை மொத்தமாக வாங்குகின்றனர். 50 கிலோ அரிசியுடன், கோதுமை,சோளம், மக்காச்சோளத்தை தலா 10 கிலோ வீதமும், 2 கிலோ உளுந்தை கலந்து, மெஷினில் அரைக்க, கிலோவுக்கு ரூ. 1 அரவைக் கூலி கொடுத்து மாட்டு தீவனமாக மாற்றுகின்றனர். இதற்கு ரூ. 550 தான் செலவாகிறது. இதே அளவு மாட்டு தீவனத்தை விலை கொடுத்து வாங்கினால், ரூ. 1,200 தேவைப்படுகிறது. இந்த மாவை கொதிக்க வைத்து, தொட்டியில் கலந்து கறவை மாடுகளுக்கு கொடுக்கின்றனர். இதை உண்ணும் மாடுகள் 2 லிட்டர் பால் கூடுதலாக கறக்கின்றன என்கின்றனர்.

திண்டுக்கல் மாவட்டம் வேடசந்தூர் தாலுகாவில், விவசாயம் பொய்த்துப்போன நிலையில்,ரேஷன் அரிசி தீவனமே கால்நடை வளர்ப்போருக்கு கைகொடுப்பதாக கூறுகின்றனர். ரேஷன் அரிசியை கால்நடை உணவாக மாற்றுவதால், அரசின் நோக்கமும் நிறைவேறுவதில்லை என புகார் எழுகிறது. தீவன தயாரிப்பாளர்களோ, தரமான அரிசியை கிலோ ரூ. 15 க்கு கொடுத்தால் மக்கள் பயன்படுத்தலாம். முடியாததால் தானே, கால்நடைகளுக்கு பயன்படுத்த வேண்டிய நிலை உள்ளது. மேலும், தவிடு கிலோ ரூ. 8, கலப்பு தீவனம் ரூ. 14க்கு விற்கும் போது, இதை தயாரித்து ஊற்றுவதால், விவசாயிக்கு செலவு குறைவுதானே என்கின்றனர். அரசு ரூ. 1க்கு ஒரு கிலோ அரிசி கொடுப்பதை விட, தரமான அரிசியை,ரூ. 15க்கு வழங்கினால் பயனுள்ளதாக இருக்கும். அதை விடுத்து பெயருக்காக ரூ. 1க்கு, ஒரு கிலோ அரிசி வழங்கினால், மக்கள் பயன்படுத்த முடியாத நிலையில், கால்நடைகளுக்கு பயன்படுத்துவதை தவிர்க்க முடியாது.

நன்றி தினமலர்நாளிதழ்

**இளமாறன்** · **இளமாறன்** Fri 25 Feb 2011 - 16:10

நம் மக்கள் அறிவாளிகள் ரூ 1க்கு 1கிலோ அரிசி 154550

ரூ 1க்கு 1கிலோ அரிசி

ரூ 1க்கு 1கிலோ அரிசி

Re: ரூ 1க்கு 1கிலோ அரிசி

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக