ஆக்டோபஸ் பற்றிய அரிய தகவல்கள்

**ayyasamy ram** · **ayyasamy ram** Thu Oct 15, 2015 6:01 am

-

ஆக்டோபஸ் பற்றிய அரிய தகவல்கள் OlANYI0iT1akz2Y5jqtZ+Octopus-red-640

-
ஆக்டோபஸ். எட்டுக் கைகள் கொண்ட ஒரு நீர்வாழ் உயிரி என்பது நாம் அறிந்த ஒன்றே. ஆனால் அவற்றின் திறமைகளும் இயற்கை அவற்றின் உடலமைப்பில் ஏற்படுத்தியுள்ள அதிசயத் தன்மைகளும் நம்மை வியப்படையச் செய்கின்றன.

எதிரிகளிடமிருந்து தற்காத்துக்கொள்ள தன் உடலைச் சுருக்கி, சிறிய பாறை இடுக்கிலும் நுழைந்து தப்பிக்கும் ஆற்றல் கொண்டது இந்த எட்டுக்கை உயிரி. தன் அருகே வரும் எதிரியின் தன்மை மற்றும் அவற்றின் பழக்கவழக்கங்களையும் நினைவில் வைத்து செயல்படுபவை ஆக்டோபஸ்கள்.

இவற்றின் உருமறைப்புத் தன்மை நம்மை வியப்பின் உச்சிக்கே அழைத்துச் செல்கிறது. எதிரி வருவதைப் பார்த்தவுடன் தன்னைச் சுற்றியுள்ள சூழலுக்கு ஏற்றாற்போல தன் நிறத்தை மாற்றிக் கொள்ளும் தன்மை ஆக்டோபஸிடம் உண்டு.

தன்னைச் சுற்றியுள்ள சூழலின் நிறத்தை ஆக்டோபஸ் தன் தோல் மூலம் அறிகிறது. அதாவது ஆக்டோபஸால் கண்களால் மட்டுமல்ல தனது தோலாலும் பார்க்க முடியும் என்கிற வியப்பான தகவல் நம்மை வந்தடைகிறது.

கலிஃபோர்னியா பல்கலைக்கழக ஆய்வாளர்கள் நடத்திய ஆய்வில் ஆக்டோபஸின் தோலில் உள்ள புரோட்டின் அதன் கண்களில் உள்ள புரோட்டினை ஒத்தது என்றும், அது ஒளியை உணரும் ஆற்றலுடையது என்றும் கண்டறிந்திருக்கின்றனர்
-
புதிய தலைமுறை

**krishnaamma** · **krishnaamma** Thu Oct 15, 2015 9:46 am

ஆச்சர்யமான விவரங்கள் ராம் அண்ணா புன்னகை

..நன்றி !

ஆக்டோபஸ் பற்றிய அரிய தகவல்கள்

ஆக்டோபஸ் பற்றிய அரிய தகவல்கள்

Re: ஆக்டோபஸ் பற்றிய அரிய தகவல்கள்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக