காதல் ...

வேலவன் · வேலவன் Wed Feb 22, 2012 5:42 pm

கத்தியில்லாமல்
காயப்படுத்தும்
கவிதைக் கொத்து ......

உடலைத்தாண்டி
உயிரை உரசும்
உந்து சக்தி ........

ஜாதிகளைப் பற்றி
சங்கடப்படாத
ஜோதி மார்க்கம்.....

மதங்களைத் தாண்டி
மனங்களைத் தீண்டும்
மனிதப் பழக்கம்...

மொழிகளைக் கூட
மூழ்கி பிறக்கும்
விழிகளின் வேதம்.......

ஆராய்ச்சிக்குள்
அகப்படாத
அறிவியல்.....

யுகம் யுகமாய்
அணையாத
அகநெருப்பு....

அழிக்க முடியாத
அழியக்கூடாத
அழகிய கோலம்....

இந்த புதுக்கோளில்
இரவும் பகலும்
இல்லவே இல்லை.....

இந்த பாறையில்
இடரும் மலைகள்
பொடிபட நேரும்...

சொந்த பந்தம்
சுட்டரிக்கும் வெயிலாய்த்
தோன்றும்........

எனினும் காதல்
சுகமான
சுமையான
சோதனை............

dhilipdsp · dhilipdsp Wed Feb 22, 2012 5:48 pm

கபாலி · கபாலி Wed Feb 22, 2012 9:20 pm

அருமை அருமை.. காதலை இத்தனைக் கோணங்களில் மிக அழகாகப் படம் பிடித்துக் காட்டிய கவிதை..

எல்லாமே அசத்தல்தான்.. ஆயினும் என்னைக் கவர்ந்த வரிகள் இவை எனச்சொல்ல இயலாமல் ஒவ்வொன்றும் ஒன்றை ஒன்று விஞ்சி இருக்கிறது.

ஈகரையில் அவ்வப்போது இதுபோன்ற மகத்தான கவிதைகள் தென்படுவது மகிழ்ச்சியைத் தருகிறது.

பாராட்டுகள் நண்பரே..