விஷம் குடித்த வாலிபருக்கு சிகிச்சை அளித்த அ.தி.மு.க. எம்.எல்.ஏ.

kitcha · kitcha Thu 26 May 2011 - 14:24

திண்டிவனம் தனி தொகுதியில் அ.தி.மு.க. சார்பில் அரிதாஸ் போட்டியிட்டு வெற்றிபெற்றார். தேர்தலில் நடந்த பிரசாரத்தின் போது திண்டிவனம் அரசு மருத்துவமனையை நவீன மயமாக்குவேன் என வாக்குறுதி அளித்திருந்தார்.

இந்தநிலையில் 25.05.2011 அன்று மாலை 4 மணியளவில் திண்டிவனம் அரசு மருத்துவமனைக்கு சென்றார். அங்கு ஒவ்வொரு வார்டாக சென்று, நோயாளிகளை சந்தித்து, சரியான முறையில் சிகிச்சை அளிக்கப்படுகிறதா? டாக்டர்களின் அணுகுமுறைகள் சரியாக உள்ளதா? என கேட்டுக்கொண்டார்.

அரசு மருத்துவமனையில் அனைத்து வார்டுகளையும் சுற்றி பார்த்து 5.15 மணியளவில் காரில் ஏறினார். அப்போது ஒலி எழுப்பிக்கொண்டு வேகமாக வந்த ஆம்புலன்சு தீவிர அவசர சிகிச்சை பிரிவு முன்பு நின்றது. அதில் இருந்து அவசர, அவரசமாக ஒரு வாலிபரை சிகிச்சை பிரிவிற்கு அழைத்து சென்றனர்.

இதை நேரில் பார்த்த எம்.எல்.ஏ. காரை விட்டு இறங்கி தீவிர அவசர சிகிச்சை பிரிவிற்கு சென்றார். அப்போது அந்த சிகிச்சை பிரிவில் மின்சாரம் இல்லை. வாசல் வழியாக வரும் வெளிச்சத்தை வைத்து சிகிச்சை அளிக்க சம்பந்தப்பட்ட டாக்டர்களுக்கு உத்தரவிட்டார்.

இதற்கிடையில் விஷம் குடித்து உயிருக்கு போராடிய அந்த வாலிபரை சீராக மூச்சுவிடுமாறு எம்.எல்.ஏ. அரிதாஸ் கூறினார். அந்த வாலிபர் படும் அவதியை பார்த்து, தான் ஒரு டாக்டர் என்பதால் அந்த வாலிபருக்கு முதலுதவி சிகிச்சை அளித்தார்.

தான் ஒரு எம்.எல்.ஏ. என்பதை மறந்து மனிதாபிமான அடிப்படையில் உடனே முதலுதவி சிகிச்சை அளித்த டாக்டர் அரிதாசின் செயல்கள் நெகிழ வைப்பதாக இருந்தது. திண்டிவனம் எம்.எல்.ஏ.வான டாக்டர் அரிதாஸ் ஏற்கனவே திண்டிவனம் அரசு மருத்துவமனையில் டாக்டராக பணியாற்றியுள்ளார் என்பது குறிப்பிடத்தக்கது.

நக்கீரன்

**சிவா** · **சிவா** Thu 26 May 2011 - 14:33

மருத்துவரின் இந்த உதவும் மனப்பான்மை அரசியலில் பணத்தைக் கண்டதும் மாறாமல் இருந்தால் சரி!

**ந.கார்த்தி** · **ந.கார்த்தி** Thu 26 May 2011 - 14:35

சிவா wrote:மருத்துவரின் இந்த உதவும் மனப்பான்மை அரசியலில் பணத்தைக் கண்டதும் மாறாமல் இருந்தால் சரி!

ரபீக் · ரபீக் Thu 26 May 2011 - 14:35

எப்போதும் இப்படியே இருந்தால் நல்லது

கலைவேந்தன் · கலைவேந்தன் Thu 26 May 2011 - 15:28

தாமு · தாமு Thu 26 May 2011 - 15:30

Guest · Guest Thu 26 May 2011 - 15:33

நல்ல விடயம் தான் ... ஆனால் சில நாட்களாக அ தி மு க கட்சியினரின் சிறு சிறு உதவிகள் கூட பெரிது படுத படுகின்றன ... இது நல்ல போக்கு இல்ல...

முரளிராஜா · முரளிராஜா Thu 26 May 2011 - 15:42

உதயசுதா · உதயசுதா Thu 26 May 2011 - 15:44

நல்ல விஷயம்.இது போன்ற விஷயங்கள் தொடர்ந்து நடந்தால் நல்லா இருக்கும்.
மதன் சொன்ன மாதிரி அதி.மு.க செய்யும் சிறு விஷயங்கள் கூட பெரிது படுத்த படுகின்றன.அதை தவிர்த்தால் நல்லா இருக்கும்