அழாதீங்க.. அழகு குறைந்துவிடும்!

**சிவா** · **சிவா** Wed Jun 05, 2013 9:03 am

மரணம், துக்கம் போன்றவற்றில் பெண்களின் பாரம்பரிய அழுகை, இந்தியாவில் குறைந்து விட்டது. அழுகை, மன அழுத்தத்தை நீக்கும் என்பது, உளவியல் கருத்தாக இருந்தது. ஆனால் இஸ்ரேலில் நடந்த, சமீபத்திய ஆய்வில் பெண்கள் அழுவதால், அவர்களின் அழகு குறையும் என கண்டறியப்பட்டுள்ளது. அழுவது என்பது பெண்களிடம் உள்ள அச்சத் தையும், தன்னம்பிக்கையையும் காட்டுகிறது என அந்த ஆய்வு கூறுகிறது. கண்ணீர் வடிக்கும் பெண்களை, ஆண்கள் விரும்புவது இல்லை என்றும் அந்த ஆய்வில் தெரிய வந்துள்ளது.

அழும் பெண்கள், ஆண்களுக்கு அச்ச மனப்பான்மையையே ஏற்படுத்துகின்றனர். அழுகை குறித்த எண்ணங்கள் நாட்டுக்கு, நாடு மாறுபடுகின்றன. இங்கிலாந்து மக்கள் பொது இடத்தில் அழுகையை வெளிப்படுத்த தயங்குவர். அக்காலத்தில் இங்கிலாந்து சென்று படித்த இந்தியர்கள் இதே நடைமுறையைப் பின்பற்றியதால், காலப்போக்கில் இந்தியாவிலும் அழுகை என்பது நாகரிக குறைவான செயலாக கருதப்படும் நிலை வந்தது.