ரஜினிக்கு மத்திய அரசு விருது

**ayyasamy ram** · **ayyasamy ram** Wed Nov 12, 2014 6:26 am

-

இந்த ஆண்டின் சிறந்த திரையுலகப் பிரமுகருக்கான மத்திய அரசின் விருது ரஜினிகாந்துக்கு அறிவிக்கப்பட்டுள்ளது. கோவாவில் நடக்கும் இந்திய சர்வதேச திரைப்படவிழாவில் இந்த விருது வழங்கப்படுகிறது.

இந்த விழா வரும் நவம்பர் 20ம் தேதி தொடங்கி 30ம் தேதி 11 நாட்கள் நடைபெறுகிறது. 20 ம் தேதி தொடக்க விழாவில் நடிகர் ரஜினிகாந்த்துக்கு இந்த விருது வழங்கப்படுகிறது.

தொடக்க விழாவில் அமிதாப்பச்சன் தலைமை விருந்தினராக கலந்து கொள்கிறார். மேலும் இந்தியா முழுவதிலும் இருந்து நடிகர்கள் மற்றும் நடிகைகள், இயக்குனர்கள் மற்றும் திரையுலகப்பிரமுகர்கள் மற்றும் அரசியல் தலைவர்கள், முக்கியப்பிரமுகர்கள் கலந்து கொள்கின்றனர்.