அமைச்சர் நக்விக்கு ஓராண்டு சிறை: தடையுத்தரவை மீறிய வழக்கில் அதிரடி

kshanmuganathan · kshanmuganathan Thu Jan 15, 2015 5:45 am

ராம்பூர்: கடந்த, 2009ல், லோக்சபா தேர்தலின்போது, தடை உத்தரவை மீறிய வழக்கில், மத்திய அமைச்சர் முக்தர் அப்பாஸ் நக்விக்கு, ஓராண்டு சிறைத் தண்டனை விதித்து, உ.பி., கோர்ட் உத்தரவிட்டது. தண்டனை காலம், ஓராண்டு என்பதால், நக்வியின் எம்.பி., பதவி பறிபோகாது.பா.ஜ., துணை தலைவர் முக்தர் அப்பாஸ் நக்வி. ராஜ்யசபா எம்.பி.,யான இவர், தற்போது, மத்திய சிறுபான்மை விவகார துறை இணை அமைச்சராக பதவி வகிக்கிறார். கடந்த, 2009 லோக்சபா தேர்தலின்போது, உ.பி., மாநிலம் ராம்பூரில், இரு தரப்பினருக்கு இடையே பதற்றமான சூழல் நிலவியது.இதையடுத்து, அந்த பகுதியில் தடை உத்தரவு பிறப்பிக்கப்பட்டிருந்தது. அப்போது, அங்கு வந்த நக்வி, தடையை மீறி, கட்சி நிர்வாகிகளுடன் ஊர்வலம் செல்ல முயற்சித்தார். இதையடுத்து, அவர் மீது, தடை உத்தரவை மீறியதாகவும், தேர்தல் நடத்தை விதிமுறைகளை மீறியதாகவும் வழக்கு பதிவு செய்யப்பட்டது. இந்த வழக்கின் விசாரணை, ராம்பூர் நகர கோர்ட்டில் நடந்தது. வழக்கை விசாரித்த மாஜிஸ்திரேட் மணிஷ் குமார், நக்வி உட்பட, 20 பேருக்கு, ஓராண்டு சிறைத் தண்டனை விதித்து, நேற்று தீர்ப்பளித்தார். ஆனாலும், தீர்ப்பு வழங்கப்பட்டதுமே, அவருக்கு ஜாமின் வழங்கப்பட்டது. இதனால், அவர் கைது செய்யப்படவில்லை. இரண்டு ஆண்டுகளுக்கு மேல், சிறைத் தண்டனை விதிக்கப்பட்டால் தான், மக்கள் பிரதிநிதிகளின் பதவி பறிபோகும். ஆனால், நக்விக்கு, ஒரு ஆண்டு மட்டுமே சிறைத் தண்டனை விதிக்கப்பட்டுள்ளதால், அவரின் எம்.பி., பதவிக்கு எந்த ஆபத்தும் ஏற்படாது.

**Dr.S.Soundarapandian** · **Dr.S.Soundarapandian** Thu Jan 15, 2015 2:18 pm

பாடம் தரும் செய்தி !

**ayyasamy ram** · **ayyasamy ram** Thu Jan 15, 2015 3:47 pm

பதவி விலக காங்கிரஸ் கோரிக்கை

காங்கிரஸ் மூத்த தலைவர் மணீஷ் திவாரி டெல்லியில் நிருபர்களிடம் நேற்று கூறியதாவது:

ஓராண்டு சிறை தண்டனை விதிக்கப்பட்ட முக்தர் அப்பாஸ் நக்வி தார்மிக பொறுப்பேற்று பதவி விலக வேண்டும். மேல்முறையீட்டில் அவர் விடுதலை செய்யப்பட்டால் மீண்டும் அமைச்சரவையில் இணையலாம் என்று தெரிவித்தார்.

Sponsored content · Sponsored content

அமைச்சர் நக்விக்கு ஓராண்டு சிறை: தடையுத்தரவை மீறிய வழக்கில் அதிரடி

அமைச்சர் நக்விக்கு ஓராண்டு சிறை: தடையுத்தரவை மீறிய வழக்கில் அதிரடி

Re: அமைச்சர் நக்விக்கு ஓராண்டு சிறை: தடையுத்தரவை மீறிய வழக்கில் அதிரடி

Re: அமைச்சர் நக்விக்கு ஓராண்டு சிறை: தடையுத்தரவை மீறிய வழக்கில் அதிரடி

Re: அமைச்சர் நக்விக்கு ஓராண்டு சிறை: தடையுத்தரவை மீறிய வழக்கில் அதிரடி

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக