பரிதாபத்துக்குரிய 12-வது ராணி

மகா பிரபு · மகா பிரபு Mon Aug 08, 2011 11:41 pm

டர்பன், ஆக.7: ஆப்பிரிக்கக் கண்டத்தில் உள்ள ஸ்வாசிலாந்து நாட்டின் 12-வது ராணி நாதாண்டோ டுபே (23) இப்போது கடுமையான மன உளைச்சலில் நிம்மதி இல்லாமல் வாழ்ந்து வருகிறார். அவரது எதிர்காலமே இருண்டு காணப்படுகிறது.

இரவு, பகல் என்று எந்த நேரம் அழைத்தாலும் அவரைக்காண ஓடோடி வரும் மன்னர் ஸ்வாதி (43) இப்போது எவ்வளவு மன்றாடியும் ஏறிட்டும் பார்ப்பதில்லை. அத்துடன் அரண்மனையைவிட்டு அரை அடி கூட வெளியில் போகக் கூடாது என்று டுபேவுக்குத் தடை விதித்துவிட்டார்.

மன்னருடன் பேசி மாதக் கணக்காகிறது. அவரைப் பார்க்கவும் பேசவும் முடியாமல் அரண்மனைக்குள்ளேயே வீட்டுக் காவலில் வைக்கப்பட்டிருக்கிறார்.

மன்னர் ஸ்வாதி நாட்டுக்கு வளம் சேர்க்கிறாரோ இல்லையோ ஆண்டுக்கு ஒன்றோ இரண்டோ திருமணம் செய்துகொள்ளவும் பிள்ளை பெற்றுக் கொள்ளவும் தவறுவதே இல்லை. அப்படிப் பெறும் பிள்ளைகளையும் கண்ணும் கருத்துமாக வளர்த்து வருகிறார்.

அவருக்கு இதுவரை 23 குழந்தைகள். அந்தப் பிள்ளைகளின் பிறந்த நாளை அமோகமாகக் கொண்டாடுவார். அப்படித்தான் சுமார் 7 ஆண்டுகளுக்கு முன்னால் தன்னுடைய பிள்ளையின் பிறந்த நாளை வெகு விமர்சையாகக் கொண்டாடினார். அந்த விருந்தில் நாதாண்டோ டுபேயும் 16 வயது வாலைக் குமரியாகக் கலந்து கொண்டார். கலை ரசனை மிக்க மன்னரின் கண்களும் டுபேயின் கண்களும் கலந்தன. பிறகு, பிறகென்ன 12-வது ராணி என்ற பட்டத்துக்கு உரியவரானார்.

அதன் பிறகு 3 குழந்தைகள் பிறந்தன. கடந்த ஆண்டு ஜூலை மாதம்தான் விதி விளையாடிவிட்டது. ஆம், அந்த நாட்டின் நீதித்துறை அமைச்சர் டுமிசோ மம்பா என்பவர் ராணி டுபே தங்கியிருந்த ஹோட்டலுக்குச் சென்றார். அங்கு என்ன நடந்தது என்று வெளியுலகுக்குத் தெரியாது. ஆனால் மன்னரின் கட்டளைப்படி அவருடைய மெய்க்காவலர்கள் திடீரென அந்த ஹோட்டலுக்குச் சென்று ராணி டுபேயின் படுக்கை அறையிலிருந்த கட்டிலைப் புரட்டிப்போட்டபோது அதன் ரகசிய அறையில் நீதித்துறை அமைச்சர் டுமிசோ மம்பா இருந்தார். உடனே அவர் கைது செய்யப்பட்டு சிறையில் அடைக்கப்பட்டார்.

ராணி இப்போது அரண்மனைக்குள் வீட்டுக்காவலில் வைக்கப்பட்டிருக்கிறார். கணவர் மட்டும் அல்ல, தன்னைப் பெற்றவர்களுடன் கூட ராணியால் பேச முடியவில்லை. இத் தகவல்களைத் தன்னை ரகசியமாகச் சந்தித்த மெயில் அண்ட் கார்டியன் பத்திரிகை நிருபரிடம் சொல்லி அழுதிருக்கிறார் டுபே.

நீதித்துறை அமைச்சர் ஜாமீன்கூட கிடைக்காமல் சிறையில் கம்பி எண்ணிக் கொண்டிருக்கிறார்.

தினமணி

பரிதாபத்துக்குரிய 12-வது ராணி

பரிதாபத்துக்குரிய 12-வது ராணி

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக