சர்வதேசப் போர் வியூகமும் லிபியப் போர்க்களமும் - காணொளிகள் இணைப்பு

March 21, 2011, 4:02 pm[views: 1969]

செய்மதி ஒளிப்படத் தொகுப்புக்கள், இலத்திரனியல் தகவல் பறிமாற்றங்களை இடைமறித்துத் தகவல்பெறுதல், இராணுவப் புலனாய்வு என்பன ஒரு இராணுவ நடவடிக்கை வெற்றிபெற முக்கியமானவை. இதுவே வெற்றியின் முக்கிய திறவுகோலாக அமைகின்றது.

லிபிய யுத்தத்திலும் சர்வதேசக் கூட்டுப் படைகளின் கடாபிக் கெதிரான யுத்தத்தின் இந்த போர் உத்தியே கடைப்பிடிக்கப்படுகின்றது. கூட்டுப் படைகளின் முக்கிய நாடுகளான பிரான்ஸ், பிரித்தானியா, அமெரிக்கா ஆகியன முக்கிய வேவுகளின் அடிப்படையில் லிபிய இராணுவத்தின் ஆயுதபலத்தைப் புலனாய்வு செய்தனர். அரபு நாடுகளிலும் லிபியாவிலும் வேறு பெயரோடு மறைவில் வசிக்கும் முன்னைய உளவுத்துறையின் பொறுப்பாளர் ஒருவரின் மூலம் திரட்டப்பட்ட தகவல்களின் பெறுபேறுகள் ஆராயப்பட்டே பிரான்சின் முதலாவது வான்தாக்குதல் ஒருங்கிணைக்கப்பட்டது.



உருமறைப்பு விமானமான B2, பிரித்தானிய Tornado க்கள், பிரான்சின் Mirage கள் மற்றும் கடற்கலங்களிலிருந்தும் நீர்மூழ்கிகளிலிருந்தும் ஏவப்படும் Tomahawk ஏவுகணைகள் ஆகியவற்றை ஒருங்கிணைத்து லிபியாவின் வான்பாதுகாப்புப் பொறிமுறையின் கதரிகள் (Radars), வான் பாதுகாப்பின் தொலைத்தொடர்பு மற்றும் தகவற்பரிமாற்றம், மற்றும் விமான எதிர்ப்பு ஏவுகணைத் தொகுதி என்பவற்றை அழிக்கும் திட்டம் தீட்டப்பட்டது.





இதற்காக செய்மதி உளவாளியின் உதவி நாடப்பட்டது. மேற்கத்தேய நாடுகளின் உளவு செய்மதிகள் தினமும் லிபிய வான்பரப்பில் பறக்கவிடப்பட்டது. அது லிபிய இராணுவ கேந்திர மையங்களை ஒளிப்படம் எடுக்கப் பயன்படுத்தப்பட்டது. இந்த வகையான செய்மதிகள் மூலம் 700 Km உயரத்திலிருந்தும் ஒரு வான்படைத் தளத்தைத் துள்ளியமாகபப் படம் எடுக்கமுடியும். வான்படைத்தளத்தின் நடவடிக்கைகள், விமானங்கள், ஏவுகணைகள், ஏவுகணைகளின் வகை> தொடரிலக்கம் என்பவை வரை இவற்றால் ஒளிப்படம் எடுத்து அனுப்பமுடியும். இவை மூலம் அனைத்துத் தகவல்களையும் பிரான்சும் துணை நாடுகளும் ஒருங்கிணைத்துத் தாக்குதலை ஒருங்கிணைக்க முடிந்தது.



அத்தோடு மத்தியதரைக் கடலில் உலவும் இரு உளவுபார்க்கும் கடற்படைக் கலங்கள் லிபிய வான்பரப்பில் பறக்கும் லிபிய விமானங்களின் பறப்பு வேகங்கள், விமானத்தின் வகைகள், மற்றும் அவ் விமானங்களைக் கணிப்பொறி மூலம் பதிவு செய்யும் நடவடிக்கைகள் செய்யப்பட்டன. இப்படி பதிவு செய்யப்பட்ட விமனங்கள் பறப்பிலீடுபடும் போது சுலபமாக தரை-வானம் (Air -Sol) ஏவுகணை மூலம் சுலபமாகத் தாக்கியழிக்க முடியும். (அண்மையில் லிபிய விமானம் ஒன்று வானத்தில் சுட்டுவீழத்தப்பட்டது நினைவிருக்கலாம்.)

செய்மதி, உளவு, மற்றும் வேவு விமானங்கள் மூலம் பெற்ப்படும் தகவல்கள் கடற்கலக் கட்டளை மையத்தில் ஒருங்கிணைக்கப்படும். இதிலிருந்தே தாக்க வேண்டிய இலக்கின் பலம், புவியியல் அமைப்பு, தாக்கப்பட வேண்டிய இலக்கிலிருந்து வெளிப்டும் இலத்திரனியல் சமிக்ஞை, மற்றும் தாக்கவேண்டிய ஏவுகணை வகை என்பன தீர்மானக்கப்படும். இந்தத் தகவல்கள் ஏவுகணை ஏவல் மையத்திற்கு அனுப்பப்பட்டு ஏவுகணை செலுத்திகளில் பதிவு செய்யப்படும்.

இதன்போது ஏவப்படும் ஏவுகணையிலிருக்கும் இலக்கு வழிகாட்டி அமைப்பு முறையுடன் கூடிய ஏவுகணைகள் (missile ou d'une bombe guidée) ஏவப்படும்போது தாக்குதல் விமானங்களிலிருக்கும் ஒளிப்பதிவுக் கருவி மூலம் தாக்குதல் இலக்கு படம்பிடிக்கப்படும். இந்த ஒளிப்பதிவுகள் தரைக் கட்டளை மையத்திற்கு அனுப்பப்ட்டு தாக்குதல் பெறு பேறுகள் கணிக்கப்படும்.



வேவு விமானங்களும் தாக்கப்பட்ட இலக்கு மீது பறந்து இலக்கின் அழிப்பினை உறுதி செய்யும். லிபியாவின் மீது ஒவ்வொரு நாளும் உளவு செய்மதி மூலமும் வேவு விமானங்கள் மூலமும் முப்பரிமாண ஒளிப்படங்களும் தகவல்களும் பெறப்படும். இவை மாற்று சங்கேத முறைக்கு (cryptage) மாற்றப்பட்டு மீண்டும் இராணுவ செய்மதிக்கு அனுப்பப்பட்டு அங்கிருந்து பிரான்சின் விமானம் தாங்கிக் கலமான Charles-de-Gaulle ற்கு அனுப்பப்படும்.



கடலில் நின்று கட்டளைத் தளமாக செயற்படும் Charles-de-Gaulle இப் பெறுபேறுகளின் படி போரை வழிநடாத்தும். Charles-de-Gaulle ன் தளத்திலிருக்கும் Rafale போர் விமானங்கள் கட்டளைப்படி தாக்குதலைச் செய்யும். "நீண்ட போர் அனுபவத்தை உங்களுக்கு அளிப்பேன்" என்று எக்காளமிடும் கடாபி கூட இந்த பிரான்சின் இராணுவ தத்திர நடவடிக்கையின் முன் தாக்குப் பிடிப்பாரா என்பது கேள்விக் குறியே

போருக்கு செல்வதென்றால் உங்களுக்கு அவ்வளவு விருப்பமோ ?

நாங்கள் வேட்டுசத்தங்களீல் பழக்கப்படுத்திக்கொண்டோம்.எங்களது வாழ்வினை.நாங்கள் போராடிக்கொண்டிருக்கவேண்டிய ஒரு இனம்,எங்களது மொழி வாழவும் எங்களது இனம் வாழவும்......