சினிமா பாடலாசிரியர் நா.முத்துக்குமார் காலமானார்

**ayyasamy ram** · **ayyasamy ram** Sun 14 Aug 2016 - 13:02

-
பிரபல தமிழ் திரைப்பட பாடல் ஆசிரியர்
நா.முத்துக்குமார் (41) இன்று சென்னையில் காலமானார்.
மஞ்சள் காமாலை நோயால் அவர் பாதிக்கப்பட்டிருந்தார்.

சீமானின் வீர நடை திரைப்படத்தில் பாடலாசிரியராக
அறிமுகமான முத்துக்குமார்,

இரண்டு முறை தேசிய விருது பெற்றுள்ளார்.
-

**ராஜா** · **ராஜா** Sun 14 Aug 2016 - 14:32

RIP முத்துக்குமார் சார் ....இவ்வளவு சிறிய வயதில் காலனிடம் சென்ற அன்னாரின் ஆத்மா சாந்தியடையவும் , இவரின் குடும்பத்தாருக்கு மனஉறுதியை வழங்கிடவும் இறைவனை வேண்டுகிறேன்

**T.N.Balasubramanian** · **T.N.Balasubramanian** Sun 14 Aug 2016 - 15:47

ஆனந்த யாழினை மீட்டியவனே
ஏனிந்த அவசரம் வாழ்வினிலே .
தேமதுர தமிழை பருக ,
காலனுனை அழைத்தானோ ?
காதகன் அவன் என்பேன்
பாதகம் செய்திட்டான் தமிழுக்கு .

அன்னார் குடும்பத்திற்கு ஆழ்ந்த அனுதாபங்கள் .

ரமணியன்

**ayyasamy ram** · **ayyasamy ram** Sun 14 Aug 2016 - 16:39

சென்னை பச்சையப்பன் கல்லூரியின் தமிழ் இலக்கிய
மாணவரான கவிஞர். நா.முத்துக்குமார் 'பட்டாம் பூச்சி விற்பவன்'
என்ற கவிதை தொகுப்பு மூலம் தமிழ் இலக்கிய உலகில்
அறிமுகமானவர்.
-
அதன் பிறகு பல்வேறு கவிதைத் தொகுப்புகளை வெளியிட்டு
தமிழ் இலக்கிய உலகில் தனக்கென தனி இடத்தைப் பெற்ற
சிறப்புக்குரியவர்.
-
தொண்ணூறுகளின் இறுதியில் தமிழ்த் திரைப்பட துறையில்
'வீர நடை' படத்தின் மூலம் பாடலாசிரியராக அறிமுகமான
நா. முத்துக்குமார்,மின்சாரக் கண்ணா, ஹலோ,வெற்றிக்கொடிகட்டு
உள்ளிட்ட 200 திரைப்படங்களுக்கு பாடல் எழுதியுள்ளார்.
-

தங்கமீன்கள், சைவம் திரைப்படங்களின் பாடல்களுக்கு
தேசிய விருதும் பெற்றவர் நா.முத்துக்குமார் என்பது குறிப்பிடத்தத்தக்கது.