சொர்க்கமே என்றாலும் அது நம்மூரை போல வருமா!!!!

kandhasami saravanan · kandhasami saravanan Sun Dec 27, 2015 3:32 pm

அழகான அடைமழையும்
ஆங்காங்கே தண்ணீர் தேக்கமும்!

அகன்ற கன்மாயும் அதன் கரையில்
ஆலமர ஊஞ்சலும் !

சில்வண்டுகளின் சினுங்களும்
சிட்டுகளின் சில்லாட்டமும் !

சேற்று மண்ணின் வாசனையும்
செம்மீன்கள் ஓடும் நீரோட்டமும்!

வரப்போர துளசி வாசனையும்
வஞ்சியவளின் கஞ்சி களையமும் !

ஏரோட்டும் உழவனின் அழகும்
எசபாட்டு பாடும் குமரியின் அழகும்!

நாற்று நடும் நங்கைகளின் அழகும்
நம்ம ஊர் கோவில்களின் அழகும்!

பசுமையான வயல்களின் அழகும்
செம்மையான நெற்கதிரின் அழகும்!

நாம்
திரவியம் தேடி திரைகடல் தாண்டினாலும்
தேகம் மட்டும் செல்லுமே தவிர - நம்மூர் மீது
கொண்ட மோகம் மட்டும் குறையாது!
க.சரவணன்