திருப்பதியில் ரஜினி... ஏழுமலையானுக்கு துலாபாரம் செலுத்தினார்

kitcha · kitcha Thu Oct 20, 2011 6:15 pm

திருமலை: சூப்பர் ஸ்டார் ரஜினிகாந்த் புதன்கிழமை திருப்பதி திருமலைக்குச் சென்று ஏழுமலையானை தரிசித்தார். பின்னர் அவர் காணிக்கையாக துலாபாரம் செலுத்தினார்.

ஏழுமலையானின் தீவிர பக்தர் ரஜினிகாந்த். அவர் சமீபத்தில் உடல்நலமில்லாமல் சிகிச்சைப் பெற்று, மீண்டும் பழையபடி ஆரோக்கியத்துக்குத் திரும்பினார்.

தனது உடல்நிலை சீரானதற்கு இறைவனுக்கு நன்றி செலுத்தும் வகையில் புதன்கிழமை திருமலைக்குச் சென்றார். அவருடன் மனைவி லதா, மகள்கள் ஐஸ்வர்யா, சௌந்தர்யா, மருமகன்கள் தனுஷ், அஸ்வின் ஆகியோரும், ரஜினியின் நெருங்கிய நண்பர் மோகன்பாபுவும் சென்றிருந்தனர்.

அங்குள்ள பத்மாவதி விருந்தினர் மாளிகையில் தங்கியிருந்த அவர்கள் இரவு 7.30 மணிக்கு திருமலையில் உள்ள ஏழுமலையான் கோவிலுக்கு வந்தனர். அவர்களை திருமலை துணை அதிகாரி சீனிவாசராஜூ வரவேற்று வைகுண்டம் கியூ காம்ப்ளக்ஸ் வழியாக தரிசனத்துக்கு அழைத்து சென்றார்.

திருமலையில் ரஜினிக்காக சிறப்பு தரிசனத்துக்கு ஏற்பாடு செய்யப்பட்டிருந்தது. சாமி தரிசனம் செய்த பின்னர், கோவிலில் துலாபாரம் செலுத்தினார் ரஜினி.

லதா மொட்டை

பேரன் லிங்காவுக்கு முடிகாணிக்கையும் செலுத்தினர். ரஜினி மனைவி லதாவும் கணவருக்காக திருமலையில் முடி காணிக்கை செலுத்தினார். பின்னர் அரைமணி நேரம் அங்கிருந்த ரஜினி மற்றும் குடும்பத்தினர் பின்னர் சென்னை திரும்பினர்.

கடந்த ஆண்டு இளையமகள் சௌந்தர்யா திருமணம் முடிந்தபிறகு திருமலைக்கு வந்திருந்தார் ரஜினி. அதன் பிறகு இப்போதுதான் வருகிறார். இடையில் சில மாதங்களுக்கு முன் சௌந்தர்யாவும் அவர் கணவர் அஸ்வினும் திருமலைக்கு வந்து சிறப்பு வழிபாடு நடத்தினர். அப்பா விரைவில் திருமலைக்கு வந்து இறைவனுக்கு நன்றி செலுத்துவார் என்று அப்போது சௌந்தர்யா கூறியிருந்தது நினைவிருக்கலாம்.

தட்ஸ்தமிழ்

திருப்பதியில் ரஜினி... ஏழுமலையானுக்கு துலாபாரம் செலுத்தினார் 20rajini21300

திருப்பதியில் ரஜினி... ஏழுமலையானுக்கு துலாபாரம் செலுத்தினார் 20rajini21300

**ayyamperumal** · **ayyamperumal** Thu Oct 20, 2011 6:17 pm

இதன் மூலம் தாங்கள் கூற விரும்பும் செய்தி என்ன கிட்சா ? நன்றி !

**Manik** · **Manik** Thu Oct 20, 2011 6:21 pm

செய்திகளை பகிர்ந்து கொண்டார் பெருமாள் இது கூட தெரியலையா உனக்கு கிட்சா அண்ணாவ மரியாதை இல்லாம கிட்சான்னு கூப்பிடுற உன்னைய மண்டையில் அடி

kitcha · kitcha Thu Oct 20, 2011 6:22 pm

அய்யம் பெருமாள் .நா wrote:இதன் மூலம் தாங்கள் கூற விரும்பும் செய்தி என்ன கிட்சா ? நன்றி !

பெருமாள், ஈகரையில் இப்படிப் பட்ட செய்திதான் பதியவேண்டும் என்று ஏதேனும் உள்ளதா, அனைத்துவிதமான செய்திகளை,தினசரி நிகழ்கின்ற நிகழ்வு, பதிய வேண்டும் என்பதால் பதிவு செய்தேன்.

**ayyamperumal** · **ayyamperumal** Thu Oct 20, 2011 6:27 pm

kitcha wrote:
அய்யம் பெருமாள் .நா wrote:இதன் மூலம் தாங்கள் கூற விரும்பும் செய்தி என்ன கிட்சா ? நன்றி !
பெருமாள், ஈகரையில் இப்படிப் பட்ட செய்திதான் பதியவேண்டும் என்று ஏதேனும் உள்ளதா, அனைத்துவிதமான செய்திகளை,தினசரி நிகழ்கின்ற நிகழ்வு, பதிய வேண்டும் என்பதால் பதிவு செய்தேன்.

அடக்கடவுளே ! என்ன கிட்சா இது , ஈகரையில் பெரும்பாலும் உங்களுடைய பதிவுகள் ஏதாவது ஒன்றை உணர்த்தும். ஆனால் இதில் எனக்கு ஏதும் பிடிபடவில்லை. ஆகையால் என்ன கூறவிரும்பினீர்கள் என்று தான் கேட்டேன். நேரமின்மையால் சுருக்கமாக கேட்டேன். ஏன் இந்த கோபம் ? I AM sorry you to ?

**Manik** · **Manik** Thu Oct 20, 2011 6:28 pm

அடப் பெருமாள் அண்ணா எப்பவுமே அப்படிப்பட்ட பதிவுகளையே போட்டால் எப்படி உன்னைப்போல் அண்ணாவுக்கும் சிறிது அரட்டை அடித்து, ஜாலியா பேசி, மொக்கை பதிவுகளை போட வேண்டும் என்று எண்ணம் இருக்காதா என்ன அதான் இப்படி போட்டுருக்காங்க சரிதானே அண்ணா சிரி

**ayyamperumal** · **ayyamperumal** Thu Oct 20, 2011 6:40 pm

Manik wrote:அடப் பெருமாள் அண்ணா எப்பவுமே அப்படிப்பட்ட பதிவுகளையே போட்டால் எப்படி உன்னைப்போல் அண்ணாவுக்கும் சிறிது அரட்டை அடித்து, ஜாலியா பேசி, மொக்கை பதிவுகளை போட வேண்டும் என்று எண்ணம் இருக்காதா என்ன அதான் இப்படி போட்டுருக்காங்க சரிதானே அண்ணா

அதுக்கு நானே பரவாயில்ல .

kitcha · kitcha Thu Oct 20, 2011 6:41 pm

அய்யம் பெருமாள் .நா wrote:
kitcha wrote:
அய்யம் பெருமாள் .நா wrote:இதன் மூலம் தாங்கள் கூற விரும்பும் செய்தி என்ன கிட்சா ? நன்றி !
பெருமாள், ஈகரையில் இப்படிப் பட்ட செய்திதான் பதியவேண்டும் என்று ஏதேனும் உள்ளதா, அனைத்துவிதமான செய்திகளை,தினசரி நிகழ்கின்ற நிகழ்வு, பதிய வேண்டும் என்பதால் பதிவு செய்தேன்.

அடக்கடவுளே ! என்ன கிட்சா இது , ஈகரையில் பெரும்பாலும் உங்களுடைய பதிவுகள் ஏதாவது ஒன்றை உணர்த்தும். ஆனால் இதில் எனக்கு ஏதும் பிடிபடவில்லை. ஆகையால் என்ன கூறவிரும்பினீர்கள் என்று தான் கேட்டேன். நேரமின்மையால் சுருக்கமாக கேட்டேன். ஏன் இந்த கோபம் ? I AM sorry you to ?

சாரி பெருமாள், நான் சொன்ன விதம் உங்களுக்கு தப்பாக பட்டுவிட்டது,
ஈகரையில் ரஜினியைப் பற்றி பதிவு செய்தாலே பின்னூட்டம் எல்லாம் ரொம்ப காரமாக, கோபமாக இருக்கும், நீங்களும் அந்த அர்த்தத்தில் தான் கேட்கிறீர்களோ என்று நினைத்து நான் அப்படி சொன்னேன். மற்ற படி கோபமா, என்ன பெருமாள் என்னைப் பார்த்து இப்படிக் கேட்கலாமா பெருமாள்

kitcha · kitcha Thu Oct 20, 2011 6:42 pm

Manik wrote:அடப் பெருமாள் அண்ணா எப்பவுமே அப்படிப்பட்ட பதிவுகளையே போட்டால் எப்படி உன்னைப்போல் அண்ணாவுக்கும் சிறிது அரட்டை அடித்து, ஜாலியா பேசி, மொக்கை பதிவுகளை போட வேண்டும் என்று எண்ணம் இருக்காதா என்ன அதான் இப்படி போட்டுருக்காங்க சரிதானே அண்ணா

அரட்டை எல்லாம் நான் யார்கூடயும் அடித்தது கிடையாது.நான் உண்டு என் பதிவு உண்டு பின்னூட்டம் உண்டு என்று இருக்கிறேன் சிரி