எங்கே போய் முட்டிக் கொள்வது?

ஒரு சாதாரன வார்டு கவுன்சிலருக்கு போட்டியிடுகிறவர், தனது வெற்றிக்காக ஒரு வாக்காளரை, அவருடைய மற்றும் கிடைக்க போகும் வாக்குகளுக்காக, மீண்டும் மீண்டும் அவரை அனுகி தனக்கு வாக்களிக்கும்படி கேட்டு, அவர் வாக்களித்து வேட்பாளர் வெற்றி பெற்று கவுன்சிலர் ஆகிவிட்டார் என வைத்துக் கொள்வோம். அதன்பிறகு அந்த வாக்காளர், அவருடைய தனிப்பட்ட தேவைகளுக்கு, அந்த கவுன்சிலரை அனுகும்போது, கவுன்சிலரின் நிலை என்னவாக இருக்கும்? மறுக்க முடியுமா?
ஒரு சாதாரன வார்டு கவுன்சிலருக்கே இந்நிலையெனில், பொறுப்பும், சிறப்பும் மிக்க இந்திய தலைமை குடிமகன் பதவிக்காக போட்டியிடும் ஒரு வேட்பாளர், அப்பதவிக்கு வாக்களிக்க தகுதியுள்ள ஒரு கட்சி தலைவரையும், அவர் கட்சி உறுப்பினர்களின் வாக்குகளை தனக்களிக்கும்படி, ஏறக்குறைய தினந்தோறும் தொடர்புக் கொண்டு கேட்டு வருவதாக, அவரே ஊடகங்களுக்கு பேட்டி அளிப்பது, அப்பதவியின் மேல் அவர் கொண்டுள்ள மோகத்தையும், எப்படியாவது வெற்றி பெற்று விட வேண்டும் என்ற எண்ணத்தையும் வெளிப்படுத்துகிறது.
அப்பதவியை ஒரு சாதாரன வார்டு வேட்பாளர் நிலைக்கு தள்ளியுள்ளது எவ்வளவு சிறுமையானது என்பதை அவரும், அவரை வேட்பாளராக நிறுத்தியுள்ள கட்சியினரும் உணரவில்லையா? இது ஒரு தவறான செயலுக்கு வழிகாட்டும் முன்னுதரணமாக ஆகி விட்ட்தல்லவா? இது அப்பதவிக்கே இழுக்கல்லவா? நாளை அவர் வெற்றி பெற்று இந்திய முதற்குடிமகனாக பதவியேற்ற பிறகு, வாக்களித்த அக்கட்சியின் தலைவர் சலுகைகள் செய்து தரக்கேட்டால் இவரால் மறுக்க முடியுமா? இதனால் நாட்டுக்கே பாதிப்பு வரக்கூடிய நிலையும் ஏற்படலாம் அல்லவா?

பெரிய பொறுப்புள்ள பதவிகளுக்கு ஓட்டுக்கள் தேவைபடுமெனில், வேட்பாளர் தன் திறமைகளையும், தான் வெற்றிப் பெற்றால் அப்பதவி மூலம் செயல் படுத்த நினைக்கின்ற திட்டங்களையும் விவரித்து, ஒரு சம்பிரதாயத்துக்காக, வாக்காளர்களாய் இருக்கின்ற கட்சிகளின் தலைவர்களை சந்தித்தோ, தொடர்புக் கொண்டோ வாக்குகளை சேகரிப்பது மட்டுமே முறையானதாகும். அதுதான் அந்த பதவிக்கு அளிக்க கூடிய மரியாதையுமாகும்.

தான் எப்படியாவது அந்த பதவிக்கு வந்து விட வேண்டும் என்பதற்காக கெஞ்சி கூத்தாடுவது, அப்பதவிக்கும், அவருக்கும் கௌரவத்தை தராது என்பதே எமது சிற்றறிவுக்கு எட்டியவரையில் கருத்தாகும்.

பின்குறிப்பு:-
இப்பதிவு ஊடகங்களில் வந்த செய்திகளின் அடிப்படையில் எழுதப்பட்ட்தாகும்.

முகநூல்

வரும் பார்லிமென்ட் தேர்தலுக்கு இவரு உதவி கண்டிப்பா வேணும் கை கட்சிக்கு ஆட்சியைப் பிடிக்க - அதான் இவர இந்த நிலைக்கு தள்ளிட்டானுங்க.

மதிப்பு மிகு பல பதவிகளை மதிப்பில்லாமல் செய்வதில் கை கட்சிக்கு நிகர் கை கட்சி தான்.