மின் கட்டணம் செலுத்தப்போவதில்லை--ஈ.வி .கே .எஸ் .இளங்கோவன்

**T.N.Balasubramanian** · **T.N.Balasubramanian** Wed 17 Dec 2014 - 23:32

மின் கட்டணம் செலுத்தப்போவதில்லை--ஈ.வி .கே .எஸ் .இளங்கோவன்
மின் கட்டண உயர்வை திரும்பப் பெறாவிட்டால், மின் கட்டணம் செலுத்தப்போவதில்லை என்று தமிழக காங்கிரஸ் கட்சித் தலைவர் ஈ.வி.கே.எஸ். இளங்கோவன் தெரிவித்தார். சென்னை மாவட்ட ஆட்சியர் அலுவலகம் அருகே மின் கட்டண உயர்வை திரும்பப் பெறக்கோரி காங்கிரஸ் கட்சியின் சார்பில் இன்று ஆர்ப்பாட்டம் நடைபெற்றது. இதில் கலந்து கொண்டு இளங்கோவன் பேசியதாவது: மின் கட்டண உயர்வால் நடுத்தர மக்கள் கடுமையாக பாதிக்கப்பட்டுள்ளனர். தொழில் நிறுவனங்கள் கடுமையாக பாதிக்கப்பட்டுள்ளன. தனியாரிடம் இருந்து மின்சாரம் கொள்முதல் செய்வதில் பெரும் முறைகேடு நடக்கிறது. தமிழகத்தில் மின்சார வினியோகம் சரியில்லை. கிராமங்களில் இருளில் மூழ்கியுள்ளன. கொடுக்கப்படும் மின்சாரத்திற்கும் கட்டணத்தை உயர்த்தியுள்ளது தமிழக அரசு. இது எந்த வகையிலும் நியாயமற்ற செயலாகும். உடனடியாக மின் கட்டண உயர்வை ரத்து செய்ய மின்துறை அமைச்சரும், முதல்வரும் நடவடிக்கை எடுக்க வேண்டும். இல்லாவிட்டால் தமிழகம் முழுகுவதும் மின் கட்டணத்தை கட்டாமல் புறக்கணிக்கும் போராட்டத்தை காங்கிரஸ் செய்ய வேண்டிவரும். இவ்வாறு அவர் பேசினார். மின்கட்டண உயர்வை கண்டித்து அனைத்து மாவட்டங்களிலும் இன்று காங்கிரஸ் கட்சி போராட்டங்களை நடத்தியது.

நன்றி: tamil.oneindia.

ரமணியன்

**T.N.Balasubramanian** · **T.N.Balasubramanian** Wed 17 Dec 2014 - 23:50

சில சமயம் சில தலைவர்கள் உணர்ச்சி வசப்பட்டு பேசும் போது சிரிப்பு வருகிறது .

1. மின்கட்டணம் கட்டவில்லை என்றால் , மின் இணைப்பு துண்டிக்க ஆயிரம் வழி இருக்கிறது .மின்ஊழியர்
சுலபமாக செய்து விட்டுப் போய் விடுவார்கள் .
2. பால் விலை ஏறினதே . பால் வாங்குவேன் . அதிக காசு தரமாட்டேன் என்றாரா இவர் .?
(வீட்டில் , மாடு இருக்கலாம் ,அதெல்லாம் வேறு விஷயம் ).

நானும் மின் கட்டண உயர்வை வரவேற்க வில்லை . ஆனாலும் இவர் போல் ஸ்டண்ட் அடிக்க முடியாது .
காங்கிரஸ் ஆட்சியில் பெட்ரோல் விலை உயர்த்திக்கொண்டே போனார்களே . இவர் சும்மாதானே இருந்தார் .விலை உயர்த்துவது என்பது , அடிப்படை காரணங்கள் பலதால் ஏற்படுகின்றது. எதிர்ப்பை தெரிவிக்கும் போது ,கூறுகின்ற காரணங்கள் ஒத்துக்கொள்ளக்கூடியதாக இருக்கவேண்டும் .
அண்டை மாநிலங்களில் , மின் கட்டணங்கள் என்ன என்று தெரியுமா ?
இலவச மின்சாரம் கொடுக்காத குஜராத் மாநிலத்தில் கூட , மின் கட்டணங்கள் அதிகம் . கொடுத்த அனுபவம் எனக்குண்டு .
மின்சார சேமிப்பு வழிகள் பல உண்டு .நம் அரசியல்வாதிகளுக்கு , மின்சார விஷயமாக , அறிவுரை /ஆலோசனைகள் கூற வல்லுனர்கள் இல்லை .
மக்களிடம் கேட்டாலே , ஆயிரம் ஆயிரம் டிப்ஸ் கிடைக்கும் .
ரமணியன்

மின் கட்டணம் செலுத்தப்போவதில்லை--ஈ.வி .கே .எஸ் .இளங்கோவன்

மின் கட்டணம் செலுத்தப்போவதில்லை--ஈ.வி .கே .எஸ் .இளங்கோவன்

Re: மின் கட்டணம் செலுத்தப்போவதில்லை--ஈ.வி .கே .எஸ் .இளங்கோவன்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக