நம்பிக்கை கடவுளை விடவும் மேலானது- பரமஹம்ச யோகானந்தர்

-
சிறு வயதிலேயே முகுந்தனுக்கு கடவுள் மீது
அபார நம்பிக்கை. கோவில் ஆச்சிரமம் சந்நியாசி
என்று தேடித்தேடிப் போவதில் அவனுக்கு அலாதி
பிரியம்.

முகுந்தன் ஆக்ராவில் இருந்த தன அண்ணனைக்
காணச் சென்றபோது அவருடைய
கோபச் சொற்கள் அவன் மேல் பாய்ந்தன.
–
“முகுந்தா நீ இப்படி கோயில் என்றும் சாமியார்
என்றும் சுற்றிக்கொண்டிருந்தால் அப்பாவின் சொத்தில்
ஒரு காசுகூட வராமல் போய்விடப்போகிறது பார்’
–
“எனக்கு வேண்டியதைக் கடவுள் கொடுப்பார்”
என்றான் முகுந்தன்.

”சரி உனக்கும் எனக்கும் ஒரு பந்தயம் இங்கிருந்து
மதுரா போவதற்கு உனக்கும் உன் சிநேகிதன்
ஜிதேந்திராவுக்கும் இரயில் டிக்கெட் எடுத்துத் தருகிறேன்.
செலவுக்கு ஒரு பைசாகூட கொடுக்கப்போவதில்லை
மதுராவில் நீ வயிறாரச் சாப்பிட வேண்டும்.
கிருஷ்ணனை தரிசித்து விட்டு பிருந்தாவனம்
முழுவதையும் சுற்றிப்பார்த்து விட்டு வரவேண்டும்.
யாரையும் பணம் கேட்கக்கூடாது. திருடக்கூடாது
நீ ஜெயித்து விட்டால் கடவுள் இருப்பதை ஏற்று
நானே உனக்குச் சீடனாகி விடுகிறேன்.”
–
குகுந்தன் சவாலை ஏற்றுக்கொண்டான்
ஜிதேந்திராவுடன் புறப்பட்டான். மதுராவிற்கு முந்தைய
ஸ்டேஷனில் நடுத்தர வயதுடைய இருவர் ரயிலில்
ஏறி இவர்கள் எதிரில் அமந்தார்கள். மதிராவில் ரயில்
நின்றது

முகுந்தனும் ஜிதேந்திராவும் இறங்கினார்கள். இரயிலில்
உடன் வந்த இருவரும் முகுந்தனையும்
ஜிதேந்திராவையும் ஒரு குதிரை வண்டியில் தங்களுடன்
அழைத்துப் போனார்கள்,வண்டி ஓர் ஆசிரமத்தை
அடைந்தது. அங்கிருந்த ஒரு பெண்மணியின் முன்னால்
இருவரையும் கொண்டுபோய் நிறுத்தினார்கள்.

“கௌரியம்மா சொன்னபடி இலவரசியால் வர
முடியவில்லையாம் செய்தி வந்தது ஆனால் சமைத்த
விருந்து வீணாகி விடக்கூடாது என்று இரண்டு கிருஷ்ண
பக்தர்களை அழைத்து வந்திருக்கிறோம்”
–
அந்தப் பெண்மணி முகுந்தனையும் ஜிதேந்திராவையும்
உணவருந்தும் கூடத்துக்கு அழைத்துப் போய் உட்கார
வைத்தாள்
–
முப்பது வகையான உணவுப் பண்டங்களை பறிமாறினாள்
இருவரும் உணவருந்தி ஆசிரமத்தை விட்டு
வெளியேறினார்கள். வெயில் கொளுத்தியது
இளைப்பாறுவதற்காக ஒரு மர நிழலில் நின்றார்கள்.
–
தூரத்தில் இருந்த ஓர் இளைஞன் \அவர்களைப் பார்த்து
விட்டு அருகில் ஓடிவந்தான். முகுந்தனைப் பார்த்துப்
பிரமிப்புடன் வணங்கினான். ” என் பெயர் பிரதாப் என்
கனவில் கிருஷ்ணர் வந்தார்

உங்கள் இருவருக்கும் அவரைத் தரிசனம் செய்து
வைத்து பிருந்தாவனத்தையும் சுற்றிக்காட்ட வேண்டும்
என்று உத்தரவிட்டார் தயவு செய்து மறுத்து விடாதீர்கள் ”
என்று கெஞ்சினான்.

அவனே அழைத்துப் போய் பிருந்தாவனத்தையும்
சுற்றிக் காட்டினான். அத்தனை கிருஷ்ணர்களையும்
தரிசனம் செய்து வைத்தான். இருட்டியது கேட்காமலேயே
ஆக்ரா செல்வதற்கான இரண்டு ரயில் டிக்கெட்களையும்
வாங்கிக் கொடுத்தான்.

ஜிதேந்திராவின் கண்களில் நீர் கரகரவென வழிந்தன.
ஆக்ரா வந்து சேர்ந்தார்கள். நடந்ததை அறிந்த முகுந்தனின்
அண்ணன் அனந்தன் தான் வாக்களித்தபடி முகுந்தனின்
சீடராக மாறினார்/ நம்பிக்கை கடவுளை விடவும்
மேலானது என்று நிரூபித்த அந்த முகுந்தன் தான் அகிலத்து
மக்களால் அன்பின் அவதாரம் என்று அழைப்படும்
பரமஹம்ச யோகானந்தர்
–
—————————————-
நன்றி--சின்னுஆதித்யா