மற்றவர்களை கட்டுப்படுத்த முடியாது; சகோதரர் விஷயத்தில் மன்மோகன் விளக்கம்

புதுடில்லி: எனது சகோதரர் பா.ஜ.,வில் இணைந்தது எனக்கு மிகவும் வருத்தம் அளிக்கிறது. ஆனால், மற்றவர்களை நான் கட்டுப்படுத்த முடியாது,' என்று பிரதமர் மன்மோகன்சிங் கூறி உள்ளார். பிரதமர் மன்மோகன் சிங்கின் சகோதரர் தல்ஜீத் சிங் கோலி, நேற்று மோடி முன்னிலையில் பா.ஜ., கட்சியில் இணைந்தார். இது குறித்து, செய்தியாளர்களிடம் அவர் பேசுகையில், 'எனது சகோதரர் மன்மோகன்சிங் சிறந்த நிர்வாகி, ஆனால், அவரால் எந்த வளர்ச்சி பணிகளையும் செய்ய முடியவில்லை. அவர் திறம்பட செயல்பட அவரின் கட்சி அவருக்கு ஒத்துழைக்கவில்லை,' என்று கூறினார்.

பெரும் அதிர்ச்சி:

யாரும் எதிர்பாராத வகையில், மன்மோகன்சிங்கின் சகோதரர், பா.ஜ.,வில் இணைந்தது பிரதமர் குடும்பத்தினருக்கு மட்டுமல்லாமல், காங்கிரஸ் கட்சியினருக்கும் பெரும் அதிர்ச்சியை ஏற்படுத்தி உள்ளது.

தோல்வி முகம்: இந்த லோக்சபா தேர்தலில் காங்கிரஸ் கட்சி எப்படியாவது வெற்றி பெற வேண்டும் என்று முயற்சி செய்து வருகிறது. பல்வேறு மாநிலங்களில், அதன் கூட்டணி கட்சிகள் இம்முறை கழற்றிவிட்டுவிட்ட நிலையில், வெற்றிக்கு பெரும் போராட்டத்தையே நடத்தி வருகிறது. ஒருபுறம் மோடி அலை, மறுபுறம் ஊழல் குற்றச்சாட்டு என்ற நிலையில், தேர்தல் களத்தில் மதச்சார்பின்மை என்ற ஒன்றே ஒன்றை கையில் எடுத்துக் கொண்டு சோனியா, ராகுல், பிரியங்கா உள்ளிட்டோர் வலம் வந்து கொண்டிருக்கின்றனர். நாளுக்கு நாள் பா.ஜ., மற்றும் மோடியின் செல்வாக்கு அதிகரித்து வருவதால், காங்கிரஸ் மேலிடம் கலக்கம் அடைந்துள்ளது. மூன்றாவது அணியுடன் சேர்ந்தாவது, பா.ஜ., ஆட்சியில் அமர்வதை தடுக்க வேண்டும் என திட்டம் தீட்டி வருகிறது.

அடிமேல் அடி:

இந்நிலையில், நம்பிக்கைக்குரிய பிரதமரின் சகோதரரே பா.ஜ.,வில் இணைந்திருப்பது, பெரும் அதிர்ச்சியை காங்கிரசுக்கு ஏற்படுத்தி உள்ளது. மன்மோகன்சிங்கின் சகோதரர் பா,ஜ.,வில் இணைந்தது, பிரதமரின் குடும்பத்தினருக்கு பெரும் கவலையை ஏற்படுத்தி உள்ளது. பிரதமரின் உறவினர் ஒருவர் கூறுகையில், 'இது எங்களுக்கு மிகவும் வருத்தம் அளிக்கிறது. தல்ஜீத் சிங் கோலிக்கும், பா.ஜ.,விற்கும் இடையே ஒரு 'டீல்' இருக்கிறது,' என்றார். மேலும் சில உறவினர்கள் கூறுகையில், 'நாங்கள் இப்போதும் பிரதமரின் பக்கம் தான் உள்ளோம். மன்மோகன்சிங் ஒரு நேர்மையான மனிதர். இந்தியாவின் வளர்ச்சிக்காக அவர் பாடுபட்டார். அது எங்களுக்கு பெருமையாக உள்ளது,' என்றனர்.

இருப்பினும், தனது சகோதரர் பா,.ஜ.,வில் இணைந்தது குறித்து எந்த கருத்தையும் வெளியிடாமல் வழக்கம் போல், பிரதமர் மன்மோகன்சிங் மவுனமாகவே இருந்தார். இந்நிலையில், மீடியாக்கள் இப்பிரச்னையை பெரிதுபடுத்தவே, வேறு வழியில்லாமல் அவர் வாய் திறக்க வேண்டியதாகிவிட்டது. சகோதரர் பா.ஜ.,வில் இணைந்தது குறித்து விளக்கம் அளித்துள்ள அவர், 'எனது சகோதரரின் செயல் எனக்கு மிகுந்த கவலையை அளித்துள்ளது. ஆனால், மற்றவர்களின் செயல்பாட்டை என்னால் கட்டுப்படுத்த முடியாது' என்று கூறினார்.

மன்மோகன் சிங் சகோதரர் தல்ஜீத் சிங் பாஜகவில் சேர்ந்தார்


இந்திய பிரதமர் மன்மோகன் சிங் சகோதரர் தல்ஜீத் சிங் கோலி நேற்று பாஜக சேர்ந்தார். இதற்கு மன்மோகன் சிங் குடும்பத்தினர் தங்களது அதிருப்தியை வெளியிட்டுள்ளனர்.

இது குறித்து தல்ஜீத் சிங்கின் குடும்பத்தினர் கூறுகையில், தல்ஜீத் சிங்கின் முடிவு எங்களுக்கு வருத்தம் அளிக்கிறது. ஆனால் அது அவருடைய தேர்வு. இந்தியாவை சிறந்த முறையில் உருவாக்க மன்மோகன் சிங் மிகவும் நேர்மையாகப் பணியாற்றினார். அவரின் செயல்பாடுகள் என்களுக்கு பெருமிதத்தை தந்துள்ளது. அவர் எங்களுக்கு பெருமையைத் தேடித் தந்தவர் என்று கூறினர்.
 
மேலும், மன்மோகன் சிங்கின் சகோதரர் மந்தீப் சிங் கூறியபோது, தல்ஜீத் சிங்கின் முடிவு அதிர்ச்சி அளிக்கிறது. நாங்கள் இப்போதும் மன்மோகன் சிங்குக்கு எங்கள் ஆதரவைத் தருகிறோம். எனக்கும் கூட பாஜகவில் இருந்து சேருமாறு அழைப்பு வந்தது என்றார்.
 
இது குறித்து கருத்து தெரிவித்த பிரதமர் அலுவலகம், கோலிக்கு தனது அரசியல் பாதை குறித்து தேர்ந்தெடுக்க முழு உரிமையும் உள்ளது. அவர் தன்னுடைய தனிப்பட்ட அரசியல் பாதையைத் தேர்ந்தெடுத்துள்ளார். பிரதமர் குடும்பம் இந்த நடவடிக்கையை ஆச்சரியத்துடன் பார்க்கிறது. இதற்கான காரணம் என்ன என்பது அவருக்கே தெரியும் என்று கூறியுள்ளது.

இக்கு தமிழகத்திலும் இப்படியெல்லாம் இருக்கிறார்கள். அரசியல் என்பது அவரவர் தனிப்பட்ட விருப்பம். குமரிஅன்ந்தன் காங்கிலும் அவர் மகள் பா.ஜ.கவிலும் இல்லையா

சகோதரர் பா.ஜ.,வில் இணைந்தது குறித்து விளக்கம் அளித்துள்ள அவர், 'எனது சகோதரரின் செயல் எனக்கு மிகுந்த கவலையை அளித்துள்ளது. ஆனால், மற்றவர்களின் செயல்பாட்டை என்னால் கட்டுப்படுத்த முடியாது' என்று கூறினார்.

மற்றவர்களின் செயல்பாட்டை கட்டுபடுத்துறது இருக்கட்டும் , முதலில் உங்களை நீங்களே கட்டுபடுத்த முடியுதான்னு பாருங்க பிரதமரே, உங்களையே யாரோ ரிமோட் மூலம் கட்டுபடுத்துவதாக ஊடகங்கள் தெரிவிக்கின்றன