வணக்கம் ஐரோப்பா: வெளிநாட்டில் ஒலிக்கும் இசை

உலகம் முழுக்க பறந்து பறந்து பாட வேண்டும் என்ற ஆசையில்தான் சாதக பறவைகள் என்று பெயர் வைத்தார்கள்.
உலக தமிழர்களை அவ்வப்போது திரட்டி அவர்கள் முன் இசை நிகழ்ச்சி நடத்துவதை ஒரு தவமாகவே செய்து வருகிறார் சாதகப் பறவைகள் சங்கர்.

இவர் பிரபல பாடலாசிரியர் உளுந்தூர் பேட்டை சண்முகத்தின் மகன். இப்போது எங்கே நடக்கப் போகிறது இவரது இசை நிகழ்ச்சி என்றால் இந்த முறை வணக்கம் ஐரோப்பா என்ற தலைப்பில் ஐரோப்பிய நாடுகளை ஒரு சுற்று சுற்றிவர கிளம்பியிருக்கிறது இந்த சாதகப்பறவைகள் குழு.

அதற்கு முன்பாக இரண்டு நாட்கள் இங்கிலாந்து லண்டனிலும் இசை நிகழ்ச்சி நடத்தப் போகிறார்கள். இம்மாதம் 8 மற்றும் 9ந் திகதிகளில் பெர்மிகாமிலிருக்கும் என்.டி.அரியேனா அரங்கத்தில் இந்த நிகழ்ச்சி நடக்கவிருக்கிறது.



8ந் திகதி தமிழ் பாடல்களும், 9ந் திகதி இந்திப்பாடல்களும் பாடப் போகிறார்களாம். ஹரிஹரன், ஷங்கர் மகாதேவன், கார்த்திக், சுஜாதா, ஸ்வேதா, ரெனைய்னா ஆகியோர் கலந்து கொள்ளும் இந்த நிகழ்ச்சியை விஜய் டி.வி புகழ் சிவ கார்த்திகேயனும், கோபிநாத்தும் தொகுத்து வழங்கப் போகிறார்கள். அப்பன்ஸ் புரமோஷன்ஸ் லிமிடெட் எனும் நிறுவனம் இந்த நிகழ்ச்சிகளை அமைத்துக் கொடுக்கவிருக்கிறார்கள்.

அதன்பின் 14ந் திகதி ஜெர்மனி, 15ந் திகதி பாரீஸ், 16ந் திகதி சுவிட்சர்லாந்து, 21ந் திகதி டென்மார்க், 22, மற்றும் 23ந் திகதி நார்வே என்று மிகப்பெரிய ஐரோப்பா ட்ரிப் அடிக்கிறார்கள் இந்த இசைக்குழுவினர். இந்த இசையுலாவுக்குதான் வணக்கம் ஐரோப்பா என்று பெயரிட்டிருக்கிறார்கள். எம்.எஸ்.விஸ்வநாதன், கே.வி.மகாதேவன், இளையராஜா, எம்.ஜி.ஆர், சிவாஜி, ரஜினி, கமல் என்று இந்த சாதனையாளர்களின் பாடல்களை முக்கியமாக பாடவிருக்கும் இசைக்கலைஞர்கள் தங்களுடன் இசைக்குயில் எல்.ஆர்.ஈஸ்வரியையும் அழைத்து சென்றிருக்கிறார்கள்.

viduppu