அ.தி.மு.க., வேட்பாளர் விரட்டியடிப்பு ; மக்கள் ஆவேசத்தால் பரபரப்பு

தஞ்சாவூர்: "தஞ்சையில், பழைய மாரியம்மன் கோவில் ரோடு பகுதியில், 15 வருடமாக மண் ரோடு தான் உள்ளது. தார் ரோடு போடவில்லை. அடிப்படை வசதி ஏதுமில்லை; ஓட்டு கேட்க தேர்தலுக்கு மட்டும் தான் மக்களை தேடி வருவீர்களா? அடிப்படை வசதி ஏதும் செய்து தராத அ.தி.மு.க.,வுக்கு நாங்கள் ஓட்டு போட மாட்டோம்; இனிமேல் இப்பக்கமே வராதீர்கள் ' எனக்கூறி, தஞ்சையில், மயிலாடுதுறை அ.தி.மு.க., வேட்பாளரை மக்கள் முற்றுகையிட்டு, விரட்டியடித்தனர். இதனால், பிரச்சாரத்தில் பரபரப்பு ஏற்பட்டது.

தஞ்சாவூர் லோக்சபாவுக்கும், மயிலாடுதுறை லோக்சபாவுக்கு இடையில் எல்லையில் ஆலங்குடி பஞ்.,க்கு உள்பட்ட அருள்மொழிப்பேட்டை பகுதி அமைந்துள்ளது. இப்பகுதி ரோடு வழியாக தான், தஞ்சை நகரத்துக்குள் முன்பு முன்பு நுழைய முடியும். அதனால், இந்த ரோட்டை பழைய மாரியம்மன் கோவில் ரோடு என, அழைத்து வந்தனர். இங்கு, ஏழை, எளியோர் ஏழாயிரம் பேர் வசிக்கின்றனர். மயிலாடுதுறை லோக்சபாவுக்கும், பாபநாசம் சட்டசபை தொகுதிக்கும் கீழ் இப்பகுதி உள்ளது. மயிலாடுதுறை சிட்டிங் அ.தி.மு.க., எம்.பி.,யாக ஓ.எஸ்., மணியனும், சிட்டிங் அ.தி.மு.க., எம்.எல்.ஏ.,வாக துரைக்கண்ணுவும் உள்ளனர்.

"இப்பக்கம்வர வேண்டாம்': இந்நிலையில், மயிலாடுதுறை அ.தி.மு.க., வேட்பாளர் பாரதிமோகன், எம்.எல்.ஏ.,க்கள் ரங்கசாமி, துரைக்கண்ணு ஆகியோர் பழைய மாரியம்மன்கோவில் ரோட்டிலுள்ள அருள்மொழிப்பேட்டையில் இன்று திறந்த வேனில் சென்று வாக்கு சேகரித்தனர். அப்பகுதியை சேர்ந்த சேதுராமன் மற்றும் பெண்கள் அ.தி.மு.க., வேட்பாளர் பாரதிமோகனை திடீரென முற்றுகையிட்டனர். அப்போது, மக்கள் கூறுகையில், ""மயிலாடுதுறை லோக்சபா தொகுதியில் அ.தி.மு.க., சிட்டிங் எம்.பி., ஓ.எஸ்., மணியனும், எம்.எல்.ஏ., துரைக்கண்ணுவும் உள்ளனர். ஆலங்குடி அ.தி.மு.க., பஞ்., தலைவராக மோகன் உள்ளார். இவ்வாறு, எம்.பி., எம்.எல்.ஏ., மற்றும் உள்ளாட்சி அமைப்பான பஞ்.,யிலும் அ.தி.மு.க.,வுக்கு கடந்த தேர்தலில் வாக்களித்து வெற்றி பெற செய்தோம். ஆனால், கடந்த 15 ஆண்டாக மண் ரோடு தான் உள்ளது. மழைக்காலத்தில் சகதியாகி விடும். குடிநீர், சாக்கடை வசதி, மருத்துவமனை வசதி என, அடிப்படை வசதி எதுவுமே இல்லை. தேர்தல் வந்தால் மட்டும், மக்களை தேடி ஓட்டு கேட்க வருவீர்களா? அடிப்படை வசதி செய்து தராத அ.தி.மு.க.,வுக்கு ஓட்டு போட மாட்டோம். இனிமேல் இப்பக்கம் வந்து விடாதீர்கள்'' என ஆவேசமாக கூறினர்.

தொடர்ந்து, சரமாரியாக கேள்விகள் கேட்டு, வேட்பாளரை மக்கள் முற்றுகையிட்டு, விரட்டியடித்தனர். இதனால், அதிர்ச்சியடைந்த வேட்பாளர், ரோடு போட நிதி எல்லாம் வந்துவிடும். தேர்தலால் பணி நிற்கிறது. தேர்தல் முடிந்தவுடன் அனைத்து பணிகளும் நிறைவேற்றப்படும்' எனக்கூறிவிட்டு, வேனில் ஏறி, அங்கிருந்து ஓட்டம் பிடித்தார். முன்னதாக, வேட்பாளர் ஆதரவாளர்கள், அ.தி.மு.க.,வினர் 200க்கும் மேற்பட்ட டூவீலர்களில் வேட்பாளர் வாகனத்தை பின்தொடர்ந்து, வலம் வந்தனர். இதனால், கிராமப்பகுதிகளில் புழுதி மண் படர்ந்தது.

தினமலர்

அடடா நம்ம மக்கள் இப்ப கேள்வி எல்லாம் கேக்க ஆரம்பிச்சுட்டாங்களெ.

இன்னும் எத்தனை காலத்துக்குதான் ஏமாந்துகிட்டெ இருப்பாங்க

ஜாஹீதாபானு wrote:

உதயசுதா wrote:மிகவும் நல்ல பதிவு சிவா.

லிங்க திருமேனி எதனால் என்று அறியாதவர்கள் அறிந்து கொள்ள உதவியாக இருக்கும்

சுதா மதியம் சாப்பிட்டிங்களா? பதிவை மாத்தி ப்போடுறிங்க

சாப்பிட்டேன்ப்பா. டைப் அடிச்சு அதை திரும்ப இங்க பேஸ்ட் பண்ணும்போது வந்த தவறு இது.