கண்ணீர் அஞ்சலி.

**Aathira** · **Aathira** Mon Nov 28, 2011 8:58 pm

இன்று என் பெருமதிப்பிற்குரிய என் மீது தனிப்பட்ட அன்பும் அக்கறையும் கொண்ட பேராசிரியர் முனைவர். இராம. வேனுகோபால் இறைவனடி சேர்ந்தார். இன்னும் அரை மணி நேரத்தில் இறுதி ஊர்வலம் என்ற அறிவிப்புடன் எனக்குச் செய்தி கிட்டிய போது நான் சென்னைப் பல்கலைக்கழகத்தில். அப்போது மணி மூன்றரை. .நான் துவண்டு
சோர்ந்த போதெல்லாம் அன்பு நீர் தெளித்து என்னை துளிர்க்கச் செய்த அந்த அன்பு .தெய்வமான பேராசிரியரின் முகமலரைக் கூடக் காணும் பேறு பெறாத துர்ப்பாக்கிய நிலையை எண்ணி வருந்துகிறேன். அவர் இறுதியாக கையொப்பமிட்டது என் முனைவர் பட்ட அறிக்கையில்.என்பதும் அவர் இறுதியாக்ச் சொற்பொழிவு ஆற்றிய
மாநாடு எங்கள் அமைப்பான பைந்தமிழ்ச்சோலையில்தான்

அவர் தமிழ்த்துறைத் தலைவராக இருந்த போது “அடப் போம்மா’ என்னத்தக் கட்டிக்கிட்டுப் போகப்போறோம்; நீ உத்தரவு போடும்மா; நான் செய்து முடிக்கிறேன். இங்கு நீதான் தலைவி. நான் உன் அடிமை” என்றெல்லாம் விளையாட்டாகச் சொலவதுடன் வேண்டிய அனைத்தையும் எனக்கு மட்டுமன்றி அனைத்து மாணவர்களுக்கும் செய்து அவர்களை மகிழ்வித்த அன்பின் இருப்பிடம் அவர்.
“நம்மை மறந்தாரை நாம் மறந்தறியோம்; ஏம்மா மாசத்துக்கு ஒரு முறையாவது ஒரு போன் பண்ண மாட்டியா என்று அன்புடன் கடிந்து இன்று ஒரு வைவா வா; இன்று ஒரு செமினார் வா” என்று அன்பு அழைப்பு விடுக்கும் அன்பை எண்ணி மனம் கசிந்து உருகுகிறது.

சிறு சிறு விதி மீறல்களால் ஒரு மாணவர் பயனடைவார் என்றால் அதனால் பரவாயில்லை என்று கூறி எவ்வாறாயினும் மாணவர்கள் பயனடைய வேண்டும் என்று அவர்களின் நலனில் அக்கறை காட்டும் கனிவை எண்ணி பல முறை வியந்துள்ளேன். எதையும் வெளிப்படையாகப் பேசும் வெள்ளை மனத்தால் மாணவர்களின்
மனங்களையெல்லாம் கொள்ளை கொண்ட அவர் ஆன்மா சாந்தி அடையவும் அவர்களது குடும்ப உறுப்பினர்கள் ஆறுதல் அடையவும் இறைவனைப் பிரார்த்திக்கிறேன். மனம் கொள்ளாச் சுமையுடன்....
கண்ணீர் அஞ்சலி. 67637

**சிவா** · **சிவா** Mon Nov 28, 2011 9:04 pm

அண்ணாரின் ஆத்மா சாந்தியடைய இறைவனிடம் வேண்டுகிறேன்.

குரு · குரு Mon Nov 28, 2011 9:20 pm

அவரது ஆன்மா சாந்தியடைய என் பிரார்த்தனைகள்..

சார்லஸ் mc · சார்லஸ் mc Mon Nov 28, 2011 9:25 pm

அண்ணாருடைய ஆத்துமா சாந்தி அடையவும், அவரது குடும்பத்தாா் அனைவரும் ஆறுதல் பெறவும், அவரது இழப்பினால் வாடும் உற்றாா் உறவினா் நண்பா்கள் மற்றும் திரு.ஆதிரா ஆகியோா் ஆறுதல் பெற தேவனிடம் பிராா்த்தனை ஏறெடுக்கிறேன். கண்ணீர் அஞ்சலி. 440806

மிதுனா · மிதுனா Mon Nov 28, 2011 9:45 pm

அவருடைய ஆன்மா அமைதி கொள்ள ஆண்டவனை நான் பிரார்திக்கிறேன்

**இளமாறன்** · **இளமாறன்** Mon Nov 28, 2011 10:01 pm

அன்னாரது ஆன்மா இளைப்பாற எனது பிரார்த்தனைகள் சோகம்

**Dr.சுந்தரராஜ் தயாளன்** · 03/09/2011

உங்களின் வருத்தத்தில் நானும் பங்குகொள்கிறேன். ஆறுதல் அடையுங்கள் :வணக்கம்:

dhilipdsp · dhilipdsp Tue Nov 29, 2011 7:45 am

அக்கா நானும் வேண்டிக்கொள்கிரேன்

உதயசுதா · உதயசுதா Tue Nov 29, 2011 9:47 am

ஆதிரா அக்கா உங்கள் வருத்தத்தில் நாங்களும் பங்கு கொள்கிறோம்.
அன்னாரது ஆத்மா இறைவனடி சேரவும்,அவரது குடும்பத்தினர் இந்த துயரத்தில் இருந்து மீளவும் என் பிரார்த்தனைகள்