மீள்குடியேற்றம் தொடர்பில் உலக நாடுகள் அழுத்தம் கொடுக்கக் கூடாது:

பிரகாஸ் · பிரகாஸ் Mon Sep 28, 2009 1:45 am

மீள் குடியேற்றம் தொடர்பில் உலக நாடுகள் அழுத்தம் கொடுக்கக் கூடாது என இலங்கைப்
பிரதமர் ரட்ணசிறி விக்ரமநாயக்க ஐக்கிய நாடுகள் சபையில் தெரிவித்துள்ளார்.
இடம்பெயர் மக்களை மீளக் குடியமர்த்துவம் நடவடிக்கைகளை இலங்கை
அரசாங்கம் அதிக கரிசனையுடன் மேற்கொண்டு வருவதகாவும், மீள்குடியேற்றும் நடவடிக்கைகள்
குறித்த கால அவகாசங்களை வழங்கி உலக நாடுகள் அழுத்தம் கொடுக்கக் கூடாது எனவும் அவர்
சுட்டிக்காட்டியுள்ளார்.

ஐக்கிய நாடுகள் சபையின் 64 ஆவது பொதுக்
கூட்டத்தில் கலந்து கொண்டு உரையாற்றிய போது அவர் இதனைக்
குறிப்பிட்டுள்ளார்.

கடந்த 63 அவது பொதுக் கூட்டத்தில் ஜனாதிபதி மஹிந்த
ராஜபக்ஷ உரையாற்றியதன் பின்னர், குறிப்பிடத்தக்களவு அபிவிருத்தி இலங்கையில்
ஏற்பட்டுள்ளதாக பிரதமர் சுட்டிக்காட்டியுள்ளார்.

இலங்கையின் நட்பு நாடுகள்
பல்வேறு வழிகளிலும் வழங்கி வரும் ஒத்துழைப்பு பாராட்டுக்குரியது என அவர்
தெரிவித்துள்ளார்.

கடந்த கால மீள் குடியேற்ற நடவடிக்கைகளின் மூலம் இலங்கை
பல்வேறு அனுபவங்களைப் பெற்றுள்ளதாகவும் அதனை அடிப்படையாகக் கொண்டு நடவடிக்கைகள்
மேற்கொள்ளப்படும் எனவும் அவர் குறிப்பிட்டுள்ளார்.

சகல இன சமூகங்களின்
அபிலாஷைகளையும் பூர்த்தி செய்யக் கூடிய நீண்டகால அரசியல் தீர்வுத் திட்டமொன்று
முன்வைக்கப்பட வேண்டும் என அவர் தெரிவித்துள்ளார்.

ஐக்கிய நாடுகளின்
பாதுகாப்புப் பேரவை மற்றும் ஐக்கிய நாடுகள் சபை ஆகியவற்றின் கொள்கைகளில் மாற்றங்கள்
ஏற்படுத்தப்பட வேண்டுமென அவர் சுட்டிக்காட்டியுள்ளார்

மீள்குடியேற்றம் தொடர்பில் உலக நாடுகள் அழுத்தம் கொடுக்கக் கூடாது:

மீள்குடியேற்றம் தொடர்பில் உலக நாடுகள் அழுத்தம் கொடுக்கக் கூடாது:

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக