படத்தை தடை செய்ய கிறிஸ்தவ அமைப்புகள் போராட்டம் .........

DERAR BABU · DERAR BABU Fri Jan 25, 2013 7:03 pm

கேரளாவில் இந்து, முஸ்லீம், கிறிஸ்தவ பாகுபாடுகள் இல்லாமல் சகட்டுமேனிக்கு அனைவரையும் வறுத்தெடுப்பதுண்டு. கம்யூனிஸ்ட், காங்கிரஸ் என்று விளித்து அவர்களின் கொடிகளை காண்பித்தே படம் எடுப்பார்கள். கம்யூனிஸ்ட், காங்கிரஸ் மந்தி‌ரிகளை, எம்.எல்.ஏ.க்களை நாயகன் தூக்கிப் போட்டு மிதிக்கும் காட்சிகளும் அங்கு தாராளம்.

கிறிஸ்தவ மதத்தை பல படங்களில் புரட்டி எடுத்திருக்கிறார்கள். சாராயத்துக்கு அலையும் பாதி‌ரியாரை மோகன்லாலின் நாட்டு ராஜாவு படத்தில் காட்டியிருப்பார்கள். அதுபோல் புகைக்கும், ரவுடியிசம் செய்யும் என விதவிதமான பாதி‌ரியார்களை மலையாள சினிமா உருவாக்கியிருக்கிறது.

அப்போதெல்லாம் சின்ன முணுமுணுப்புகூட கேட்டதில்லை. ஆனால் இன்று ரோமன்ஸ் என்ற படத்தை தடை செய்ய வேண்டும் என ஒருசில கிறிஸ்தவ அமைப்புகள் கொட்டாவி விட ஆரம்பித்துள்ளன.

இரண்டு கி‌ரிமினல்கள் போலீஸிடமிருந்து தப்பி வந்து ஒரு கிராமத்தில் பாதி‌ரியார்கள் என்று சொல்லி செட்டிலாகிறார்கள். சந்தர்ப்ப சூழ்நிலை அவர்களுக்கு சாதகமாக அமைய, அவசரத்துக்குப் போட்ட பாதி‌ரியார் அங்கியை கழற்றாமல் அப்படியே மெயின்டெயின் செய்வதுதான் படத்தின் கதை. போபன் சாமுவேல் இயக்க குஞ்சாகா போபனும், பிஜு மேனனும் நடித்துள்ளனர்.

படம் வெளியாகி ஒருவாரம் தாண்டிய நிலையில்தான் இந்த முணுமுணுப்புகள். இந்த சலசலப்புக்கெல்லாம் பனங்காட்டு ந‌ரியான மலையாள சினிமா அஞ்சப் போவதில்லை என்பதுதான் உண்மை....

வெப்துனியா

அசுரன் · அசுரன் Fri Jan 25, 2013 10:32 pm

கண்டுக்காம விட்டாலே யாரும் இதையெல்லாம் பெருசா எடுத்துக்க மாட்டாங்க... இப்ப இது ஒரு டிரன்ட் புன்னகை

**Muthumohamed** · **Muthumohamed** Fri Jan 25, 2013 11:58 pm

"படம் வெளியாகி ஒருவாரம் தாண்டிய நிலையில்தான் இந்த முணுமுணுப்புகள். இந்த சலசலப்புக்கெல்லாம் பனங்காட்டு ந‌ரியான மலையாள சினிமா அஞ்சப் போவதில்லை என்பதுதான் உண்மை...."

இது தான் உண்மையும் கூட

**அருண்** · **அருண்** Sat Jan 26, 2013 1:35 pm

எல்லாம் சினிமாவை அரசியலாக்கி லாபம் சம்பாதிப்பது தான்.!

**சிவா** · **சிவா** Sat Jan 26, 2013 1:46 pm

எவனோ ஒருவன் இதற்கு பணம் வாங்கிக் கொண்டு, அதற்கு மத சாயம் பூசி போராட்டம் எனக் கதை விடுகிறார்கள். இதையும் நம்பி அப்பாவி மக்கள் அவர்களுடன் கைகோர்த்துச் சென்று, தான் இருக்கும் இடத்தில் உள்ள மற்ற இனத்தவர்களுடன் இணைந்திருக்க முடியாமல் தனிமைப்படுத்தப்படுகிறார்கள்.

தடை செய்யப்பட்ட படம் எப்படியும் வெளியாகியே தீரும். ஆனால் நீங்கள் ஏற்படுத்தும் பகை ஆறா வடுவாகிவிடும்!