மிளகாய் நண்டு குருமா - ரேவதி உனக்காக !

**உமா** · **உமா** Thu Sep 08, 2011 4:58 pm

----------------------------------------------------------------------------------------------
மிளகாய் நண்டு குருமா நினைத்தாலே எச்சில் ஊறவைக்கும் மிகவும் ருசியான உணவாகும். கனவு சமையலின் நண்பர் தனது பேவரிட் மிளகாய் நண்டு குருமா மிகவும் சுவையாக இருக்கும் அதை நீங்களும் செய்து பாருங்கள் என்று சமைக்க தேவையான பொருட்களையும், செய்முறை விளக்கத்தையும் எளிமையான முறையில் தொகுத்தளித்துள்ளார். ரசித்து சமைத்து உண்டு மகிழுங்கள்.
----------------------------------------------------------------------------------------------
தேவையான பொருட்கள்
----------------------------------------------------------------------------------------------
நண்டு - 3/4 கிலோ
வெங்காயம் - 1 பெரியது
தக்காளி - 1 பெரியது
இஞ்சி பூண்டு விழுது - 1 டேபிள்ஸ்பூன்
கத்திரிக்காய் - 4
தனியாதூள் - 1 டேபிள்ஸ்பூன்
மிளகாய்த்தூள் - 1 டேபிள்ஸ்பூன்
மஞ்சள்தூள் - 1/4 டீஸ்பூன்
தேங்காய்ப்பால் - 1 சிறிய டின்
உப்பு, எண்ணெய் = தேவைக்கு
சோம்பு - 1டீஸ்பூன்

தாளிக்க:

வடகம் - 1 டேபிள்ஸ்பூன்
கறிவேப்பில்லை - சிறிது
----------------------------------------------------------------------------------------------
செய்முறை
----------------------------------------------------------------------------------------------
நண்டை சுத்தம் செய்து ஒரு கட்டையால் லேசாக தட்டவும்.பின் நன்கு நீரில் அலசி வைக்கவும். அப்போழுது தான் மசாலா நண்டில் கலந்து நல்லாயிருக்கும்.

வெங்காயம், தக்காளி, கத்திரிக்காய் நீளவாக்கில் நறுக்கவும்.

பாத்திரத்தில் எண்ணெய் விட்டு சோம்பு போடவும், பொரிந்ததும் வெங்கயம், தக்காளி, இஞ்சி பூண்டு விழுது ஒன்றன் பின் ஒன்றாக போட்டு நன்கு மசிக்க வதக்கவும்.

வதங்கியதும் அனைத்து தூள்வகைகளை போட்டு வதக்கவும்.

பச்சை வாசனை போனதும் கத்திரிக்காயை போட்டு வதக்கி தேங்காய்ப்பாலை ஊற்றவும். தேவையானளவு உப்பு சேர்க்கவும்.

கொதித்தபின் நண்டை போடவும்.

கிரேவி நன்கு கொதித்து கெட்டியானதும் இறக்கவும்.

வேறொரு கடாயில் தாளிக்க குடுத்துள்ள பொருட்களைப் போட்டு தாளித்து நண்டு குருமாவில் கொட்டவும்.

நன்றி...
http://samayal.kanavoo.com