ஐ.எஸ்.ஐ.எஸ். கும்பலின் காதல் வலையில் இந்திய விமானப்படை வீரர் விழுந்தது எப்படி?: ருசிகர தகவல்கள்

இந்தியாவின் அதிமுக்கியத்துவம் வாய்ந்த ராணுவ ரகசியங்களை அறிந்துகொள்ள இங்கிலாந்தில் இருந்து காதல் வலை வீசிய ஐ.எஸ். உளவாளிப் பெண்ணின் காதல் வலையில் கேரள மாநிலத்தை சேர்ந்த இந்திய விமானப்படை வீரர் விழுந்தது எப்படி? என்பது தொடர்பான ருசிகர தகவல்கள் தற்போது வெளியாகியுள்ளன.

கேரள மாநிலத்தை சேர்ந்த ரஞ்சித் என்பவர் இந்திய விமானப்படையின் தொழில்நுட்பப் பிரிவில் பணியாற்றி வந்தார். பணிநிமித்தமாக அவ்வப்போது கர்நாடக மாநிலத்தில் உள்ள பெல்காம், சென்னை, டெல்லி மற்றும் பஞ்சாப்பில் உள்ள பதின்டா ஆகிய இடங்களில் உள்ள இந்திய விமானப்படை நிலையங்களில் போர் விமானங்களை பராமரித்து, கண்காணிக்கும் குழுவில் உயர்பொறுப்பு வகித்துவந்த ரஞ்சித்துக்கு மூன்றாண்டுகளுக்கு முன்னர் பேஸ்புக் மூலம் இங்கிலாந்தை சேர்ந்த ஒரு அழகிய இளம்பெண் அறிமுகமானார்.

இங்கிலாந்தில் உள்ள பீஸ்டன் பகுதியில் வசிப்பதாகவும், புலனாய்வு பத்திரிகையில் பணியாற்றிவருவதாகவும் தன்னைப்பற்றி அறிமுகப்படுத்தி கொண்ட அந்தப்பெண் அவ்வப்போது பேஸ்புக் வாயிலாக ரஞ்சித் மீது அன்புமழையை பொழிய தொடங்கினார்.

புதிய அறிமுகம் தந்த ஒருவிதமான இனம்புரியாத மயக்கத்தில் இரவு, பகல் பாராமல் எந்நேரமும் தனது தோழியின் வரவை எதிர்பார்த்து பேஸ்புக்கே கதியாக ஆகிப்போனார், ரஞ்சித். நாளடைவில் பின்னிரவு நேரத்தில் பேஸ்புக் ‘சாட்’ மூலம் சரளமான ஆங்கிலத்தில் ஆபாச வசனங்களை அந்த இளம்பெண் உதிர்த்துவிட, சொர்க்கத்தில் மிதப்பதைப்போன்ற ஒரு பரவசத்தில் அவர் ஆழ்ந்துப் போனார்.

இந்நிலையில், ரஞ்சித்தின் வேலை தொடர்பாக அவர் விசாரிக்க தொடாங்கினார். போர் பயிற்சிகள் மற்றும் இந்திய விமானப்படை விமானங்களின் செயல்திறன் ஆகியவற்றைப்பற்றி வானளாவப்பேசி, தனது பணியைப்பற்றிய விபரங்களை ‘புட்டுப்புட்டு’ வைத்த ரஞ்சித் தன்னுடைய சில புகைப்படங்களையும் அவருடன் வாட்ஸ்அப் மற்றும் ஸ்கைப் மூலம் பரிமாற தொடங்கினார். பின்னர், இருவரும் நேரிடையாகவே முகத்தோடு முகம் நோக்கி இண்டர்நெட் அழைப்பின்மூலம் பேசிக் கொள்ள தொடங்கினார்கள்.

மெதுவாக, தனது திட்டத்தின் முதல்காயை அந்த இளம்பெண் நகர்த்தினார், இந்திய விமானப்படையில் என்னென்ன ரக விமானங்கள் உள்ளன? அவற்றின் செயல்திறன் என்ன? என்பது தொடர்பாக ரஞ்சித்திடம் ஒரு பேட்டியை எடுத்த அவர், அதை தான் வேலை செய்யும் பத்திரிகையில் பிரசுரிக்கப் போவதாக தெரிவித்தார்.

அடுத்தகட்டமாக, குவாலியர் நகரில் இயங்கிவரும் இந்திய விமானப்படையின் ரகசியக்கூடம் பற்றிய தகவல்களை அளிக்குமாறு அவர் கேட்க, இந்திய பாதுகாப்பு துறையின் மிகஉயர்ந்த ரகசிய கூடமான அந்த திட்டத்தைப் பற்றிய தகவல்களை வெளியிட ரஞ்சித் மறுத்து தயங்கினார். இதற்கிடையே, பெல்காம், சென்னை, டெல்லி மற்றும் பஞ்சாப்பில் உள்ள பதின்டா ஆகிய இடங்களில் மாறிமாறி வேலை செய்துவந்த ரஞ்சித்தின் இணையதள நடவடிக்கைகளை ராணுவ புலனாய்வு மற்றும் தேசிய பாதுகாப்பு முகமை அதிகாரிகள் தீவிரமாக கண்காணிக்க தொடங்கினர்.

குவாலியர் நகரில் இயங்கிவரும் இந்திய விமானப்படையின் ரகசியக்கூடம் பற்றிய தகவல்களை அளிக்க மாட்டேன் என ரஞ்சித் பிடிவாதம் பிடித்துவந்த நிலையில் இதற்கு முன்னர் இந்திய போர் விமானங்களின் தொழில்நுட்பம் பற்றி பேஸ்புக்கில் பரிமாறிய ரகசிய தகவல்கள், அளித்த பேட்டியின் பதிவுகள் போன்றவற்றை அம்பலப்படுத்தி உன்னை காட்டிக் கொடுத்து விடுவேன். மரியாதையாக, குவாலியர் ரகசியக்கூடம் பற்றிய தகவல்களை எனக்கு தெரிவித்தே ஆகவேண்டும் என அந்த இளம்பெண் மிரட்டத் தொடங்கினார்.

இந்நிலையில், ஐ.எஸ்.ஐ.எஸ். தீவிரவாத இயக்கத்தின் ஏஜெண்ட்டாக பணியாற்றிவந்த அந்த இங்கிலாந்து பெண்ணுடனான ராஜ்நாத்தின் மொத்த தொடர்புகளுக்கான ஆதாரங்களை முழுமையாக சேகரித்த ராணுவ புலனாய்வு மற்றும் டெல்லி போலீஸ் அதிகாரிகள் நேற்று முன்தினம் பஞ்சாப்பில் உள்ள பதின்டா விமாப்படைத்தளத்தில் ரஞ்சித்தை கைது செய்துள்ளனர்.

நேற்று அவரை கோர்ட்டில் ஆஜர்படுத்திய போலீசார், நான்கு நாள் காவலில் எடுத்து விசாரித்து வருகின்றனர். -maalaimalar

இந்தியர்கள் அனைவரும் விழிப்புணர்வுடன் இருக்கவேண்டும் என்பதற்காக தான் இதை படித்ததும் பகிர்ந்தேன்

ராஜா wrote:இந்தியர்கள் அனைவரும் விழிப்புணர்வுடன் இருக்கவேண்டும் என்பதற்காக தான் இதை படித்ததும் பகிர்ந்தேன்

மேற்கோள் செய்த பதிவு: 1184000


ஆமாம் எப்படியெல்லாம் மடக்கறாங்க ஆளை?