தீபாவளி கவிதை

ஜலஜா சிவகுமார் · 05/10/2012

தீபாவளி கவிதை

தீபாவளிக்கு தீபாவளியை பற்றி கவிதை எழுதுங்கள் பார்க்கலாம் .
1 கவிதைக்கு தகுதி - தீபாவளி பற்றி இருக்க வேண்டும்
2 கவிதையின் அளவு - மிளகாய் வெடி முதல் சரம் வரை
3 பரிசு - வாழ்த்துக்கள் தாராளமாய் கிடைக்கும் .

பூவன் · பூவன் Fri 9 Nov 2012 - 22:53

[You must be registered and logged in to see this link.]

தீபாவளி ....

தித்திக்கும் ஒருநாளாம்
இந்த தீப திருநாளாம்
இனிப்புகள் தித்திக்க
இன்பங்கள் பரிமாறினோம் ....

புத்தாடைகள் பளபளக்க
மத்தாப்பு சிரி சிரிக்க
புத்தம் புது புன்னகை
பொங்கினோம் !!!

வெடிகள் காதை துளைக்க
ஓட ஓட விரட்டும்
சக்கரங்கள் சுழல
சங்கீதமாய் சந்தோசங்கள்
பாடினோம் .....

இது தீபாவளி
இன்பமாய் வந்த
தீப ஒளி ......

ஜலஜா சிவகுமார் · 05/10/2012

சூப்பர் ! வாழ்த்துக்கள் .
தீபாவளி கவிதைகளை ஆரம்பித்து வைத்ததற்கு நன்றி
தொடருங்கள்
அனைவரும் தொடருங்கள்

பூவன் · பூவன் Fri 9 Nov 2012 - 22:57

ஜலஜா சிவகுமார் wrote:சூப்பர் ! வாழ்த்துக்கள் .
தீபாவளி கவிதைகளை ஆரம்பித்து வைத்ததற்கு நன்றி
தொடருங்கள்
அனைவரும் தொடருங்கள்

நன்றி ....

**கரூர் கவியன்பன்** · 23/09/2012

வானுயர்ந்த பங்களா
வாசல் முழுதும் வசந்தக்கோலம்
குப்பத்து குடிசையில்
குடிகொண்டிருந்தது
வசந்தம் முழுதும்
அன்றேனும் எப்படியாவது
மூன்றுவேளையும் உணவு
கிடைத்துவிடும் என்று

ஆங்காங்கே வந்து செல்லும்
ஆர்ப்பாட்டம் இல்லாத
சிவப்புச் சட்டயாளனின்
சிறு கைத்தட்டல்கள்

சக்கரமாய் சுழன்று கொண்டிருந்தது
சங்கு சக்கரம் மட்டுமல்ல
அதை தாயரித்து அளித்துவிட்டு
எட்டி நின்று பார்த்து
ஏங்கிக் கொண்டிருந்த
அச்சிறுவனின் வாழ்க்கையும் தான்

ஒரு நொடி மட்டும்
தனது சிரிப்பை
உதிர்த்தி விட்டுப்போன
மத்தாப்புக் கம்பி
மறைந்து கொண்டு
மன்னிப்புக் கேட்டது
சாலையோர அரைக்கால் சட்டையிட்ட
குழந்தையின் சிரிப்பினிடம்

சிறப்பு அங்காடிகள்
தெருவெல்லாம்
பல்பொருள் அங்காடிகள்
பகலெல்லாம் தாண்டி
வகைவகயாய் மகிழுந்து
வாசலில் வந்து நின்று
ஏனோ முகம் திருப்பிக் கொண்டிருந்தது
வாசலின் கேட்டை எட்டிப் பிடித்து
நிர்வாணமாய் நின்று கொண்டிருந்த
பாலகனைப் பார்த்து

பஞ்சு பஞ்சாய்
பறந்து கொண்டு
தங்களுக்குள் தீபாவளி வாழ்த்துகளை
பரிமாறிக்கொண்டிருந்தது பணம்

எது எப்படியோ
இவர்கள் சிரிப்பினில்
ஆங்கோருவர் இன்றேனும்
குடித்து விடுவர்
ஒரு வேலை கஞ்சியெனும்

பூவன் · பூவன் Fri 9 Nov 2012 - 23:32

கவிதை அருமை கவி , இன்பங்களோடு துன்பங்களையும் சாடிய விதம் அருமை ....

**கரூர் கவியன்பன்** · 23/09/2012

பூவன் wrote:கவிதை அருமை கவி , இன்பங்களோடு துன்பங்களையும் சாடிய விதம் அருமை ....

நன்றி பூவன்

**கரூர் கவியன்பன்** · 23/09/2012

தீப ஒளி நன்று பூவன்

**ரா.ரா3275** · **ரா.ரா3275** Sat 10 Nov 2012 - 1:06

பூவனுக்கும் கரூராருக்கும் வாழ்த்துகள் தீபாவளி கவிதை தந்தமைக்கு...

பூவன் · பூவன் Sat 10 Nov 2012 - 1:07

ரா.ரா3275 wrote:பூவனுக்கும் கரூராருக்கும் வாழ்த்துகள் தீபாவளி கவிதை தந்தமைக்கு...

நன்றி அண்ணா

Sponsored content · Sponsored content

தீபாவளி கவிதை

தீபாவளி கவிதை

தீபாவளி கவிதை

Re: தீபாவளி கவிதை

Re: தீபாவளி கவிதை

Re: தீபாவளி கவிதை

Re: தீபாவளி கவிதை

Re: தீபாவளி கவிதை

Re: தீபாவளி கவிதை

Re: தீபாவளி கவிதை

Re: தீபாவளி கவிதை

Re: தீபாவளி கவிதை

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக