பாகிஸ்தானில் மத மோதலில் 11 ஷியா முஸ்லிம்கள் சுட்டுக்கொலை

**சிவா** · **சிவா** Sun Jul 31, 2011 8:19 am

பாகிஸ்தானில் பலுச்சிஸ்தான் மாநிலத்தில் குவெட்டா நகரில் பஸ் நிலையம் அருகே ஷியா முஸ்லிம்கள் சென்ற கார் மீது சன்னி முஸ்லிம் பிரிவை சேர்ந்த சிலர் துப்பாக்கியால் சுட்டனர். இதில் 11 ஷியா முஸ்லிம்கள் பலியானார்கள். இறந்தவர்களில் ஒருவர் பெண் ஆவார். இந்த தாக்குதலில் 3 பேர் காயம் அடைந்தனர்.

பாகிஸ்தானில் வசிக்கும் 17 கோடி மக்களில் மெஜாரிட்டியாக இருப்பவர்கள் சன்னி முஸ்லிம்கள் தான். தலீபான் தீவிரவாதிகளும் இந்த பிரிவை சேர்ந்தவர்களே. ஷியா முஸ்லிம்கள் மைனாரிட்டி ஆவார்கள். அவர்கள் மொத்த மக்கள் தொகையில் 15 சதவீதம் பேர் ஆவார்கள். இந்த இரு பிரிவினருக்கும் இடையே அடிக்கடி மோதல் ஏற்படுவது வழக்கம்.

**சிவா** · **சிவா** Sun Jul 31, 2011 8:20 am

ஆப்கானிஸ்தானில் தீவிரவாதிகள் தாக்குதலில் 23 பேர் பலி

ஆப்கானிஸ்தானில் தீவிரவாதிகள் புதைத்து வைத்து இருந்த கண்ணி வெடியில் சிக்கிய மினி பஸ் வெடித்ததில் 23 பேர் பலியானார்கள்.

சாலையோரத்தில் கண்ணி வெடிகள்

ஆப்கானிஸ்தான் நாட்டில் ஹெல்மாண்ட் மாநிலத்தில் தலீபான்கள் ஆதிக்கம் அதிகம் உள்ளது. இங்கு உள்ள லஷ்கர் கா என்ற இடத்தில் இருந்து ஒரு மினி பஸ் சென்றது. செல்லும் வழியில் தலீபான் தீவிரவாதிகள் கண்ணிவெடிகளை சாலையோரம் புதைத்து வைத்து இருந்தனர். இந்த கண்ணி வெடிகளில் மினி பஸ் சிக்கியது.

இதனால் பஸ் வெடித்து சிதறியது. தகவல் அறிந்ததும் ராணுவத்தினர் அங்கு விரைந்து சென்றனர். அவர்கள் மீது தலீபான் தீவிரவாதிகள் தாக்குதல் நடத்தினர். இதைத்தொடர்ந்து இரு தரப்பினருக்கும் இடையே துப்பாக்கி சண்டை நடந்தது.

23 பேர் பலி

கண்ணிவெடி தாக்குதலில் பஸ்சில் பயணம் செய்த 19 பேர் பலியானார்கள். இதைத்தொடர்ந்து அதே ஊரில் இன்னொரு கண்ணிவெடி தாக்குதலில் ஒரு டிராக்டர் சிக்கியது. இதில் டிராக்டரில் இருந்த 4 பேர் பலியானார்கள்.

தெற்கு ஆப்கானிஸ்தான் பகுதியில் உள்ள உருஸ்கான் மாநிலத்தில் தாரின் கோவ்ட் என்ற நகரில் உள்ள ஒரு மார்க்கெட்டில் 3 தற்கொலை தீவிரவாதிகள் தாக்குதலில் ஈடுபட்டனர். தீவிரவாதிகள் நடத்திய தாக்குதலில் 22 பேர் பலியானார்கள். பலியானவர்களில் பி.பி.சி. நிருபரும் ஒருவர் ஆவார்.

தீவிரவாதிகள் வீசிய குண்டுகளில் ஒன்று கவர்னர் அலுவலகம் அருகே விழுந்து வெடித்தது.

**சிவா** · **சிவா** Sun Jul 31, 2011 8:21 am

லிபியாவில் ராணுவத்துடன் நடந்த மோதலில் புரட்சிக்காரர்கள் 190 பேர் பலி

லிபியாவின் மேற்கு பகுதியில் கடந்த புதன்கிழமை இரவு முதல் புரட்சிப் படைக்கும், கடாபி ஆதரவு ராணுவத்துக்கும் இடையே யுத்தம் நடந்தது. இதில் கடாபி ஆதரவு ராணுவம் புரட்சிப்படையை சேர்ந்த 190பேரை கொன்று விட்டதாக லிபியா அரசாங்க அதிகாரி ஒருவர் தெரிவித்தார்.

இதற்கிடையில் நேற்று முன்தினம் இரவு 10 மணிக்கு பிறகு தலைநகர் திரிபோலியில் 10 இடங்களில் சக்தி வாய்ந்த குண்டுகள் வெடித்தன. இதனால் நகரமே குலுங்கியது. நேற்று காலையில் கடாபி வசிக்கும் இடத்துக்கு அருகே 3 குண்டுகள் வெடித்தன. புரட்சிப்படையின் தளபதி அப்தெல் பதா யூனஸ் கொலை செய்யப்பட்டதற்கு அல்கொய்தா தான் காரணம் என்று அரசாங்க அதிகாரி மூசா இப்ராகிம் தெரிவித்தார். அவரது மரணம் புரட்சிப்படைக்கும் கடாபியை பதவியில் இருந்து இறக்க வேண்டும் என்று ஆசைப்படும் ஐரோப்பிய சக்திகளுக்கும் ஏற்பட்ட பின்னடைவு ஆகும் என்றும் அந்த அதிகாரி தெரிவித்தார்.

இதற்கிடையில் யுனசை விசாரணைக்காக வரவழைத்த புரட்சிப்படை தலைவர்களில் ஒருவர் கைது செய்யப்பட்டார். கொலையில் ஈடுபட்டவர்கள் தலைமறைவாக இருக்கிறார்கள்.

தினதந்தி

Sponsored content · Sponsored content

பாகிஸ்தானில் மத மோதலில் 11 ஷியா முஸ்லிம்கள் சுட்டுக்கொலை

பாகிஸ்தானில் மத மோதலில் 11 ஷியா முஸ்லிம்கள் சுட்டுக்கொலை

Re: பாகிஸ்தானில் மத மோதலில் 11 ஷியா முஸ்லிம்கள் சுட்டுக்கொலை

Re: பாகிஸ்தானில் மத மோதலில் 11 ஷியா முஸ்லிம்கள் சுட்டுக்கொலை

Re: பாகிஸ்தானில் மத மோதலில் 11 ஷியா முஸ்லிம்கள் சுட்டுக்கொலை

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக