மூன்றாம் பிறை பார்ட் - 2 !

அபிரூபன் · அபிரூபன் Tue 1 Jan 2013 - 15:39

1982ல் வெளியாகி படம், பாடல்கள், ஒளிப்பதிவு என அனைத்து தளங்களிலும் வரவேற்பை பெற்ற படம் 'மூன்றாம் பிறை'. கமல் பள்ளி ஆசிரியராகவும், ஸ்ரீதேவி விபத்தில் பழைய நினைவுகளை மறந்து ஏழு வயது சிறுமிக்குரிய மனநிலையில் வாழும் கதாபாத்திரத்திலும் நடித்தனர். பாலு மகேந்திரா இயக்கி இருந்தார்.

இப்படத்தில் இடம்பெற்ற ‘கண்ணே கலைமானே’ என்ற பாடல் இப்போதும் பலராலும் ரசிக்கப்பட்டு வருகிறது. இப்படத்தினை இந்தியில் ‘சத்மா’ என்ற பெயரில் ரீமேக் செய்தனர். கமல் ஸ்ரீதேவி ரீமேக்கிலும் நடிக்க அப்படமும் வரவேற்பை பெற்றது. 'மூன்றாம் பிறை' படத்திற்காக கமலுக்கு சிறந்த நடிகருக்கான தேசிய விருது கிடைத்தது.

இப்படத்தின் 2ம் பாகத்தினை இந்தி, தமிழில் உருவாக்கும் முயற்சியில் ஈடுபட்டு வருகிறார்கள். 'மூன்றாம் பிறை' இறுதிக் காட்சியில் கமலை விட்டு பிரியும் ஸ்ரீதேவி நீண்ட நாட்களுக்கு பிறகு உண்மை தெரிந்து, வந்து சேர்வது போன்று 2ம் பாகம் கதையினை தயார் செய்து இருக்கிறார்களாம்.

இப்படத்திலும் கமல், ஸ்ரீதேவி நடித்தால் நன்றாக இருக்கும் என்று அணுகி பேசி இருக்கிறார்கள். இரண்டாம் பாகத்தில் நடிக்க கமல் மறுத்து விட்டார். " முதல் பாகம் சோகமாக முடிந்தது தான் அப்படத்துக்கு பெரிய வரவேற்பை தந்தது. அதை மீண்டும் எடுத்து மகிழ்ச்சியாக முடிப்பது சரியாக இருக்காது. இந்த வயதில் அந்த கேரக்டருக்கு நான் பொருத்தமாக இருக்க மாட்டேன்" என்று தெரிவித்து இருக்கிறார். மூன்றாம் பிறை பார்ட் - 2 ! 31moondrampirai