காட்பாடி: பைக் திருடுவதற்காக வந்த வடமாநில வாலிபருக்கு, அவர் திருடன் என தெரியாததால் கிராம மக்கள் உணவு மற்றும் இரவு தங்க இடம் கொடுத்தனர். அதிகாலை நேரத்தில் பைக்கை திருடிக்கொண்டு சென்றபோது, சாப்பாடு போட்ட மக்களே பிடித்து போலீசில் ஒப்படைத்தனர்.வேலூர் மாவட்டம், காட்பாடி அடுத்துள்ளது செஞ்சி கிருஷ்ணாபுரம் கிராமம். நேற்று முன்தினம் இரவு 10.30 மணிக்கு கடைசி பஸ் கிராமத்துக்கு வந்தது. அந்த பஸ்சில் இருந்து 20 வயது மதிக்கத்தக்க வட மாநில வாலிபர் ஒருவர் இறங்கினார். திருதிருவென்று விழித்த அந்த வாலிபரிடம் கிராம மக்கள் விசாரித்தனர். ஆனால் அந்த வாலிபரோ இந்தியில் பேசியிருக்கிறார்.

இதனால், வட மாநிலத்தைச் சேர்ந்த வாலிபர் வழி தெரியாமல் வந்திருக்கலாம் என கருதிய கிராம மக்கள், அவருக்கு உணவு கொடுத்து உபசரித்தனர். பின்னர், அங்குள்ள ஊராட்சி டிவி அறையில் தங்க வைத்தனர். அவர் தூங்கியதும் கிராம மக்கள் அனைவரும் தங்களது வீடுகளுக்குச் சென்றுவிட்டனர்.
நேற்று அதிகாலை விழித்த அந்த வாலிபர், டிவி அறையின் ஜன்னல் கதவை உடைத்துக் கொண்டு வெளியே வந்துள்ளார். பின்னர், அதே கிராமத்தைச் சேர்ந்த ஒருவரது பைக்கை திருடி, தெரு வழியாக தள்ளிக்கொண்டு சென்றிருக்கிறார். இதை பார்த்த கிராம மக்கள் அதிர்ச்சி அடைந்தனர். உடனடியாக, அவர்கள் விரட்டிச் சென்று அந்த வாலிபரை சுற்றி வளைத்து பிடித்தனர். அந்த வாலிபரை நன்றாக Ôகவனித்தÕ பிறகு லத்தேரி போலீசில் ஒப்படைத்தனர்.
போலீசார் விசாரித்ததில், பெயர் ஷபீர் (20) என்பதும், மேற்குவங்க மாநிலத்தைச் சேர்ந்தவர் என்பதும் தெரியவந்தது.

தினகரன்

அவருக்கு தமிழன்களை பத்தி தெரியல அதான் இப்படி பண்ணிட்டார்

அவருக்கு உணவு கொடுத்து உபசரித்தனர். பின்னர், அங்குள்ள ஊராட்சி டிவி அறையில் தங்க வைத்தனர்.

உண்மையாகவே உயர்ந்த குணம்

divyabi wrote:அவருக்கு தமிழன்களை பத்தி தெரியல அதான் இப்படி பண்ணிட்டார்

இல்லை இல்லை நண்பரே ,தமிழர்களைப் பற்றி நன்றாக தெரிந்துதான் வைத்துள்ளார்.

பைக் திருட வந்தவனை உபசரித்த கிராமத்தினர்.......

இந்த தலைப்பை பார்த்துடன் என் மனதில் உதித்தது தமிழர் அல்லாதோருக்கு தான் நம் மக்கள் உபசரணை கொடுத்திருப்பார்கள் என்று நினைத்தேன்

அதுதான் சரி.