ஜெ. வழக்கில் சசிகலா தரப்பு வாதம் தொடங்கியது

ஈகரை தமிழ் களஞ்சியம் :: செய்திக் களஞ்சியம் :: தினசரி செய்திகள்

Page 1 of 1 •

ஜெ. வழக்கில் சசிகலா தரப்பு வாதம் தொடங்கியது

#1203893

ayyasamy ram
வழிநடத்துனர்: பதிவுகள் : 81961
இணைந்தது : 30/09/2013

Post ayyasamy ram Wed Apr 20, 2016 3:08 pm

ஜெ. வழக்கில் சசிகலா தரப்பு வாதம் தொடங்கியது D7k5QZJgQGiT3RxwJbJi+jaya_sasikala_2137637h

-
தமிழக முதல்வர் ஜெயலலிதா, சசிகலா, சுதாகரன்,
இளவரசி ஆகியோர் மீதான சொத்துக் குவிப்பு
மேல்முறையீட்டு வழக்கு உச்ச நீதிமன்றத்தில்
நீதிபதிகள் பினாகி சந்திரகோஷ், அமிதவ ராய்
ஆகியோர் அடங்கிய அமர்வு முன்னிலையில்
நேற்று விசாரணைக்கு வந்தது.

கர்நாடக அரசு, சுப்பிரமணியன் சுவாமி மற்றும்
ஜெயலலிதா தரப்பின் இறுதி வாதம் ஏற்கெனவே
நிறைவடைந்துவிட்டது. இதனால் சசிகலா, சுதாகரன்,
இளவரசி தரப்பின் இறுதி வாதம் தொடங்கியது.

மூவர் தரப்பிலும் ஆஜரான மூத்த வழக்கறிஞர்
சேகர் நாப்டே, “கர்நாடக அரசு குற்றம் சாட்டுவதை
போல சசிகலா, சுதாகரன், இளவரசி ஆகிய மூவரும்
ஜெயலலிதாவின் பினாமிகள் அல்ல. 1991-ம்
ஆண்டுக்கு முன்பாகவே மூவருக்கும் தனித்தனியாக
வருமானம் இருந்தது.

இது தொடர்பாக 1991-96 காலகட்டத்தில் மூவரும்
தனித்தனியாக வருமான வரி கணக்கு தாக்கல்
செய்துள்ளனர்.

இதேபோல ஜெயலலிதா வுக்கும் சசிகலாவுக்கும்
இடையே பணப் பரிவர்த்தனை நடை பெற‌வில்லை.
ஜெயலலிதாவுடன் ஒரே வீட்டில் வசித்ததால்
ஜெயலலிதாவின் பணத்தை சசிகலா பயன்படுத்தினார்
என கூறுவதை ஏற்கமுடியாது.

பணப் பரிவர்த்தனை, சொத்துகளை நிர்வகித்தது
உள்ளிட்ட சசிகலா மீதான குற்றச்சாட்டுகளுக்கு எவ்வித
ஆதாரமும் இல்லை'' என்றார்.
-
இதையடுத்து அடுத்தகட்ட விசா ரணையை வியாழக்
கிழமைக்கு நீதிபதிகள் ஒத்திவைத்தனர்.
-
-------------------------
தமிழ் தி இந்து காம்