மாமியார் உடைத்தால் மண் குடம்: மருமகள் உடைத்தால் பொன் குடம் என்பதன் விளக்கம் தெரியுமா?

உதயசுதா · உதயசுதா Thu Feb 02, 2012 10:08 am

ஒரே தவறை மாமியார் செய்யும் போது அது பெரிதாகக் கருதப்படுவதில்லை. ஆனால், வீட்டுக்கு வந்த மருமகள் அதே தவறைச் செய்துவிட்டால், அதை மாமியார் பெரிதுபடுத்திவிடுகிறார் என்பது தான் இதன் அர்த்தம். ஆனால் மாமியார் உழைத்தால் மண்ணுக்கு உரம்-மருமகளும் உழைத்தால் பொன்னுக்கு உரம் என்பது தான் உண்மையான பழமொழி. விவசாயிகள் வீட்டில் ஆண், பெண், குழந்தைகள் என அத்தனை பேரும் தங்கள் விளைநிலத்தில் உழைக்கின்றனர். இதில் ஆணுக்கு இணையாக பெண்கள் ஈடுபடும் போது வெளிமனிதர்களுக்குக் கொடுக்கும் கூலி மிச்சமாகிறது. அதோடு ஒற்றுமையின் விளைவாக உழைப்பினவ பலன் பெருகுகிறது. மாமியார் தங்கள் குடும்ப நிலத்தில் உழைத்தால், அது மண்ணுக்கு உரம். அதாவது அந்த வீட்டுத் தலைவனின் கரங்களைப் பலப்படுத்துவதின் மூலம் அவர்கள் சொந்த மண்ணுக்கு உரமாகும். வீட்டுக்கு வந்த மருமகளும் சேர்ந்து உழைத்தால் மண் பொன்னாகும். பொன்னுக்கே உரம் என்றார்கள். இவ்வளவு அருமையான கருத்துடைய பழமொழியே நாளடைவில் மாமியார்களைப் பற்றி ஒரு தவறான கருத்தைக் கூறுவது போல் அமைந்து விட்டது.

நன்றி
தின மலர்

**Dr.சுந்தரராஜ் தயாளன்** · 03/09/2011

மிகவும் நன்றி சுதா அவர்களே...இன்றுதான் இப்படி ஒரு பொருள் உண்டு என்பதைத் தெரிந்துகொண்டேன்...நன்றி..விரும்பினேன் உங்கள் pathivai மகிழ்ச்சி

சதாசிவம் · சதாசிவம் Thu Feb 02, 2012 10:41 am

நல்ல கருத்து.

அப்படியானால் இது விவசாயம் செய்யதா குடும்பத்திருக்கு ஒத்து வராதா ? அரச குடும்பம், நெசவாளர்கள், புரோகிதர்கள்.

இதற்கு நான் அறிந்த அர்த்தம்
"மாமியார் உடையாள் மங்களம்
மருமகள் உடையாள் பொன் கலம்"

இதற்கு பொருள் ஒரு பெண் திருமணமாகி புகுந்த வீட்டுக்குப் போகும் போது அவளை அரவணைக்க அன்னை போல் இருப்பவள் மாமியார், மாமியார் இல்லாத வீட்டில் பெண்ணுக்கு தாய் போன்ற துணை யாருமில்லை. இதனால் மாமியார் உடையவளுக்கு மங்களம் அதாவது மகிழ்ச்சி உண்டாகும்.

மருமகள் வந்தால் தான் குலம் தழைக்க வாரிசு வரும். வாரிசு வந்து வளர்ந்து வாழும் போது தான் அந்த குடும்பம் மகிழ்ச்சி அடைகிறது. தனக்கு மகன் பிறந்தான் என்பதை விட தனக்கு பேரன் /பேத்தி பிறந்தால் என்று கொண்டாடும் பெரியவர்கள் உண்டு. இவர்களின் மதிப்பு சக குடும்பங்களில் உயரும் பொன் குடம் போல் . இன்றும் நம் வீடுகளில் நலங்கு வைக்கும் போது பேரன் பேத்தி எடுத்த பெண்களை தான் கூப்பிடுகின்றனர். இதனால் மருமகள் உடையாள் பொன் குடம் .

இந்த பதிவைத் துவங்கியவர் நன்றி கூறியுள்ளார் சதாசிவம்

**Dr.சுந்தரராஜ் தயாளன்** · 03/09/2011

அடடே...தம்பி சதாசிவம்...உங்களின் கருத்தும் அருமையாக உள்ளதே.. மிகவும் நன்றி...இன்று இரண்டுவித கருத்துக்களைத் தெரிந்துகொண்டேன். விரும்பினேன் உங்கள் பதிவையும் மகிழ்ச்சி

உதயசுதா · உதயசுதா Thu Feb 02, 2012 11:04 am

சதாசிவம் wrote:நல்ல கருத்து.

அப்படியானால் இது விவசாயம் செய்யதா குடும்பத்திருக்கு ஒத்து வராதா ? அரச குடும்பம், நெசவாளர்கள், புரோகிதர்கள்.

இதற்கு நான் அறிந்த அர்த்தம்
"மாமியார் உடையாள் மங்களம்
மருமகள் உடையாள் பொன் கலம்"

இதற்கு பொருள் ஒரு பெண் திருமணமாகி புகுந்த வீட்டுக்குப் போகும் போது அவளை அரவணைக்க அன்னை போல் இருப்பவள் மாமியார், மாமியார் இல்லாத வீட்டில் பெண்ணுக்கு தாய் போன்ற துணை யாருமில்லை. இதனால் மாமியார் உடையவளுக்கு மங்களம் அதாவது மகிழ்ச்சி உண்டாகும்.

மருமகள் வந்தால் தான் குலம் தழைக்க வாரிசு வரும். வாரிசு வந்து வளர்ந்து வாழும் போது தான் அந்த குடும்பம் மகிழ்ச்சி அடைகிறது. தனக்கு மகன் பிறந்தான் என்பதை விட தனக்கு பேரன் /பேத்தி பிறந்தால் என்று கொண்டாடும் பெரியவர்கள் உண்டு. இவர்களின் மதிப்பு சக குடும்பங்களில் உயரும் பொன் குடம் போல் . இன்றும் நம் வீடுகளில் நலங்கு வைக்கும் போது பேரன் பேத்தி எடுத்த பெண்களை தான் கூப்பிடுகின்றனர். இதனால் மருமகள் உடையாள் பொன் குடம் .

நன்றி சதாசிவம் சார்.இந்த பழமொழிக்கு இன்னொரு கருத்து இருக்குன்னு தெரிஞ்சுக்கிட்டேன்

பது · பது Thu Feb 02, 2012 11:57 am

இரண்டு பேருக்கும் நன்றிஉடன் பாராட்டுகள்

மாமியார் உடைத்தால் மண் குடம்: மருமகள் உடைத்தால் பொன் குடம் என்பதன் விளக்கம் தெரியுமா?

மாமியார் உடைத்தால் மண் குடம்: மருமகள் உடைத்தால் பொன் குடம் என்பதன் விளக்கம் தெரியுமா?

Re: மாமியார் உடைத்தால் மண் குடம்: மருமகள் உடைத்தால் பொன் குடம் என்பதன் விளக்கம் தெரியுமா?

Re: மாமியார் உடைத்தால் மண் குடம்: மருமகள் உடைத்தால் பொன் குடம் என்பதன் விளக்கம் தெரியுமா?

Re: மாமியார் உடைத்தால் மண் குடம்: மருமகள் உடைத்தால் பொன் குடம் என்பதன் விளக்கம் தெரியுமா?

Re: மாமியார் உடைத்தால் மண் குடம்: மருமகள் உடைத்தால் பொன் குடம் என்பதன் விளக்கம் தெரியுமா?

Re: மாமியார் உடைத்தால் மண் குடம்: மருமகள் உடைத்தால் பொன் குடம் என்பதன் விளக்கம் தெரியுமா?

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக