சீன 'சாக்லெட்' விஷமானதா?????

**krishnaamma** · **krishnaamma** Wed Sep 10, 2014 9:27 am

சிவகங்கை : சிவகங்கை அருகே வெளிநாட்டு 'சாக்லெட்' சாப்பிட்ட அரசுப்பள்ளி குழந்தைகளுக்கு வாந்தி ஏற்பட்டு மருத்துவமனையில் சேர்க்கப்பட்டனர். காளையார்கோவில் அருகே காஞ்சிபட்டி அரசு துவக்கப்பள்ளியில் 37 பேர் படிக்கின்றனர். இதே பள்ளியில் ஒன்றாம் வகுப்பு படிக்கும் காஞ்சிப்பட்டி அந்தோணி மகன் டிசோ, 5, நேற்று காலை பள்ளிக்கு வந்தபோது சக மாணவர்களுக்கு 'சாக்லெட்' கொடுத்தார்.

சிறிது நேரத்தில் கோகுல்கண்ணன், 8, ஜெயஸ்ரீ, 10, சதீஷ், 8, பவுன்சியா, 8, யோகா, 7, உட்பட 16 குழந்தைகள் வாந்தி எடுத்தனர்; சிலர் வயிற்று வலியால் துடித்தனர்.தலைமை ஆசிரியை சவரியம்மாள், ஆம்புலன்சுக்கு தகவல் தெரிவித்தார். ஆனால் 30 நிமிடமாகியும் வராததால், கிராமத்தினரின் டூவீலர்களில் காளையார்கோவில் ஆரம்ப சுகாதார நிலையத்திற்கு அழைத்துச் சென்றனர். அங்கிருந்து '108' ஆம்புலன்சில் சிவகங்கை அரசு மருத்துவக்கல்லூரியில் சேர்த்தனர். பரிசோதனையில், 'சாக்லெட்' விஷத்தன்மை கொண்டதாக மாறியிருக்கலாம் என தெரிந்தது. கலெக்டர் ராஜாராமன், டீன் கார்த்திகேயன் ஆகியோர் குழந்தைகளிடம் நலம் விசாரித்தனர்.

இதுகுறித்து போலீசார் கூறுகையில், 'சாக்லெட்' கொடுத்த டிசோவின் மாமா சீனாவில் உள்ளார். அவர் அனுப்பிய 'சாக்லெட்டை' (ஒயிட் ராபிட்) சாப்பிட்டதால் வாந்தி ஏற்பட்டுள்ளது. 'சாக்லெட்' பாக்கெட்டில் காலாவதி தேதி இல்லை. அது, காலாவதியாகி விஷமாக மாறி குழந்தைகள் பாதிக்கப்பட்டிருக்கலாம்' என்றனர்.

பள்ளி நிர்வாகத்தினர் கூறுகையில், 'வகுப்பறையில் 'சாக்லெட்' வழங்கவில்லை. பள்ளி துவங்கும் முன் கொடுத்துள்ளனர்' என்றனர்.

நன்றி : தினமலர்