என் வெட்கம்

**ayyasamy ram** · **ayyasamy ram** Sat Jul 30, 2016 2:31 pm

-

ஒரு மரத்திற்கு
அது விட்டிருக்கும் இலைகளின்
எண்ணிக்கை தெரியுமா?
-
வானம் என்ற கண்ணாடியில்
தன்னைப் பார்த்துக் கொள்ளும்
அபிலாஷை அதற்கு உண்டா?
-
மழை பெய்யும்போது என்ன நினைக்கிறது அது?
தன் குழந்தைகளைப் பறிக்கும் கரங்களைப் பற்றி
அதன் அபிப்பிராயம் என்ன?
நிலாக் காய்வதில் அதற்கு சந்தோஷம் உண்டா?
பறவைகளுக்கு என்ன சம்மதங்கள்
அது அளித்திருக்கிறது?
-
எனக்குத் தெரியவில்லை
வெட்கமாக இருக்கிறது எனக்கு
-
----------------------------------
-சுந்தர ராமசாமி
யாரோ ஒருவனுக்காக - கவிதை தொகுப்பிலிருந்து