வடபழனி ஃபோரம் மாலில் எஸ்பிஐ சினிமாஸின் புதிய திரையரங்கு திறப்பு

**ayyasamy ram** · **ayyasamy ram** Thu Dec 03, 2015 4:02 am

-
சென்னை வடபழனியில் உள்ள ஃபோரம் மாலில் திறக்கப்பட்டுள்ள எஸ்பிஐ சினிமாஸின் ‘பளாஸோ’ திரையரங்கின் பிரம்மாண்ட உட்புறத் தோற்றம்.

வடபழனியில் உள்ள ஃபோரம் மாலில் எஸ்பிஐ சினிமாஸின் புதிய திரையரங்கு நேற்று திறக்கப்பட்டது. மொத்தம் 9 ஸ்கீரின்களைக் கொண்ட இந்த திரையரங்கத்துக்கு ‘பளாஸோ’ என பெயரிட்டுள்ளனர்.

சென்னை, வடபழனியில் 2 ஆண்டுகளுக்கு முன்பு ஃபோரம் மால் என்ற வணிக வளாகம் திறக்கப்பட்டது. பல அடுக்குகளைக் கொண்ட இந்த மாலில், எஸ்பிஐ சினிமாஸ் நிறுவனம் பிரம்மாண்ட திரையரங்கத்தை அமைத்துள்ளது. உரிமம் கிடைப்பதில் ஏற்பட்ட தாமதத்தால் திரையரங்கை உடனடியாக திறக்கவில்லை.

இந்நிலையில், முறையான உரிமம் கிடைத்ததையடுத்து, இந்த திரையரங்கு நேற்று திறக்கப்பட்டது. மொத்தம் 9 ஸ்கீரின்கள் கொண்ட இந்த திரையரங்கில், ஐமேக்ஸ் என்ற ஒரு ஸ்கீரினில் மட்டும் டிக்கெட் விலை ரூ.360 ஆக நிர்ணயிக்கப்பட உள்ளது. அதற்கான ஒப்புதல் இன்னும் கிடைக்காததால், அந்த ஒரு ஸ்கிரீனில் மட்டும் படம் திரையிடப்படவில்லை. மற்ற 8 ஸ்கிரீன்களிலும் நேற்று பகல் காட்சி திரையிடப்பட்டது.

ஐமேக்ஸ் ஸ்கிரீனுக்கான கட்டண ஒப்புதல் கிடைத்ததும் அதிலும் படம் திரையிடப்படும் என கூறப்படுகிறது.
-
தமிழ் தி இந்து காம்

**பழ.முத்துராமலிங்கம்** · 27/09/2015

இத்தனை பிரமாண்டத்திற்கு எத்தனை பணமோ?

வடபழனி ஃபோரம் மாலில் எஸ்பிஐ சினிமாஸின் புதிய திரையரங்கு திறப்பு