உதயகுமாருக்கு பிடிவாரன்ட்: கோர்ட் உத்தரவு

**சிவா** · **சிவா** Tue Sep 18, 2012 8:13 pm

திருநெல்வேலி: சம்மன் அனுப்பியும் ஆஜராகாததால் உதயகுமாருக்கு பிடிவாரண்ட் பிறப்பித்து கோர்‌ட் உத்தரவிட்டுள்ளது. கூடங்குளம் அனுஉலைக்கு எதிராக அப்பாவி மக்களை போராட தூண்டிவிட்ட போராட்டக்குழு ஒருங்கிணைப்பாளர் உதயகுமார் மீது இரு வழக்குகளில் அவருக்கு வள்ளியூரில் கோர்ட்டில் ஆஜராகும்படி சம்மன் அனுப்பப்பட்டிருந்தது.

இந்நிலையில் உதயகுமார் இன்று ஆஜராகவில்லை. இதனால் இன்று நடந்த விசாரணையில் நீதிபதி கிறிஸ்டல்பபிதா, உதயகுமாருக்கு ஜாமினில் வெளிவரமுடியாத பிடிவாரண்ட் பிறப்பித்து உத்தரவிட்டார். உதயகுமார் மீது வழிபாட்டு தலங்களை தவறாக பயன்படுத்தியது. தேவையில்லாமல் கூட்டங்கள் நடத்தியது போன்ற பிரிவுகளில் வழக்கு தொடரப்பட்டிருந்தது. இந்த வழக்கில் தான் உதயகுமாருக்கு பிடிவாரண்ட் பிறப்பிக்கப்பட்டுள்ளது.

தினமலர்

**சிவா** · **சிவா** Tue Sep 18, 2012 8:13 pm

உதயகுமார் ஏன் ஆஜராகவில்லை: கோர்ட் கேள்வி

திருநெல்வேலி: பல்வேறு வழக்குகள் தொடர்பாக கோர்ட் அளித்த சம்மனுக்கு உதயகுமார் ஆஜராகவில்லை. அவரது மனைவி ஆஜரானார். கூடங்குளம் அணுஉலைக்கு எதிராக போராட்டம் நடத்தி வரும் ஒருங்கிணைப்பாளர் உதயகுமார் மீது பல்வேறு வழக்குகள் உள்ளது. இது தொடர்பாக கடந்த சில நாட்களுக்கு முன் வள்ளியூர் கோர்ட்டில் 18-ம் தேதி (இன்று )ஆஜராகுமாறு சம்மன் அனுப்பப்பட்டிருந்தது.

அதன்படி உதயகுமாரின் மனைவி மீரா மட்டும் இன்று கோர்ட்டில் ஆஜரானார். அப்போது நீதிபதி உதயகுமார் ஏன ஆஜராகவில்லை என கேள்வி கேட்டார். அதற்கு ஒரு வழக்கு தொடர்பான சம்மனில், உதயகுமார் நேடியாக சம்மனை வாங்க வில்லை. அதற்கு பதிலாக அவரது தந்தையிடம் போலீசார் வழங்கியுள்ளனர். இது விதி 64-ன் படி தவறு என கூறப்பட்டது.. இதனை கேட்ட நீதிபதி கிறிஸ்டல்பபிதா, உதயகுமார் மீது மேல் நடவடிக்கை குறித்து 2.30 மணிக்கு தீர்ப்பு அளிப்பதாக கூறினார். முன்னதாக உதயகுமார் சார்பில் எந்த வக்கீல்களும் வரவில்லை.

யினியவன் · யினியவன் Tue Sep 18, 2012 8:17 pm

பாவம் ஊழல் அரசியல்வியாதியாக இருந்தால் இந்நேரம் மருத்துவ சான்றிதழ் சமர்ப்பித்திருப்பார் ஹாயாக ஐந்து நட்சத்திர மருத்துவமனையில் படுத்துக் கொண்டே.

**Dr.சுந்தரராஜ் தயாளன்** · 03/09/2011

கோர்ட் வேறு என்ன செய்யும் ? சோகம்

அசுரன் · அசுரன் Tue Sep 18, 2012 10:19 pm

சட்டம் தன் கடமையை செய்துக்கொண்டிருக்கிறது

**ராஜா** · **ராஜா** Wed Sep 19, 2012 10:57 am

கொய்யால இந்தியாவில் பிறந்துட்டு நாட்டு மக்களுக்கு நன்மை செய்யனும்ன்னு ஒரு ஆள் கிளம்பியிருக்காண்டா அவனை பிடித்து உள்ளே போடணும் முதலில், கையில் சிக்கலன்னா என்கவுண்டர் பண்ணியாவது கதையை முடிக்கணும் சுட்டுத்தள்ளூ!