பிரிந்தவர்கள் மீண்டும் சேர்ந்தனர்: சசி கடிதம் ஏற்பு;ஒழுங்கு நடவடிக்கை ரத்து என ஜெ., அறிவிப்பு

**கேசவன்** · **கேசவன்** Sat Mar 31, 2012 12:05 pm

சென்னை: தமிழக முதல்வர் ஜெ.,யின் நெருங்கிய தோழியாக இருந்த சசிகலாவுடனான மனக்கசப்பு முடிந்து மீண்டும் சேர்ந்தனர். கடந்த டிசம்பர் மாதம் சசி மீது எடுக்கப்பட்ட ஒழுங்கு நடவடிக்கை ரத்து செய்யப்படுவதாகவும் இன்று ஜெ.,அறிவித்தார்.

கடந்த டிசம்பர் மாதம் கட்சி விரோத நடவடிக்கையில் ஈடுபட்டதாகவும், முதல்வர் பதவியை பிடிக்க சசி மற்றும் அவரது உறவினர்களுடன் சேர்ந்து சதி திட்டம் போட்டதாகவும், இது தொடர்பாக பெங்களூரூவில் ஒரு நட்சத்திர ஓட்டலில் ரகசிய கூட்டம் நடந்ததாகவும் ஜெ., வுக்கு தகவல் கிடைத்தது. இதனையடுத்து டிசம்பர் மாதம் கட்சியில் இருந்து சசிகலா மற்றும் அவரது கணவர் நடராஜன், மற்றும் மன்னார் குடியை சேர்ந்த சசியின் நெருங்கிய உறவினர்களான ராவணன், தினகரன், திவாகரன், சுதாகரன், உள்ளிட்ட 13 பேரை கட்சியில் இருந்து நீக்குவதாக அதிரடியாக அறிவித்தார். தொடர்ந்து அவர்கள் மீது நில அபகரிப்பு மற்றும் மோசடி வழக்குகள் போடப்பட்டு சிறையில் அடைக்கப்பட்டனர். இந்த வழக்கு ஒருபுறம் நடந்து கொண்டிருக்கிறது.

இந்நிலையில் கட்சியில் இருந்து நீக்கப்பட்ட பின்னர் சொத்துக்குவிப்பு வழக்கில் சசி கோர்ட்டில் என்ன சொல்லப்போகிறார் என்ற எதிர்பார்ப்பு நிலவியது. இதில் ஜெ.,வுக்கு எவ்வித தொடர்பும் இல்லை. எல்லா முடிவுகளும் நானே எடுத்தது என்றார். இதுவும் ஜெ.,வுக்கு சற்று திருப்தியை தந்தது.

இதனையடுத்து கடந்த வாரம் சசி , ஜெ.,வுக்கு ஒரு கடிதம் எழுதினார். தொடர்ந்து அவருக்கு துணையாக பணியாற்ற விரும்புவதாகவும், கனவில் கூட அக்காவுக்கு துரோகம் நினைத்தது இல்லை என்றும் உருக்கமாக ஒரு கடிதம் எழுதியிருந்தார். கடிதம் எழுதப்பட்ட உடனே சசி மீண்டும் அ.தி.மு.க.,வில் சேர்க்கப்டுவார் என்று பேசப்பட்டது அதன்படி ஜெ., இன்று சசி மீதான ஒழுங்கு நடவடிக்கையை ரத்து செய்வதாக அறிவித்து மீண்டும் கட்சியில் சேர்த்துள்ளார். ஆனால் சசியின் உறவினர்கள் மீதான நடவடிக்கையில் மாற்றமில்லை என்றும் கூறியிருக்கிறார் ஜெ., எப்படியோ சசிக்கு எதிரான கட்சி பிரமுகர்கள் கடும் அதிர்ச்சியில் ஆழ்ந்து போயிருக்கின்றனர்.

உறவு முறிந்தது ஏன்? சசிகலா விளக்க கடிதம் முழு விவரம் : முதல்வர் ஜெ.,வுடனான உறவு முறிந்தது ஏன் என்பது குறித்து சசிகலா தரப்பில் கடந்த 28 ம் தேதி வெளியிட்டுள்ள கடிதத்தில் அவர் கூறியிருந்தது: நானும் முதல்வர் ஜெ.,வும் 1984 முதல் 24 ஆண்டுகளாக பழகி வந்துள்ளோம். 1988 முதல் போயஸ் தோட்டத்தில் அவருடன் வசித்து வந்தேன். அவரது பணிச்சுமையை குறைக்க விரும்பினேன். அவருக்கு பணியாற்றும் நோக்கம் தவிர உள்நோக்கம் எதுவும் இல்லை. அவரும் என்னை தங்கையாக ஏற்றுக்கொண்டார். தொடர்ந்து அவருக்கு துணையாக பணியாற்றி வந்தேன்.

ஆனால் போயஸ் தோட்டத்தில் இருக்கும் போது எனது உறவினர்கள் நண்பர்கள் தங்களின் பெயரை தவறாக பயன்படுத்தியுள்ளனர் என்பது ஜெ., ( கடந்த டிசம்பர் மாதம் ) நடவடிக்கை எடுத்த பின்னரே தெரியவந்தது. ஜெ.,வுக்கு எதிராக சதி செய்தார்கள் என்ற செய்தி எனக்கு அதிர்ச்சியும், வேதனையும் அளித்தது. அவருக்கு நான் கனவிலும் துரோகம் நினைத்தது இல்லை. ஜெ.,வுக்கு துரோகம் செய்தவர்கள் எனக்கு வேண்டாதவர்கள் ஆவர். ஜெ.,வுக்கு எதிராக துரோகம் இழைத்தவர்களை மன்னிக்க முடியாது. இவர்கள் உறவை துண்டித்து விட்டேன். எனக்கும் அவர்களுக்கும் ஒட்டுமில்லை, உறவுமில்லை. எம்.எல்.ஏ., அமைச்சர் பதவியில் இருக்க வேண்டும் பொது வாழ்வில் பங்கேற்க வேண்டும் என்ற எண்ணம் எனக்கில்லை. ஜெ,.வுக்கு உண்மையான தங்கையாகவே இருக்க விரும்புகிறேன். ஏற்கனவே அவருக்கு எனது வாழ்க்கையை அர்ப்பணித்து விட்டேன். இனியும் எனக்கென வாழாமல் அக்காவுக்கு உதவியாகவே இருக்க விரும்புகிறேன். இவ்வாறு அவர் கூறியுள்ளார். இந்த உருக்க கடிதத்தை ஜெ., இன்று ஏற்றுக்கொண்டார்.

http://www.dinamalar.com/News_Detail.asp?Id=438605

**ரா.ரா3275** · **ரா.ரா3275** Sat Mar 31, 2012 12:10 pm

நடக்கும் என்பார் நடக்காது...
நடக்காதென்பார் நடந்துவிடும்...

இந்தப் பாட்டு எவ்ளோ பொருத்தம் இந்த சூழலுக்கு?...

ரவிக்குமார் · ரவிக்குமார் Sat Mar 31, 2012 12:22 pm

நான் அடிப்பது போல் அடிக்கிறேன்... நீ அழுவது போல் அழு... என்ற கதை போல் தான் உள்ளது... எம்.ஜி.ஆர்.ன் ரத்தத்தின் ரத்தங்களுக்கு, அண்ணா கூறியது போல் எதையும் தாங்கும் இதயம் தான்...

யினியவன் · யினியவன் Sat Mar 31, 2012 1:14 pm

அப்ப பெங்களூருவில் நடக்கும் சொத்து குவிப்பு வழக்க
கொஞ்சம் சொத்த விட்டுக் குடுத்து சொத்தை வழக்கா
ஆக்கிட்டாங்கன்னு சொல்றாங்க.

மகா பிரபு · மகா பிரபு Sat Mar 31, 2012 8:28 pm

ச‌சிகலா ‌மீது எடு‌க்க‌ப்ப‌ட்ட க‌ட்‌சி ஒழு‌ங்கு நடவடி‌க்கை ர‌த்து செ‌ய்ய‌ப்படுவதாகவு‌ம், அதே நேர‌த்‌‌தி‌ல் நடராஜ‌ன் உ‌ள்பட 19 பே‌ர் ‌மீதான நடவடி‌க்கை‌யி‌ல் எ‌ந்த மா‌ற்றமு‌ம் இ‌ல்லை எ‌ன்று அ.‌தி.மு.க. பொது‌ச் செயல‌ரு‌ம், முத‌ல்வ‌ருமான ஜெய‌ல‌லிதா கூ‌றியு‌ள்ளா‌ர்.

இது தொட‌ர்பாக அவ‌ர் இ‌ன்று வெ‌ளி‌யி‌ட்டு‌‌ள்ள அ‌றி‌க்கை‌யி‌ல், ‌வி.கே.ச‌கிகலா என‌க்கு கடித‌ம் அனு‌ப்‌பி உ‌ள்ளா‌ர். அதே பொரு‌ள் கொ‌ண்ட ஒரு அ‌றி‌க்கை‌யினையு‌ம் அவ‌ர் வெ‌ளி‌யி‌ட்டு‌ள்ளா‌ர்.

‌வி.கே.ச‌சிகலா அ‌ளி‌த்து‌ள்ள ‌விள‌க்க‌த்‌தினை நா‌ன் ஏ‌ற்று‌க் கொ‌ள்‌கிறே‌ன். 19.12.2011 அ‌ன்று ‌வி.கே.ச‌சிகலா ‌‌‌மீது எடு‌க்க‌ப்ப‌ட்ட ஒழு‌ங்கு நடவடி‌க்கை ர‌த்து செ‌ய்ய‌ப்படு‌கிறது.

அதே சமய‌த்‌தி‌ல், 19.12.2011அ‌ன்று ம.நடராஜ‌ன், ‌திவாக‌ர், டி.டி.‌வி.‌தினகர‌ன், ‌வி.பா‌ஸ்கர‌ன், ‌வி.எ‌ன்.சுதாகர‌ன், டா‌க்ட‌ர் எ‌ஸ்.வெ‌ங்கடே‌ஷ், எ‌ம்.ராம‌ச்ச‌ந்‌திர‌ன், இராவண‌ன், அடையாறு மோக‌ன், குலோ‌த்து‌ங்‌க‌‌ன், ராஜராஜ‌ன், டி.‌வி.மகாதேவ‌ன், த‌ங்கம‌ணி ஆ‌கியோ‌ர் ‌மீது எடு‌க்க‌ப்ப‌ட்ட ஒழு‌ங்கு நடவடி‌க்கை‌யி‌ல் எ‌ந்த மா‌ற்றமு‌ம் இ‌ல்லை.

மேலு‌ம், 26.1.2012 அ‌ன்று தோ‌ட்ட‌க்கலை ‌வி.‌கிரு‌ஷ்ணமூ‌ர்‌த்‌தி, ச‌ந்தானல‌ட்சு‌மி சு‌ந்தரவதன‌ம், சு‌ந்தரவதன‌ம், ஜெய‌ந்‌தி மாலா ஆ‌கியோ‌ர் ‌மீது‌ம் எடு‌க்க‌ப்ப‌ட்ட ஒழு‌ங்கு நடவடி‌க்கை‌யி‌ல் எ‌ந்த மா‌ற்றமு‌ம் இ‌ல்லை. அ‌ந்த நடவடி‌க்கை அ‌ப்படியே தொடரு‌‌ம்.

எனவே, க‌ட்‌சி‌யின‌ர் யாரு‌ம் இவ‌ர்களுட‌ன் எ‌வ்‌வித‌த் தொட‌ர்பு‌ம் வை‌த்து‌க் கொ‌ள்ளக‌் கூடாது எ‌ன்று ஜெய‌ல‌லிதா கே‌ட்டு‌க் கொ‌ண்டு‌ள்ளா‌ர்.

வெப்துனியா

அசுரன் · அசுரன் Sat Mar 31, 2012 8:39 pm

சொல்லுங்க சொல்லுங்க இன்னும் சொல்லுங்க எல்லாத்தையும் தொண்டனுங்க நம்புவாங்க.... சிரி

அதி · அதி Sat Mar 31, 2012 8:50 pm

என்னதான் நடக்குதுன்னே புரியலையே

யினியவன் · யினியவன் Sat Mar 31, 2012 9:01 pm

அதி wrote:என்னதான் நடக்குதுன்னே புரியலையே

இப்ப அவங்க ரெண்டு பேரும் தோட்டத்துக்குள்ள நடக்கறாங்களாம் அதி.

**ரா.ரா3275** · **ரா.ரா3275** Sat Mar 31, 2012 9:43 pm

கொலவெறி wrote:
அதி wrote:என்னதான் நடக்குதுன்னே புரியலையே
இப்ப அவங்க ரெண்டு பேரும் தோட்டத்துக்குள்ள நடக்கறாங்களாம் அதி.

நல்ல வேள...தோட்டத்துக்குள்ளயே....

**Aathira** · **Aathira** Sun Apr 01, 2012 1:06 am

இந்த முறை படம் கொஞ்சம் அதிக ரீல் ஓடிடுச்சு போல இருக்கே.. என்ன கொடுமை சார் இது

Sponsored content · Sponsored content

பிரிந்தவர்கள் மீண்டும் சேர்ந்தனர்: சசி கடிதம் ஏற்பு;ஒழுங்கு நடவடிக்கை ரத்து என ஜெ., அறிவிப்பு

பிரிந்தவர்கள் மீண்டும் சேர்ந்தனர்: சசி கடிதம் ஏற்பு;ஒழுங்கு நடவடிக்கை ரத்து என ஜெ., அறிவிப்பு

Re: பிரிந்தவர்கள் மீண்டும் சேர்ந்தனர்: சசி கடிதம் ஏற்பு;ஒழுங்கு நடவடிக்கை ரத்து என ஜெ., அறிவிப்பு

Re: பிரிந்தவர்கள் மீண்டும் சேர்ந்தனர்: சசி கடிதம் ஏற்பு;ஒழுங்கு நடவடிக்கை ரத்து என ஜெ., அறிவிப்பு

Re: பிரிந்தவர்கள் மீண்டும் சேர்ந்தனர்: சசி கடிதம் ஏற்பு;ஒழுங்கு நடவடிக்கை ரத்து என ஜெ., அறிவிப்பு

ச‌சிகலா க‌ட்‌சி‌யி‌ல் சே‌ர்‌ப்பு, நடராஜ‌ன் உ‌ள்பட 19 பே‌ர் ‌சே‌ர்‌க்க‌ப்பட‌வி‌ல்லை

Re: பிரிந்தவர்கள் மீண்டும் சேர்ந்தனர்: சசி கடிதம் ஏற்பு;ஒழுங்கு நடவடிக்கை ரத்து என ஜெ., அறிவிப்பு

Re: பிரிந்தவர்கள் மீண்டும் சேர்ந்தனர்: சசி கடிதம் ஏற்பு;ஒழுங்கு நடவடிக்கை ரத்து என ஜெ., அறிவிப்பு

Re: பிரிந்தவர்கள் மீண்டும் சேர்ந்தனர்: சசி கடிதம் ஏற்பு;ஒழுங்கு நடவடிக்கை ரத்து என ஜெ., அறிவிப்பு

Re: பிரிந்தவர்கள் மீண்டும் சேர்ந்தனர்: சசி கடிதம் ஏற்பு;ஒழுங்கு நடவடிக்கை ரத்து என ஜெ., அறிவிப்பு

Re: பிரிந்தவர்கள் மீண்டும் சேர்ந்தனர்: சசி கடிதம் ஏற்பு;ஒழுங்கு நடவடிக்கை ரத்து என ஜெ., அறிவிப்பு

Re: பிரிந்தவர்கள் மீண்டும் சேர்ந்தனர்: சசி கடிதம் ஏற்பு;ஒழுங்கு நடவடிக்கை ரத்து என ஜெ., அறிவிப்பு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக