இந்திய ராணுவ வீரர்களை விடுதலை செய்தது பாக்.,

வாகா: பாகிஸ்தான் எல்லைக்குள் திசைமாறி நுழைந்த இந்திய ராணுவ ஹெலிகாப்டரில் இருந்த 4 வீரர்களை பாகிஸ்தான் பாதுகாப்பு படையினர் கைது செய்தனர். இந்த விவகாரத்தில் தீர்வு ஏற்பட்டுள்ளது. இந்த விவகாரத்தில் இரு நாட்டு அதிகாரிகள் பேச்சவார்த்தையின் முடிவில் 4 ராணுவ வீரர்களும் விடுதலை செய்யப்பட்டனர். ‌விடுதலை செய்யப்பட்ட ராணுவத்தினர் ‌கார்கில் நோக்கி வந்துகொண்டுள்ளனர். இந்த விவகாரம் தீர்க்கப்பட்டு விட்டதாக பாகிஸ்தான் வெளியுறவுத்துறை அமைச்சகம், இந்திய வெளியுறவுத்துறை அமைச்சகத்திடம் தெரிவித்து விட்டதாகவும் தகவல்கள் தெரிவிக்கின்றன.

கார்கில் பகுதியில் இருந்து லெக் என்ற இடத்திற்கு இந்திய ராணுவ ஹெலிகாப்டர் பறந்து சென்று கொண்டிருந்தது.இந்நேரத்தில் மோசமான வானிலை காரணமாக பாகிஸ்தான் ஆக்கிரமிப்பு காஷ்மீர் பகுதிக்குள் நுழைந்தது. பின்னர் அங்குள்ள அதிகாரிகள் எச்சரிக்கை செய்து ஹெலிகாப்டரை இறக்கினர். இதில் இருந்த பைலட் மற்றும் உதவி பைலட் மேலும் 2 வீரர்கள் என 4 பேர் இருந்தனர். 4 பேரிடமும் பாக்., அதிகாரிகள் தொடர் விசாரணை நடத்தி வருவதாகவும், இவர்களை விடுவிப்பது தொடர்பாக உயர் அதிகாரிகளுடன் கலந்து ஆலோசிப்பதாகவும் அதிகாரி ஒருவர் தெரிவித்தார். இது குறித்து பாக்., ராணுவ செய்தி தொடர்பாளர் ஜெனரல் அக்தர் அப்பாஸ் கூறுகையில் 4 பேரும் பாதுகாப்பான கஸ்டடியில் வைத்துள்ளோம் சம்பந்தப்பட்ட அதிகாரிகளுக்கு தகவல் கொடுத்‌துள்ளோம். என்றார்.

இது குறித்து இந்திய ராணுவ அதிகாரி ஒருவர் கூறுகையில் இது வேண்டும் என்று நடந்த ஊடுருவல் கிடையாது என்றார்.

பாகிஸ்தானில் கைது செய்யப்பட்டுள்ள இந்திய ராணுவ வீர்களையும், ஹெலிகாப்டரையும் உடனடியாக விடுதலை செய்ய வேண்டும் என இந்தியா அந்நாட்டிடம் கோரிக்கை விடுத்துள்ளது. ஹெலிகாப்டர் மோசமான வானிலை காரணமாக வழிதவறி நுழைந்து விட்டதாக இந்தியா கூறியுள்ளது.

இதனிடையே ராணுவ வீரர்கள் கைது தொடர்பாக பாகிஸ்தானுக்கான இந்திய தூதர், அந்நாட்டு வெளியுறவு மற்றும் பாதுகாப்புத்துறை அமைச்சகத்திடம் தொடர்பு கொண்டு ஆலோசனை நடத்தினார்.

ராணுவ வீரர்கள் கைது குறித்து நிழவும் சூழ்நிலைகளை ராணுவ துணை தளபதி லம்பா தொடர்ந்து கண்காணித்து வருகிறார்.

dinamalar

எல்லை ஊருவல் அதிகம் பாகிஸ்தான் தான் செய்வார்கள்