காதல்...

யாழவன் · யாழவன் Mon Sep 28, 2009 8:32 pm

ஓவியமாய் உன்னை தீட்ட
வந்த என்னை காவியம் ஒன்று
படைக்கச் சொன்னாய்

எண்ணங்களை வடிவமைத்து
ஏடுகொண்டு வரைந்தேன்
காட்டாறு வெள்ளமாய் கரை புரண்ட
ஆசைகளையெல்லாம் இசையாய் மீட்ட
எழுத்தோசையென்று ஓசை ஒன்று பிறந்தது

கனவில் கண்டதையெல்லாம்
கவிதையாய் சொல்லி வந்தேன்
காதலாய் கொண்ட உன்னை
கண்மணியில் காவல் வைத்தேன்

இனிக்கும் இதயங்களை இடம்
மாற்றிக் கொண்டதால்
இனிக்கும் நம் காதலே
இதயத்தில் வாழ்கிறது

இறுமாப்பு அதற்கில்லை
எதிர்பார்ப்பும் அங்கில்லை
எளிதாய் வரவில்லை
ஏக்கம் மட்டும் தரவில்லை

சூல் கொண்ட நாள் முதல்
சுகங்களைத் தான் சுமக்கிறேன்
உயிரோசை உனக்கு கேட்கவே
எழுப்பினேன் இந்த எழுத்தோசையை

விழி அசைவின் ஓசை இதயத்தில்
இமையசைவின் ஓசை விழிபடலத்தில்
மொழியின் ஒசை செவிகளில்
இதழின் ஓசை முத்தத்தில்

காதல் கனவுகள் அரங்கேறும்
அது காலவரையின்றி நிறைவேறும்
உணர்வுகளை இங்கு உயிராக்குவேன்
என் எண்ணப்பசிக்கு அவற்றை
இரையாக்குவேன்

இதில் கானல் நீர் கனவுகள் வந்ததில்லை
இது வரை கண்ணீர் சிந்த செய்ததில்லை!!!
உயிரில் ஏந்தி தாலாட்டுகிறாய்
உன்னவளாய் கொண்டு சீராட்டுகிறாய்!!!

மீனு · மீனு Mon Sep 28, 2009 8:37 pm

அருமை..அருமை..யாழவன்.. ரொம்ப நல்ல கவிதைகளும்..படங்களும்..பாராட்டுக்கள்..நன்றிகள்..

காதல் கனவுகள் அரங்கேறும்
அது காலவரையின்றி நிறைவேறும்
உணர்வுகளை இங்கு உயிராக்குவேன்

காதல்...

காதல்...

Re: காதல்...

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக