நடிப்பதும் நன்மைக்கே

**ayyamperumal** · **ayyamperumal** Sat Jul 16, 2011 1:41 pm

First topic message reminder :

நடிப்பதும் நன்மைக்கே

( இன்னமும் கூட மக்களாட்சி மலராத ஒரு தேசத்தில் வேலை தேடும் இளைஞன் எப்படி எல்லாம் மாறுகிறான் என்பதை பார்ப்போமா )

காட்சி 1

வேலை தேடும் வேங்கயன்: (பாடுகிறான்)

ஓரானை முகனை உமையாள் திருமகனை
போரானை கற்பகத்தை பேணினால்
வாராத புத்தி வரும் ;பத்தி வரும்; புத்திர உற்பத்தி வரும்
சத்தி வரும் ;சித்தி வரும் தான்

அப்பனே பிள்ளையாரப்பா நான் உன்கிட்ட என்ன கேட்டேன்? சொத்து கேட்டேனா சுகம் கேட்டேனா? ஒரே ஒரு வேலை அதுவும் அரசாங்க வேலை அதக்கூட தர மாட்டாயா?. இன்னக்கி எனக்கு ஒரு முடிவு தெரியனும். ஒண்ணு அரசாங்க வேலை கொடு இல்லைனா அரசாங்க வேலை பாக்குற பெண்ணை காதலியாக கொடு.

(அப்போது ஒரு இளம்பெண் அவனை கடந்து செல்கிறாள். அவளை பிள்ளையார் தான் அனுப்பி வைத்தார் என்று எண்ணி அவள் பின்னாலே செல்கிறான்)

காட்சி 2

பணியாள்: ராஜாதிராஜ, ராஜமார்த்தாண்ட, ராஜா குலதிலக, புரட்சி தலைவர், நடிகர் திலகம், சூப்பர் ஸ்டார், காதல் மன்னன் பத்மஸ்ரீ சீரக மிளகு சுக்கு பாண்டியன்
வருகிறார்! வருகிறார் ! வருகிறார்!

அரசன்: அனைவருக்கும் வணக்கம் ! அமருங்கள்.

(அப்போது வேகமாக உள்ளே வந்தாள் அந்த இளம் பெண்)

அவள் ; தேரா மன்னா ! செப்புவது கேள் ! என்றாள்.

அரசன்: ஓங்கி சப்புனு ஒரு அப்பு அப்புனேனா தெரியும். யாரப்பாத்து தேரை மன்னானு சொல்ற என்னுடைய புஜபல பராக்கிரமத்தை பார்க்கிறாயா? ( சட்டையை கழற்ற போகிறார் )

அமைச்சர் ; (அவ தேரா மன்னானு சொல்ற நீ தேரைன்கிற நீ உண்மையிலே முட்டாள் தாண்டா என மனதிற்குள்ளேயே சொல்லிக்கொள்கிறார் ) வேண்டாம் மன்னா வேண்டாம் ஏற்கனவே அரசவையில் வாசனை திரவியங்கள் இருப்பில் இல்லை. தயவு செய்து கைகளை கீழே போடுங்கள் மன்னா

அரசன் ; அந்த பயம் இருக்கட்டும்

இளம்பெண் : மன்னித்து விடுங்கள் மன்னா! வரும் வழியில் ஒரு கயவன் என்னை கேலி செய்தான்.

அரசன் ; என்ன இந்த சீரக மிளகு சுக்கு பாண்டியன் சாம்ராஜ்யத்தில் கன்னி பெண்களுக்கு இடைஞ்சல் செய்கிற கயவன்களும் உண்டா ? அமைச்சரே அவன் யார் என்று விசாரியுங்கள். நீ செல்லலாம் பெண்ணே.

அமைச்சர் : அப்படியே செய்கிறேன் மன்னா

அரசன் ; அமைச்சரே இன்றைய நாளில் பணத்திற்கு ஆசைப்படாத மனிதர்கள் இல்லை போல

அமைச்சர்; இல்லை மன்னா பணத்திற்கு ஆசைப்படாத மனிதர்கள் இன்னமும் வாழ்கிறார்கள்.

அரசன் ; அப்படியா இன்னும் பத்து நாட்களுக்குள் அவரை நான் பார்த்ததாக வேண்டுமே

(அமைச்சர் பலநாள் தேடியும் பணத்திற்கு ஆசை படாத மனிதர்களை கண்டறிய முடியவில்லை. பத்து நாள் முடிய இன்னும் ஒரு நாள் தான் இருக்கிறது. யாரையாவது நடிக்க வைத்து நம் தலையை காப்பாற்றுவோம் என முடிவு செய்தார். அப்பொழுது வேலை தேடும் வேங்கயன் வேலை இல்லாததால் தாடி மீசை எல்லாம் வைத்து சாமியாரை போலவே இருந்தான் .)

அமைச்சர் ; தம்பி நீ ஒரு நாள் மட்டும் எதற்குமே ஆசைப்படாத ஞானியை போல நடந்து கொள் நீ சரியாய் நடித்து விட்டால் உனக்கு ஆயிரம் பொற்காசுகள் தருகிறேன் என்றார்.

வேலை தேடும் வேங்கயன்; சரி நாளை நீங்கள் அரசரை அழைத்து வாருங்கள் நான் ஆலமரத்தடியில் இருப்பேன் என்றான்

காட்சி 3

அமைச்சர் ; அரசே நான் பணத்தாசை இல்லாத மகானை கண்டறிந்தது விட்டேன்.

அரசன் ; அப்படியா மிக்க மகிழ்ச்சி அவரை அழைத்து வாருங்கள்'

அமைச்சர் ; மன்னா அவரை நாம்தான் தேடி செல்ல வேண்டும் என்றார்

அனைவரும் அந்த மகானை பார்க்க செல்கிறார்கள். காட்டிற்கு சென்று ஞானியை கண்டவுடன் அரசன் பல வகையான பொன்னையும் பொருளையும் பரிசாக தருகிறான். ஞானியோ அவற்றை வேண்டாம் என திருப்பி தந்துவிட்டார். அரசன் வைத்த சோதனையில் வெற்றி பெற்றதால் அமைச்சர் உயிர் பிழைத்தார்.

அனைவரும் சென்ற பின் அமைச்சர், பேசியது போலவே அவனுக்கு பரிசாக பொற்காசுகளை தந்தார். அவன் வாங்க மறுத்தான். நீ நடிச்சு முடுச்சுட்டப்பா இதை வாங்கிக்க என்றார். அமைச்சரே நான் சிறிது நேரம் ஞானியை போல நடித்தற்கே உங்கள் நாட்டின் அரசனும் அவரது மனைவியும் என்னுடைய காலில் விழுந்தார்கள். நான் உண்மையிலேயே எதற்கும் ஆசைபடாத ஞானியாக இருந்திருந்தால்....... நான் இன்னும் பல பெயரையும் புகழையும் அடைந்திருப்பேன் அல்லவா.

கருத்து ; மாணிக் அவர்களே ......உங்களுக்கு கவிதை எழுத தெரியவில்லை என்றாலும் தெரிவது போல நடித்து எழுதுங்கள் நாளடைவில் தானாகவே நீங்கள் கவிதை எழுதிவிடுவீர்கள்.

(மூலக்கருத்து; அமரர் தென்கச்சி கோ. சுவாமிநாதன் )

இதில் வேலை தேடும் வேங்கையன் நாம் மாணிக் தான் !
அரசன் நாம் நட்புடன் @ வெங்கட் அவர்கள் தான்.
அமைச்சர் -- சுதனா சரியாக இருப்பார்

dsudhanandan · dsudhanandan Tue Oct 11, 2011 2:33 pm

ரா.ரமேஷ்குமார் wrote:அருமையாக இருந்தது...
கடைசியில் மாணிக் அண்ணாவை தான் மாட்டி விட்டு விட்டிர்கள்...
கதையின் தொடக்கத்தில் வந்த இளம்பெண் என்ன ஆனார்...

அவரே மாணிக் தள்ளிட்டு போயிட்டார்... சும்மா கடுபேத்திட்டு...

**ayyamperumal** · **ayyamperumal** Tue Oct 11, 2011 2:34 pm

dsudhanandan wrote:
ரா.ரமேஷ்குமார் wrote:அருமையாக இருந்தது...
கடைசியில் மாணிக் அண்ணாவை தான் மாட்டி விட்டு விட்டிர்கள்...
கதையின் தொடக்கத்தில் வந்த இளம்பெண் என்ன ஆனார்...

அவரே மாணிக் தள்ளிட்டு போயிட்டார்... சும்மா கடுபேத்திட்டு...

ஆம் மணிக்கும் கொஞ்சம் மோசமானவர் தான் !

**ரா.ரமேஷ்குமார்** · 23/01/2011

dsudhanandan wrote:
அவரே மாணிக் தள்ளிட்டு போயிட்டார்... சும்மா கடுபேத்திட்டு...

**ayyamperumal** · **ayyamperumal** Tue Oct 11, 2011 2:41 pm

ரா.ரமேஷ்குமார் wrote:
dsudhanandan wrote:
அவரே மாணிக் தள்ளிட்டு போயிட்டார்... சும்மா கடுபேத்திட்டு...

இதுல பித்தன் யாரு ரமேஷ் ?

ரேவதி · ரேவதி Tue Oct 11, 2011 2:43 pm

அய்யம் பெருமாள் .நா wrote:
ரா.ரமேஷ்குமார் wrote:
dsudhanandan wrote:
அவரே மாணிக் தள்ளிட்டு போயிட்டார்... சும்மா கடுபேத்திட்டு...

இதுல பித்தன் யாரு ரமேஷ் ?

பெருமாள், சுதன், மாணிக் த்ரீ இடியட்ஸ் சிப்பு வருது

**ரா.ரமேஷ்குமார்** · 23/01/2011

அய்யம் பெருமாள் .நா wrote:
இதுல பித்தன் யாரு ரமேஷ் ?

**ayyamperumal** · **ayyamperumal** Tue Oct 11, 2011 2:46 pm

ரேவதி wrote:
பெருமாள், சுதன், மாணிக் த்ரீ இடியட்ஸ்

நான் இடியட் என்பது எல்லோருக்கும் தெரியும். மாணிக் சொல்லவே வேண்டாம் ..

சுதனா கூடவா ? சிப்பு வருது

dsudhanandan · dsudhanandan Tue Oct 11, 2011 9:36 pm

ரேவதி wrote:
பெருமாள், சுதன், மாணிக் த்ரீ இடியட்ஸ்

IDIOT - Interactive Digital Input / Output Transmitter

நட்புடன் · நட்புடன் Tue Oct 11, 2011 10:55 pm

சீரக மிளகு சுக்கு பாண்டியனை அவனது அன்பிற்கு பாத்திரமான
அமைச்சரை சுதா பித்தலாட்டம் செய்வதாக ஜோடித்து கதை
எழுதி அவமானப் படுத்தியதோடு மட்டுமல்லாமல் வலைத்
தள மையம் வைத்து வரும் பெண்களை கணக்கு பண்ணிக்
கொண்டிருக்கும் மாணிக் எனும் அப்பாவி இளைஞனையும்
அரசுப் பணியில் சேருவதற்கு முயலுவதாக அவதூறு
கற்பித்து கடைசியில் துறவி ஆனதாகவும் கப்ஸா
கதை விட்ட டுபாக்கூர் பெருமாளுக்கு தக்க தண்டனையாக
சிரச் சேத தண்டனை வழங்குகிறேன். இந்த தண்டனையை
ஈகரை மக்களின் முன்பாக நம் சிரச் சேத விற்பன்னர் பாலா
நிறைவேற்ற ஆணை இடுகிறேன்.

ஈகரை மக்கள்:

சீரக சுக்கு மிளகு மன்னா வாழ்க நீ - வாழ்க நின் நீதி
(அப்பாடா பொது மடல் பெருமாள் ஒழிந்தான் இன்றோடுன்னு ஆரவாரம் செய்தனர்...

நட்புடன் · நட்புடன் Tue Oct 11, 2011 10:56 pm

dsudhanandan wrote:
ரேவதி wrote:
பெருமாள், சுதன், மாணிக் த்ரீ இடியட்ஸ்

IDIOT - Interactive Digital Input / Output Transmitter

அருமை சுதா...

நடிப்பதும் நன்மைக்கே

நடிப்பதும் நன்மைக்கே

Re: நடிப்பதும் நன்மைக்கே

Re: நடிப்பதும் நன்மைக்கே

Re: நடிப்பதும் நன்மைக்கே

Re: நடிப்பதும் நன்மைக்கே

Re: நடிப்பதும் நன்மைக்கே

Re: நடிப்பதும் நன்மைக்கே

Re: நடிப்பதும் நன்மைக்கே

Re: நடிப்பதும் நன்மைக்கே

Re: நடிப்பதும் நன்மைக்கே

Re: நடிப்பதும் நன்மைக்கே

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக