சென்னை : இந்த ஆண்டு இறுதிக்குள் மின் பற்றாக்குறை முழுமையாக நீங்கும் என்று முதலமைச்சர் ஜெயலலிதா தெரிவித்துள்ளார்.
-
தமிழக சட்டசபையில் கவர்னர் உரைக்கு நன்றி தெரிவிக்கும் தீர்மானத்தின் மீதான விவாதங்களுக்கு பதில் அளித்து பேசிய முதலமைச்சர் ஜெயலலிதா,"கடந்த ஆண்டு மின்நிலைமை குறித்து விரிவாக ஆலோசித்தேன். வட சென்னை அனல்மின் திட்டத்தில் இருந்து 600 மெகாவாட் மின்சாரம் ஏப்ரல் மாதம் முதல் கிடைக்கும்.
-
வடசென்னை அனல்மின் நிலைய 2-வது பிரிவில் தற்போது 60 சதவீத பணிகள் முடிக்கப்பட்டுள்ளது. வரும்மே மாதம் முதல் 600 மெகாவாட் மின்சாரம் அங்கு கிடைக்க உள்ளது.
மேட்டூரில் 600 மெகா வாட் மின்சாரம் உற்பத்தி செய்ய பணிகளை விரைவு படுத்தியதால், கடந்த டிசம்பரில் பணிகள் முடிந்தது. அங்கு 608 மெகாவாட் மின் உற்பத்திக்கான சோதனை ஓட்டம் நடந்து வருகிறது.
-
வல்லூரில் முதல் பிரிவு கடந்த டிசம்பரில் செயல்பாட்டுக்கு வந்தது. இதன் மூலம் தமிழ்நாட்டுக்கு 375 மெகாவாட் மின்சாரம் கிடைத்து வருகிறது.
வல்லூர் 2-வது பிரிவில் மின்உற்பத்தி அடுத்த மாதத்திலும் 3-வது பிரிவில் அக்டோபரிலும் செயல்பாட்டுக்கு வரும். இதில் இருந்து 750 மெகாவாட்மின்சாரம் கிடைக்கும்.
-
தூத்துக்குடி அனல்மின் திட்டம் மூலம் 377 மெகாவாட்மின்சாரம் வருகிற டிசம்பர் மாதம் முதல் கிடைக்கும்.
அனல்மின் நிலையங்கள் மூலம் 3312 மெகாவாட் மின்சாரமும் வல்லூரின் திட்டம் மூலம் 375 மெகாவாட்டும் தற்போது கிடைக்கிறது. 2175 மெகாவாட்மின்சாரம் ஜூன் மாதம் கிடைத்து விடும். எஞ்சிய 762 மொகாவாட் மின்சாரம் இந்த ஆண்டு இறுதிக்குள் கிடைக்கும்.
-
இதுதவிர கூடங்குளம், நெய்வேலி-2 மின்சார திட்டங்கள் மூலமும் மின்சாரம் கிடைக்கும். மேலும் தனியார் மூலமாக 900 மெகாவாட் கிடைக்க வாய்ப்புள்ளது.
வெளிமாநிலங்களில் இருந்து 3 ஆண்டு கால ஒப்பந்தப்படி 500 மெகாவாட் மின்சாரம் பெறப்படும். இத்தகைய நடவடிக்கைகளால் மின் பற்றாக்குறை கணிசமாக குறைந்துள்ளது.
-
இந்த ஆண்டு இறுதிக்குள் மின் பற்றாக்குறை முழுமையாக நீக்கப்படும். சட்டம்- ஒழுங்கை பொருத்தவரை தமிழ்நாட்டில் சட்டத்தின் ஆட்சி நடைமுறைப்படுத்தப்படுகிறது. பொதுமக்களுக்கு காவல்துறை நண்பனாகவும், சமூக விரோதிகளுக்கு சிம்ம சொப்பனமாகவும் விளங்குகிறது.
போலீசார் தற்போது சுதந்திரமாக செயல்படுகிறார்கள். கொலை, கொள்ளை, கடத்தல், கட்டப்பஞ்சாயத்தில் ஈடுபடுபவர்கள் மீது கடும் நடவடிக்கை எடுக்கப்பட்டு வருகிறது" என்றார்.
-
விகடன் செய்திகள்

நடந்தா சந்தோஷம்.

அறிக்கை படித்தே, அவதூறு வழக்கு தொடர்ந்தே அஞ்சு வருஷம் போயிடும்....

யினியவன் wrote:நடந்தா சந்தோஷம்.

அறிக்கை படித்தே, அவதூறு வழக்கு தொடர்ந்தே அஞ்சு வருஷம் போயிடும்....

டிசம்பருக்குள்மின் பற்றாக்குறை முற்றிலும் நீங்கும்: ஜெயலலிதா

அரசியல்வாதிகள் வீட்டில் மட்டுமா ?

பூவன் wrote:

டிசம்பருக்குள்மின் பற்றாக்குறை முற்றிலும் நீங்கும்: ஜெயலலிதா

அரசியல்வாதிகள் வீட்டில் மட்டுமா ?

அவங்களுக்கு என்னிக்கு எதுல பற்றாக்குறை இருந்தது?????

அவங்களுக்கு என்னிக்கு எதுல பற்றாக்குறை இருந்தது?????

வாக்குறுதிகளில் வார்த்தைகளுக்கு பற்றகுறையாம் ,

சென்னை : இந்த ஆண்டு இறுதிக்குள் மின் பற்றாக்குறை முழுமையாக நீங்கும் என்று முதலமைச்சர் ஜெயலலிதா தெரிவித்துள்ளார்.

நடந்தால் நல்லது..

இப்போ இப்படி சொல்லுவாங்க , அப்புறம் பாராளுமன்ற தேர்தல் முடிந்தவுடன் மின்தட்டுபாடு தவிர்க்க இயலாது என்று சொல்லுவாங்க.

செம காமெடி............ வாங்க எல்லோரும் சட்டசபைக்கு வெளியே போய் சிரிக்கலாம்