தந்திரங்கள்...!! ஹைபுன்.

ந.க.துறைவன் · ந.க.துறைவன் Tue Aug 16, 2016 6:40 am

அசம்பாவிதமாக நடக்கின்ற செயல்கள் யாவும் அதிர்ச்சியைத் தருகி்ன்றது. அச்சம்பவங்கள் யாவும் எவருக்கும் அதிர்ச்சியாகத் தெரிவதில்லை. வேடிக்கையான சம்பவமாகவே பாவிக்கிறார்கள். அசட்டையான நடவடிக்கைகள் கண்டு கேலியாகப் பேசுகிறார்கள். இச்சமூக நிகழ்வுகள் யாவும் சர்க்கஸ் விளையாட்டு போன்று கண்டு களிக்கிறார்கள். அச்சம்பவங்கள் பற்றி கொஞ்ச நாள்கள் பேசுகிறார்கள். பிறகு, அதனை மறந்தே போகிறார்கள். மக்களின் இம்மனநிலையினை அறிந்துள்ள அரசியல்வாதிகள் சில இக்கட்டான சூழ்நிலையில், மக்களின் மனதை திசைதிருப்புவற்காக, இத்தந்திரங்களைப் பயன்படுத்தி வெற்றி காண்கிறார்கள்.

காலடி வைத்து திரும்புகின்றனர்
யார் என்றும் முகம் தெரியாது?
நிலாவிற்கு நினைவிருக்குமா?
ந.க.துறைவன்.

ந.க.துறைவன் · ந.க.துறைவன் Mon Jan 09, 2017 6:02 am

ஹைபுன் : நீர்த்துளிகள் முத்தாட…!!

பனிநீரில் இலையாட, குருவிகள் சிலிர்த்தாட. காற்றில் மலராட, நீர்த்துளிகள் முத்தாட, பசுக்கள் நடைபோட, கன்றுகள் பின் துள்ளாட, நடுங்கும் குளிரில் விடியற்காலை வெள்ளென வெளுக்கும் பொழுதில் விழித்தெழுந்தாயே மார்கழியே, உனை ஆண்டாள் துதிபாட, பக்தர்கள் பின்பாட, பனிசூழ்ந்த வெளியெங்கும் சூரியன் ஒளி பரப்ப, பறவைகள் படபடத்து எழுந்து பறக்க, பால்கறக்கும் பசுக்கள் நின்று புல்தின்று பால்சுரக்க, மாடுகள் வயலில் உழுது மணியசைக்க, உழவன் வயல் உழுது மனம்சலிக்க, பகல்போது துவங்கியது. கிராமம் தன்பணிகள் நிறைவேற்றிடவே விழிப்புற்று விழித்தெழுந்ததுவோ!!

குடிசைகளை நேசிக்கும்
கருணை உள்ளம் படைத்தவைகள்
மார்கழியில் மலரும் பூசணிகள்.

ந.க.துறைவன்

ந.க.துறைவன் · ந.க.துறைவன் Thu Mar 23, 2017 10:04 am

ஹைபுன்.

இலைகள் பசுமையாக இருக்கும் வரைதான் மரத்திற்கு மதிப்பு. அவைகள் உதிர்ந்து விட்டால் மதிப்பிழந்து விடும். இரட்டை இலை யாருக்கு என்று யார் தீர்மானித்தால் என்ன? தீர்ப்பு யார் சொன்னால் என்ன?. அவைகள் யாரிடம் இருந்தாலும், இனி அவைகள் மண்ணில் உதிர்ந்து மக்கிக் குப்பையாகப் போகப் போகிறது என்பது தானே உண்மை. இது தானே இயற்கையின் நியதி. விதி.

மண்ணில் உதிர்ந்து அழிந்தது
மீண்டும் துளிர்த்தது மரம்
இலை உதிர்காலம்.
ந.க.துறைவன்.
*

Sponsored content · Sponsored content

தந்திரங்கள்...!! ஹைபுன்.

தந்திரங்கள்...!! ஹைபுன்.

Re: தந்திரங்கள்...!! ஹைபுன்.

Re: தந்திரங்கள்...!! ஹைபுன்.

Re: தந்திரங்கள்...!! ஹைபுன்.

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக