என்னிடம் பெரிதாக…

**ayyasamy ram** · **ayyasamy ram** Sun Oct 02, 2016 8:17 pm

வாழ்க்கை எப்படிப் போகிறது
என்று கேட்டான்
ரொம்ப நாள் கழித்து
சாட்டில் வந்த நண்பன்
–
முன்தினம்
சரவணபவனில்
பெரிய தோசை வேண்டும்
என்று அடம்பிடித்து வாங்கிச்
சாப்பிட முடியாமல்
முழித்துக் கொண்டிருந்த
சிறுமியைப்பற்றிச் சொன்னேன்

–
அப்புறம் பார்க்கலாம்’ என்று
மறைந்து போனான்
என்னிடம் பெரிதாக
எதையேனும்
எதிர்பார்க்கிறார்களோ.
–
———————-
முகுந்த் நாகராஜன்

**M.Jagadeesan** · **M.Jagadeesan** Tue Oct 04, 2016 7:47 am

ரொம்பநாள் கழித்து வந்தநண்பன்
...ரொம்பநேரம் என்னுடன் பேசவில்லை
ரம்பம்போட்டு என்னை அறுக்காமல்
...ரத்தினைச் சுருக்கமாய்ப் பேசினான் !

வாழ்க்கை எப்படிப் போகிறது ?
...வளமா நலமா எனக்கேட்டான் .
ஊழ்வினை நன்றாய் இருக்கிறது
...உயர்வே எல்லாம் எனச்சொன்னேன் !

அப்படியானால் ஆயிரம் ரூபாய்
...அடியேனுக்குக் கடன் தொகையாய்
இப்போதே நீ அனுப்பிடுவாய்
...இதுவே எனது விண்ணப்பம் !

உடையது விளம்பேல் எனச்சொன்ன
...ஒளவை வார்த்தை மறவாதீர் !
தடைபல வாழ்வில் வந்திடுமே
...தர்ம சங்கடம் தந்திடுமே !

Ramalingam K · Ramalingam K Tue Oct 04, 2016 7:56 am

M.Jagadeesan wrote:ரொம்பநாள் கழித்து வந்தநண்பன்
..
உடையது விளம்பேல் எனச்சொன்ன
...ஒளவை வார்த்தை மறவாதீர் !
தடைபல வாழ்வில் வந்திடுமே
...தர்ம சங்கடம் தந்திடுமே !

மேற்கோள் செய்த பதிவு: 1223476

ஐயா!

கொடுப்பது திரும்பக் கிடைக்கும் என்ற எதிர்ப்பார்ப்பில் கொடுக்கப்படுவது கடன் - அதனால் வருவது தடையே- எல்லாவகையிலும்.

கொடுப்பதைத் திரும்பப் பெற வேண்டாம் என்ற எண்ணைத்தில் கொடுத்தல் என்பது ஒருவகை தர்மம். அந்த தர்மம் கொடை - அது தலைகாக்கும் என்று தங்களைப் போன்ற சான்றோர் சொன்னவைதானே.

இந்த பதிவைத் துவங்கியவர் நன்றி கூறியுள்ளார் Ramalingam K

**M.Jagadeesan** · **M.Jagadeesan** Tue Oct 04, 2016 8:27 am

குடும்ப வாழ்க்கை நடத்துபவன்

10 ரூபாய் கொடுத்தால் அது தர்மம் .
1000 ரூபாய் கொடுத்தால் அது கடன் .

Sponsored content · Sponsored content

என்னிடம் பெரிதாக…

என்னிடம் பெரிதாக…

Re: என்னிடம் பெரிதாக…

Re: என்னிடம் பெரிதாக…

Re: என்னிடம் பெரிதாக…

Re: என்னிடம் பெரிதாக…

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக