குடிப்பதென்னவோ அவன்தான்

**M.M.SENTHIL** · **M.M.SENTHIL** Sun Sep 15, 2013 9:43 pm

குடிப்பதென்னவோ அவன்தான்

வெள்ளைக் கவரில்
ரப்பர் சுற்றி பத்திரமாய்
கொண்டு சென்றேன்
இந்த மாத சம்பளத்தை !!

வாடகைக்கு ரண்டாயிரம்
கரண்ட் பில்லுக்கு முன்னூறு
அதுக்கு அவ்ளோ,
இதுக்கு இவ்ளோ
கணக்கை முடித்துவிட்டு,
தணிக்கை அதிகாரி போல்
என்னருகில் வந்தாள் என்னருமை மனைவி !!

என்னங்க இது சம்பளத்துல
ரண்டாயிரம் குறையுதே,
உன் தங்கச்சிக்கு இந்த மாசமும்
சீதனம் கொடுத்தியா - பணம்
குறைந்தது போலவே
மரியாதையும் !!

காலணாவுக்கு கடலை
வாங்க வக்கில்லாதவளுக்கு
எட்டணாவுக்கு வெங்காயம்
வேணுமாம் வெங்காயம் !!

ஒரு காதில் வாங்கி
மறு காதில் விட
நான் பழகவில்லை - மாறாக
இரு காதிலுமே வாங்கமாட்டேன் !!

ஒவ்வொரு மாதமும்
அர்ச்சனை எனக்குண்டு !!
இது எனக்கு மட்டுமில்லை
தங்கையின் புருஷன்
குடிகாரனாய் அமைந்த
அனைத்து அண்ணனுக்குமே !!

குடிப்பதென்னவோ தங்கையின்
கணவன் என்றாலும் - கஷ்டம்
என்னவோ தங்கையின்
அண்ணனுக்குத்தான் !!

அய்யா குடிகார கணவன்மார்களே
உங்களுக்கும் ஒரு தங்கை
இருப்பின் நீங்களும் ???

யினியவன் · யினியவன் Sun Sep 15, 2013 9:46 pm

நல்ல கேள்வி செந்தில்

குடி குடி கெடுக்கும் - உற்றம் சுற்றம்

அசுரன் · அசுரன் Sun Sep 15, 2013 9:52 pm

கரண்ட் பில்லுக்கு முன்னூறு ----------------------------------

ஒரே ஒரு 0 வாட்ஸ் மட்டும் பயன்படுத்துறாங்களோ என்னவோ? புன்னகை

ஹா ஹா

என்னருகில் வந்தால்(ள்) என்னருமை மனைவி !!

சிறு பிழைதான் கவனத்தில் கொள்ளவும் நண்பரே!

குடிகாரனுக்கு வாழ்க்கை பட்டால் வாழ்நாள் முழுவதும் துன்பமே. கவிதை அருமை

இந்த பதிவைத் துவங்கியவர் நன்றி கூறியுள்ளார் அசுரன்

**M.M.SENTHIL** · **M.M.SENTHIL** Sun Sep 15, 2013 10:00 pm

அசுரன் wrote:
கரண்ட் பில்லுக்கு முன்னூறு ----------------------------------
ஒரே ஒரு 0 வாட்ஸ் மட்டும் பயன்படுத்துறாங்களோ என்னவோ? ஹா ஹா

ஒரே ஒரு 0 வாட்ஸ்க்கே முன்னூறு ரூபாயா? பெரிய ஆளுதான் சார் நீங்க!