”க” இலக்கிய சந்திப்பு

geetham · geetham Tue Sep 20, 2016 10:19 pm

க- ஓரெழுத்து அகராதி
உயிரின் முதலும்
மெய்யின் முதலும்
புணர்ந்து பிறந்த
காதலின் வடிவம்
உயிர் மெய்யின் உருவம்.

க- இதயத்திலிருந்து பிறக்கும்
வல்லினத்தின் முதல்
ஓசையின் வடிவம்

க-கல் என்பதன் முதன்மை
”கல்”மலையின் சிறுதுளி
“கல்”மனித வளர்ச்சியின் வேர்.

க-தமிழனின் உயர்வை
உலகுக்கு உணர்த்திய

கலாமின் முதலெழுத்து

க-தமிழனின் வண்ணம் கூறும்

உழைப்பின் நிறம் கூறும்

தமிழ்ச்சொல்லின் முதலெழுத்து.

க-என்று எழுதினேன்
எனையா என்றருகில் வந்தது
காடு
அழுகையுடன் அழிந்து போன
கதை கூற.

க- என்றெழுத
ஓடி வந்தது குளம்
மனம் வெடித்து பிளந்து போன
நிலை கூற.க-என்றதும்

காற்று கடிதில் வந்து

முதலில் எனைக்குளிப்பாட்டு

இல்லையெனில் அழிந்து போவீர்

என அச்சுறுத்தியது.

க-கர்நாடகாவின் முதலெழுத்து

தண்ணீருக்கான நம்

கண்ணீரின் தலையெழுத்து.

க-க க போ எனச் சொல்லிப்போகும்

காமெடி பீசு அல்ல.

க -கவிதையின் முதல்

கதையின் முதல்

கட்டுரையின் முதல்

கலை இலக்கியத்தின் முதல்

**M.Jagadeesan** · **M.Jagadeesan** Wed Sep 21, 2016 9:06 am

" க " என்னும் எழுத்தில் பிறந்த கவிதை மிகவும் நன்று .

இந்த பதிவைத் துவங்கியவர் நன்றி கூறியுள்ளார் M.Jagadeesan

ChitraGanesan · ChitraGanesan Wed Sep 21, 2016 10:27 am

அப்பப்பா நக நல்ல கவிதை

**T.N.Balasubramanian** · **T.N.Balasubramanian** Wed Sep 21, 2016 2:20 pm

கீதா வும் ....'க' வின் ஒரு அங்கம்தான் .

அருமையாக உள்ளது . கலக்கல் . மகிழ்ச்சி

தொடருங்கள் உங்கள் சேவையை .

ரமணியன்

geetham · geetham Thu Sep 22, 2016 7:46 am

அனைவருக்கும் மனம் நிறைந்த நன்றி.

Sponsored content · Sponsored content

”க” இலக்கிய சந்திப்பு

”க” இலக்கிய சந்திப்பு

Re: ”க” இலக்கிய சந்திப்பு

Re: ”க” இலக்கிய சந்திப்பு

Re: ”க” இலக்கிய சந்திப்பு

Re: ”க” இலக்கிய சந்திப்பு

Re: ”க” இலக்கிய சந்திப்பு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக